NINDAT KEP TUHAN NICUKTI NYA 32:11 - ALLAH NIHYET MEM TUNGWATU NYA

¹¹ Dem kep nok hacam krubri di ngginau nimien nya tut notou idwop-dwop nyen leu api teu yok nyahan ei ninyehei dip tirigi icut bimba kan bi.

NINDAT KEP TUHAN NICUKTI NYA 32:11 ပူးပေါင်းရင်းမြစ်များ

NITRITI 1:2

lene dihyeisi dini wer minu bigyo ba, jo sinsiou. Muk di roi sindem biam bidem dihyei nisurti-nipekti hagom ba, nidinditi di dindi-kai nggai kep hagom. Mpe dima ne Allah de nisindemti ugwa-kwei ei minyei ngwa dip.

MAZMUR 18:10

Noni bindei kki mpia-bbed him leu api juk kwei bico bumbuhui di dindi-kai dip.

NEHEI LEUSI 19:4

bipai “Jingat mun di Da di tuhan dibibon bak mben Mesir bou jiyai him tu. Leu api dibuwak je kwei ndam Da ei sirini tug hon Ditde nisindemti di nindig bibor dem kep nok hacam krubri di kon nipmot bat nya ei ninyehei dip.

YESAYA 31:5

Bit leu nok ha wek gom di kieng ninyehei gau nimien bat di ibong yahamti ne Da di tuhan Di Sindem Bibor midiya srak ko hagau mben Yerusalem bidiya ser yok bidiya srak ko hagau yok ba, diteu yok bingwes ngun cem.”

YESAYA 40:31

Noro yo di iba ingon com tuhan migyai nisindemti di nijep bu. Yoni inok hacam krubrig di ba ninyehei di nyan biko-ko nyen ei anai. Mbro nok gino yo dima idor sindem lo, inghuisi wei bi. Mbro nok gino imig dia mem nimbut nya lo, ibiau dut cem bi.

YESAYA 46:4

Dinok jide Allah kikau ug bipek jinghim koi kep bidiya ser je kikau bijibou tiei kep. Dipai tes je ba, midinyohou je bidimpu je cem ba, miditeu je bijingwes ngun cem.

YESAYA 63:9

leu mun di buhun di cut igkep yok hagom. tuhan cuk malaikati hi kin no di ya hacan hi ndam yok bi noro Nonti kwek yok lewo ngondut yok ba, ningon nggriu sut yok. Noni nyohou yok ei nimbie him kikau kwei bipek njap dima kep.

YEREMIA 13:11

Dipi bibou limwa mben Israel kin Yehuda iba yonti bikri Da bingkiem noyam kin minghas cun di niceu nonti bikri nintig bou a. Tug hon nisinati dima lene inok Ditde limwa di ibindei ba, tungwatu ikon dinyeng ba, ibou cut biDa cem. Noro ikou sut gima ibit dihyet.”

HOSEA 11:3

Mbro nok gino dipingok mben Israel tut gi imbut imig ba, diba dingon di nem nggriou yok bidinyohou yok cem lo, ijoi sut Da bikuk yok biDa bi.

NINDAT KEP TUHAN NICUKTI NYA 33:12

Lene noni pai sut keret Benyamin bipai, “tuhan ningon ngakei keret Benyamin biya srak ko hagau yok bidem njap jei ba, Noni ningat rin bibong ei ikieti.”

IBRANI 11:3

Niba ningon comti bindei ba, ikan tut bipia Allah pai tes mpia-bbed him titut yam tug hon nihyet di tibim ei nuhui him. Noni ba mun di bit bon ingat bou igyai him kan bi bipai tes mun di ingat bou igyai him hagom.

NINGAT-HI-NGAT NYA 12:14

Noro hi yai ninyehei can dem kep hacam krubri di nindig bibor ninyehei bak no di sop leu binhyepo bimba bingkwei hanyen ug ei nigwam kepti ei iggum ndigsi. Leu api hi minyohou noni mem ari bingwam ningai biniken ei sirima leu binhyepo ningwes ngun leu naga di micut igkep noni.

NINGAT-HI-NGAT NYA 12:4

Noni ba nipu bibrim ham nya nittou nsi gom leu mpia-bbed him bicom hagom ug ei dihyeisi mu lene ham nya nittou nsi can jo. Noni ya ei no di sop noho bei leu binhyepo pinde nimunggwom tirigi srek tut.