NINDAT KEP TUHAN NICUKTI NYA 30:3 - ALLAH NIHYET MEM TUNGWATU NYA

³ tuhan di nok jide Allah mingondut je. Noni minduk je hanyen kwei leu jingkiaisi di Noni com je eisi leu api mibindei ba, jibong kei jigwam kei hanyen.

NINDAT KEP TUHAN NICUKTI NYA 30:3 ပူးပေါင်းရင်းမြစ်များ

NITRITI 28:15

Amiap e, midingat rin bit na kikau bidem ambutti nya hagom ba, dinyohou na. Lene mporo midibuwak na hanyen kwei ei atimieisi dini. Midimbres Da leu na bi sren. Midibindei ba, mun di dipreu kep na tut nya hagom mipek kep mem na.”

NITRITI 48:21

Lene Yakub pai bak Yusuf “Jo nibreisi bipia son dideu diyaijo ningwig honti tu. Noro Allah minyohou jahagom leu api buwak jahagom hanyen ug ei jidigup bat-jidigai bat nya itimieisi.

NIBOHON MBEN ISRAEL GI NIGOM 16:35

Jipai biNoni “Na Di Allah di ateu nye leu mun di buhun ba, abiyai ningwes ngun binye e, ateu nye biningwes ngun leu mben ngkiai ikieti lene aba nye bicom yam hanyen leu binhyepo nahap niji binipai sigyo ba, nikon anyeng di kwes-kwau cem!”

NEHEMIA 1:9

Ne gino jikiek je bijitti kin Da hanyen bu bijibit dicuk jeti nya ne mbro nok gino dijji je ug ei minu nohon keti lo, midibuwak je hanyen kwei ei minu di didimig ei mem tungwatu nya ikuk yok biDa eisi.

AYUB 42:10

Niabiati Ayub ngat nadi tindei nisut bat ibou ningai pima tu lene tuhan bindei ba, Ayub nyeng tut ndigban hanyen bu. Noni yai ndigban nok gi nipou pima mbican bram yam bak Ayub.

MAZMUR 107:3

Noni buwak je hanyen kwei leu jingkiaisi ei nite bei mpia nipriti kin nikimbasti kin ei mpia nijjai kin nibiho hagom tu.

MAZMUR 147:2

tuhan miwin kep minu ndig Yerusalem bibuwak yo di isima ei ingkiaisi nya hanyen kwei.

YESAYA 27:12

Mpe dima lene tuhan minduk Nide limwa nya gom-gom sindam kwei leu Minyei Efrat nyai kikau buug bipek kin minu Mesir de minu niya kwas yamti ba, ibicom yam. Noni mikwas yok noyam kin gi tungwatu ikwas gandum ninjep leu nisina bai pimo.

YESAYA 43:5

Ma jittin tut au lewo midinyohou je! Midibuwak jide nintun him yamti di bram yam nya kwei leu nite bei mpia nipriti kin nicutti.

YESAYA 54:7

“Dikes na mem nituti poi he noro midiba dingon di mpung tut ningondut nati biya um na hanyen.

YESAYA 56:8

tuhan Di Ninyeng Jei Bibor di buwak mben Israel di ingkwei hanyen kwei leu ingkiaisi pai “Midibuwak nindigsi nya ba, iba yok bikum yo di idem yam ei su.”

YEREMIA 12:14

tuhan pai “Gini ne Ditde nisokti mem ngkiai nya di ibong ttai minu Israel di inggek dihyei di diyai bak Ditde limwa di mben Israel ri. Midibindei hei yo di isibut dima leu ide minu nya noyam kin njita kioi di yohom leu dihyei ba, midikwek timiei Yehuda nya leu inda nsi.

YEREMIA 23:3

Midinduk Ditde limwa nindigsi nya kwei leu ingkiaisi di dicom yok eisi leu api ibong ser itimieisi hanyen ba, idigek kep mpia.

