NINDAT KEP TUHAN NICUKTI NYA 31:6 - ALLAH NIHYET MEM TUNGWATU NYA

⁶ Suar jita jibou eisi bijibrim jingkek ba, jittin tut yok au. Lewo tuhan di nok jide Allah misindem tut je. Noni mikes je ei bibindei ba, jingon pus tut Noni bi sren.”

NINDAT KEP TUHAN NICUKTI NYA 31:6 ပူးပေါင်းရင်းမြစ်များ

NITRITI 26:24

Himmun gom lene tuhan tau kep noni bipai bak “Dani ne acig Abraham de Allah rin ba, attin tut Dani au. Midinyohou nani bidinjei mun di kei bak nani cem leu binhyepo ade nintun him yamti di bram yam nya idigek kep mpia bit leu nok gi dipreu ei mem Ditde awak di Abraham nipou su.”

NITRITI 28:15

Amiap e, midingat rin bit na kikau bidem ambutti nya hagom ba, dinyohou na. Lene mporo midibuwak na hanyen kwei ei atimieisi dini. Midimbres Da leu na bi sren. Midibindei ba, mun di dipreu kep na tut nya hagom mipek kep mem na.”

SAMUEL GI NICAN 10:12

Akwei ba, siba mimbri di kui singkek biya ngkiem! Sikon pran gau side mben Israel kin side Allah de minu ndig nya cem. Nna ba tuhan mibon mun bit leu Nonti ningon kanti hak ug.”

NIBOU NDIG NYA GI NIGOM 2:2

“Son dideu diyaijo ningwig honti tu. Gima rino ma angon gom ba, abrim angkek,

NIBOU NDIG NYA GI NIGOM 6:13

Midikwei bong bit Ditde limwa di mben Israel ei Ditde ig di angot ei su dini lene midikes yok ei bi sren.”

NIBOU NDIG NYA GI NIGOM 8:57

Handei kon ba, nyende tuhan Allah ningat rin bit nye bit leu nok ningat rin bit nyeni idigup bat-idigai bat nya ba, kes nye ei bi sren.

NIBOHON MBEN ISRAEL GI NIGOM 22:13

Gino abit tuhan nikos tutti nya hagom po yai bak Musa mem mben Israel pima lene mporo ma angat ningat di kei di ntun him. Suar angon ngkiem ba, abrim angkek cem. Lene ma angon nghen ba, adigit tut mun nyeng hi di aum kep nya au.

NIBOHON MBEN ISRAEL GI NIGOM 28:10

Ma ayok ngon kep mungkun kei bipia tuhan dimig nani pijum ei mem gima angot ig gom mem Noni. Gima rino nogindini ma ata abou eisi ba, angot kikau biput kep.”

NIBOHON MBEN ISRAEL GI NIGOM 28:20

Leu api Nibou Ndig Daud pai bu bak nipmot Salomo “Suar aba angon ngkiem bibingwam kep midyai dima. Akinyon eisi lene ma adigit tut mun nyeng hi au. tuhan Allah di dikuk da bak mimpu na. Noni mikes nani ei bi sren. Noni minggre kin nani tut midyai ningot tuhan De Igsi dima kikau biput kep.

NIBOHON MBEN ISRAEL GI NICAN 32:7

“Ma mimbri kui jingkek ba, jingon nddong kei. Ma jidigit tut nibou ndig mben Asyur kin nide tentara nya au. Nisindemti di ningat rin bit nyeni nindig bibor dor njiriek nisindemti di ningat rin bit noni.

MAZMUR 27:1

Doia Daud. tuhan ne nipigati di piga digai da kin No di teu da leu sisar biyai niyaijo nijep bida cem ri. Gima rino dittin tut tungwa hi bi. Noni ne tentara nibousi di diya coi. Gima rino dinghuisi mpig sut mun nyeng hi bi sren.

MAZMUR 27:14

Ma ayok ngon mem tuhan ba, akum ei ade niba ningon comti. Ma angon cut leu au. Ma aba angon com tuhan!

MAZMUR 94:14

Lewo tuhan mikes Nide limwa nya ei bi. Noni ba nokep yok apino mirok yok ei nitta bi sren.

YESAYA 41:10

Ma jittin au lewo dingat rin bit je. Ma jikrau jingon tut mun nyeng hi hi bu au lewo Dani ne jide Allah ri. Midisindem tut je bidimpu je cem ba, diba dinda di sindem bibor bibie tut je.

YESAYA 51:12

tuhan pai “Dani rino digwam ser jingona. Nggon rino jittin tungwatu di mipror yon ug rin i? Nggon rino jittin tut tungwatu di inoyam kin minta di ijip bicom ei i?

YEREMIA 1:8

Ma attin tut yok au. Midingat rin bit na leu binhyepo dinyohou na. Da di tuhan disimbot dat tu!”

YEREMIA 32:40

Nipreu eisi di dipreu ei bit yok mijo kikau. Midikes hon ninjei mun di kei bak yoni bi. Dibindei ba, iba ingon titut bittin tut Dani ba, ibou cut biDa cem. Diyai gima leu binhyepo iba inghim bak Dani bu bi sren.

HAGAI 2:4

Mbro nok gima lo, ma jahagom jingon cut leu au! Ma jinda jo kep midyai niwin ig dimati lewo midimpu je kikau.

ZAKHARIA 8:13

Je di timiei minu Yehuda kin minu ndig Yerusalem e! Nipou pini jug tirigi ngkiai nya isigion yam ne isimbot dat ‘Nnaba mun di buhun di cut igkep minu Yehuda kin Israel nya cut igkep nani cem!’ Noro miditeu je bijingwes ngun apino ngkiai dima yok isimbot dat biyam ‘Nnaba mun di kei di juk kwei mem minu Yehuda kin Israel nya juk kwei mem nani cem!’ Gima rino ma jibrim jingkek ba, jittin tut au!”

