NINDAT KEP TUHAN NICUKTI NYA 30:4 - ALLAH NIHYET MEM TUNGWATU NYA

⁴ Mbro nok gino tuhan di nok jide Allah com je kikau ug ei minu nohon keti lo, Noni minduk je hanyen kwei.

NINDAT KEP TUHAN NICUKTI NYA 30:4 ပူးပေါင်းရင်းမြစ်များ

NIBOU NDIG NYA GI NIGOM 8:34

nnaba angig atingou ei gwamti mem Ade limwa nya ighyet. Akos ser ide sisar ba, abuwak yok hanyen kwei ei ide minu dini di ayai bak idigup bat-idigai bat nya tu pima.

NIBOHON MBEN ISRAEL GI NICAN 30:9

Gino jingkwei hanyen bijinok awak mem Noni lene Noni mibindei ba, mben ngkiai po ikat jide adig-ajoi nya bikri yok ug ei isimati tu pima mingondut yok ba, mikes yok bingkwei hanyen kwei ei itimieisi yo. Jide tuhan Allah ne Allah di ningon nggriu rin ba, ngondut tungwatu nya cem. Gino jingkwei ndam Noni lene Noni micigit jeni ndam Nonti hanyen.”

NEHEMIA 1:9

Ne gino jikiek je bijitti kin Da hanyen bu bijibit dicuk jeti nya ne mbro nok gino dijji je ug ei minu nohon keti lo, midibuwak je hanyen kwei ei minu di didimig ei mem tungwatu nya ikuk yok biDa eisi.

YESAYA 27:12

Mpe dima lene tuhan minduk Nide limwa nya gom-gom sindam kwei leu Minyei Efrat nyai kikau buug bipek kin minu Mesir de minu niya kwas yamti ba, ibicom yam. Noni mikwas yok noyam kin gi tungwatu ikwas gandum ninjep leu nisina bai pimo.

YESAYA 43:6

Midikes dihyet bak timiei mpia nijjai nya kin mpia nibiho nya leu binhyepo ice tut jide nintun him yamti di bram yam nya ba, ikwei hanyen leu ingkiaisi bisindui sut Ditde limwa nya ba, ikwei hanyen leu dihyei nisurti-nipekti.

YESAYA 48:20

Jinang ba, jingwes ngun leu minu Babel hak ug bijitri tut nihyet dini ug ei tirima-tirima lene jiba nimbos-hi-mbos kin ningon nggei-hi-nggeisi bitri tut “Gi tuhan teu Nide awak di Israel ba, ningwes ngun tu!

YESAYA 62:11

tuhan sok nihyet dini bak tungwatu bidem dihyei nisurti-nipekti bipai “Ma jipai bak timiei Sion nya ‘Jingat i! tuhan Niteu Ningwes Ngun Cig tau su! Yo di Noni kwek yok tu nya injei bit Noni.’ ”

YEREMIA 31:8

Midibuwak yok kwei leu nite bei mpia nijjai bidinduk yok kwei leu minu nohon keti. Yo di igyai tu nya kin yo di ilit nya yahagom mibit yok kwei bitut sop di inghop kin sop di sindi inghim dut tut munggwom nya cem. Imang ndig mikwei hanyen ei itimieisi dini.

YEREMIA 8:3

Apino mben di ibon munti kinei dini di ingwes ngun bigyaisi jo yo nya di dibindei bintek gimahap ug ei tirima-tirima mingon bisau ndam ide njap ningwig honti hak leu gima igyaijo a. Da di tuhan Di Disindem Bibor disimbot dat tu.”

YEHEZKIEL 36:24

Midimbus je kwei leu bikwop ngkiai nya yahagom ikieti leu api dibuwak je hanyen kwei leu dihyei nisurti-nipekti mem gima jibong ei jitimieisi hanyen.

MATIUS 24:31

Pun mbrei nindig bibor tibim leu api Noni cuk Nide malaikati nya ug ei nite bei mpia nitausi kin nicutti kin nijjai kin nibiho hagom leu binhyepo imbus Nide limwa nya yahagom kwei leu dihyei nisurti-nipekti.”

MARKUS 13:27

Leu api Noni micuk Nide malaikati nya biyuug ei mpia nitausi kin nicutti kin nijjai kin nibiho hagom leu binhyepo imbus Nide limwa nya yahagom kwei leu dihyei nisurti-nipekti.”

NINDAT KEP TUHAN NICUKTI NYA 28:64

tuhan mibindei ntek gimahap je ug ei ngkiai nya ikieti ei dihyei nisurti-nipekti. Ei sirima lene mijikuk je bak nung nya di iba biei kin tig bibon. Kwar dima ne gi hi di jigikan tut bi rin ba, jidigup bat-jidigai bat nya cem igikan tut bi.