YEREMIA 29:14

Igbit ri. Jikwei um Da leu api midibuwak je hanyen kwei ei jitimieisi. Midinduk je kwei leu bikwop ngkiai nya ikieti kin minu di dibindei ntek gimahap je bidicom je eisi. Lene dipindi je bijinok nitungwatu hanyen bu. Da di tuhan disimbot dat tu.”

YEREMIA 31:10

tuhan pai “Je di ngkiai nya e, ma jingig jitingou mem dihyet! Jitri tut dicuk jeti nya kikau ug ei muk nite dima ug. Midinduk Ditde limwa di dibindei ntek gimahap yok ei ingkiaisi hanyen kwei. Midinyohou yok dem kep nok gembala di ya ser nide domba nya.

NIBWOS-BWOS NYENTI 3:22

tuhan de ningon ngakeisi jo kikau bijo mumpui lene nisingat tut nyeti ngwig hon nohonti bi sren,

NIBWOS-BWOS NYENTI 3:32

Niabiati Noni yai ninghuisi wei binye leu lene mingondut nyeni yo. Lewo Noni ba ningon ngakeisi di ug hon nohonti bi bingon ngakei nye kikau.

YEHEZKIEL 11:17

Gima rino ma apai biyok Da di tuhan Di Dinyeng Jei Bibor dipai bipia midinduk yok kwei leu minu di intek ug eisi nya hagom ba, diba yo bicom yam hanyen. Leu api dingkwei dihyei Israel bak yoni hanyen.

YEHEZKIEL 36:24

Midimbus je kwei leu bikwop ngkiai nya yahagom ikieti leu api dibuwak je hanyen kwei leu dihyei nisurti-nipekti mem gima jibong ei jitimieisi hanyen.

YEHEZKIEL 39:28

Apino Ditde limwa nya mikan tut bipia Ide tuhan Allah riDani. Lewo Dani rino dipinak yok ug ei ingkiaisi ba, Dani rino dibuwak yok kwei ei yonti itimieisi hanyen. Dikes tungwagom ngat he ei ingkiaisi dima bi sren.

MIKHA 7:19

Mporo ma angon nggriu sut nye hanyen bu ba, akos ser nyende sisar. Mporo ma aco kep nyende sisar binnir-wap ba, acom hagom ug ei muk jou!

ZAKHARIA 10:9

Mbro nok gino dibindei ba, intek gimahap bibong bidem ngkiai nya ikieti lo, igyok ngon kep Da ei ingkiaisi nya kikau. Yoni kin imunggwom bat nya mingwes ngun leu api yahagom mittei yam bingkwei hanyen kwei ei itimieisi.

ROMA 11:23

Tut mben Yahudi dima ne gino ittin ser ide sisar ba, ingon jo kep Allah hanyen bu ne Noni mingot yok kin ninjem hanyen. Lewo Noni sindem mem gima ngot yok kin ninjem hanyen.

ROMA 11:26

Gima ne nisinati mem Noni teu mben Yahudi yahagom leu sisar biyai niyaijo nijep biyok. Lewo Allah Nihyet pai, “No Di Teu Tungwatu Nya Leu Sisar mikwei leu Sion leu api miciu ser yo di intun Yakub him nya ide mun di mbuk hagom.

ROMA 11:31

Nok gima cem mem mben Yahudi. Nogindini ibit nihyet bi leu binhyepo bon nikwesti mem Allah yai jingon ngun bu. Noro gima bindei ba, igyai Nide ningon nggriu sut yokti hanyen bu.

NINDAT KEP TUHAN NICUKTI NYA 13:17

Ma jiyok ndigban nisigion nya dima mem jenti njem au. Noro suar jibindei sar mun dima yok hagom bingwig hak. Apino tuhan nigga biborti mikes hon leu api Noni mindo nisingat tut jeti hanyen bije. Ningon nggriu sut jeti mibindei ba, jimang ndig bibor bit leu nok gi po Noni preu ei mem jidigup bat-jidigai bat nya pima.

NINDAT KEP TUHAN NICUKTI NYA 4:27

Noni mibindei ntek je srig ngkiai nya ikieti leu api jibou poi he mijingwes ngun.