MBEN ISRAEL IMBUT-MBUT NYEN 13:20

Ma jingon nddong ba, jita jibou eisi. Ma jinggok tut gino minu dima bon ninnumti kin baham nitindurti nindig bibor e? Ma jiyok ngon kep bipia nogindia son dideu nijam ba anggur ngat nimbie him ri. Gima rino ma jipuk biei ngat poi mien ba, jikwei sut.”

MBEN ISRAEL IMBUT-MBUT NYEN 13:9

kin Palti di Rafu nipmot di ntun keret Benyamin him,

MBEN ISRAEL IMBUT-MBUT NYEN 14:9

Noro ma jaham jimbuk kep tuhan ba, jingon digit tut timiei minu dima au. Krop kei mem gima nyeni ihwen yok bingwig lewo tuhan ningat rin ei nyeni ikieti ba, Noni co kep yo dima ide kwar di ikuk yok bak bingwig leu su. Gima rino ma jingon digit tut yok au.”

LUKAS 12:32

“Je dino jimang bi e, ma jittin tut au! Lewo Jicig joi sut gi yai munkwas di ntun Nide ninyeng tak kepti him bije.

KORINTUS GI NIGOM 16:13

Ma jiyai ngkiem bijiba jingon di nddong bingon jo kep Kristus ningginausi nya. Ma jiba jingon di nddong biyai jibou tut yo di itte tut je lene ma jiyai nisindemti.

EFESUS 6:10

Dirop ninda ndigsi nok gini. Ma jisindui sut Tuhan ba Nide nisindemti di nindig bibor bibikum ei jide nisindemti lewo jinok gom kin Noni.

NINDAT KEP TUHAN NICUKTI NYA 1:29

Noro dipai bije “Ma jittin tut yo dima au.

NINDAT KEP TUHAN NICUKTI NYA 11:8

“Ma jibit nicukti hagom di ditri tut bak jeni njap di ammani. Leu api dem mem gima jisigon minyei bijuug dihip ei nite dima ug ba, jicoi ug ei minu di jei bi mijibong niti.

NINDAT KEP TUHAN NICUKTI NYA 20:1

“Tirigino jinjei siceu bijihwen jide siceu nya, lene ma jidigit tut ide kroba pran kin ide kuda di mang-mang kin ide tentara di ikon pran kan nya di imangti dor njiriek jimangti au. Lewo jide tuhan Allah di kwek jeni leu minu Mesir mimpu je.

NINDAT KEP TUHAN NICUKTI NYA 31:23

Lene tuhan pai bak Yosua di Nun nipmot “Suar angon nddong ba, ata abou eisi lewo jei bi lene abie tut mben Israel ug ei minu di dipreu ei mem yok nipou su. Midingat rin bit na.”

NINDAT KEP TUHAN NICUKTI NYA 31:7

Lene Musa hig Yosua kwei bicuk noni ei mben Israel yahagom yoho bei bipai “Ma ata abou eisi ba, abrim angkek lewo nani ne no di mibie tut yo dini tirigi icoi ug ei minu di tuhan preu ei mem idigup bat-idigai bat nya bibong kep ri.

NINDAT KEP TUHAN NICUKTI NYA 31:8

tuhan Nonti mibie tut nani ba, ningat rin bit nani cem. Noni mikes nani ei bibindei ba, angon pus tut Noni bi sren. Gima rino ma angon ttin ba, angwes mien au.”

NINDAT KEP TUHAN NICUKTI NYA 4:31

Lewo tuhan Allah ne jide Allah di ngondut tungwatu nya nindig bibor ri. Noni mikes je bihigom ei bi ba, mihwen je bijingwig bi. Gima cem ningon miprion ser mun po Noni preu ei mem jidigup bat-jidigai bat nya pima bi.

NINDAT KEP TUHAN NICUKTI NYA 7:18

Noro ma jittin tut yok au. Ma jiyok ngon kep notou tuhan di nok jide Allah kes mun di buhun pima ei nibou ndig mben Mesir kin nide limwa nya dip.

2 TIMOTIUS GI NICAN 2:1

He dipmot Timotius ug o! Suar ayai nisindemti tug hon Kristus Yesus di singat tut sa drek dip gi sinok gom kin Noni.

IBRANI 13:5

Suar jimbres jenti leu sisar niba noho rok mitieisi. Ma jingon cut hon jimati di jo bije tu. Lewo Allah pai “Dimbres Da leu jeni bidikes je ei bi sren.”

YOSUA 1:9

Ma ayok ngon kep Ditde nicuk nati pima leu binhyepo angon nddong ba, abrim angkek! Ma attin tut ba, angon pus tut au. Lewo Da di tuhan dinok ade Allah ba, midingat rin bit na bidem ambutti nya hagom.”

YOSUA 10:25

Gima leu api Yosua pai bak nibou tentara nya “Ma jingon mbut-mbut nyen ba, jidigit tut yok au. Ma jita jibou eisi ba, jingon nddong kei cem. Lewo tuhan mibibon jide siceu nya yahagom nok gini.”

NINGAT-HI-NGAT NYA 21:8

Noro yo di ingwes ttin kin yo di itri Da kin yo di irom ndok kin yo di ihwen mun kin yo di icut tut yam kin yo di inda dut kin yo di ikuk yok bak kwar nya kin niris kep mun cig nya yahagom mitug ndei hukum ei muk hum belerang di cig-cai ba, gini ne nimai gi nican ri.”

SAMUEL GI NIGOM 12:22

Allah preu ei mem je tug hon neheng bipia Noni mikes je ei bi sren. Lewo Noni dimig jeni ei bijinok Nide limwa nya.