NINDAT KEP TUHAN NICUKTI NYA 30:19 - ALLAH NIHYET MEM TUNGWATU NYA

¹⁹ Nogindini dibon nituti mem gima jima niyaijo e, he jima nimai e? Nituti mem gima jima gi kei e, he jima nisigion jeti e? Njap di ammani dihig mpia-bbed him kin dihyeisi dini ikwei bingat jide nikos tutti bou igyai him. Gima rino ma jikos tut bipia jima niyaijo.

NINDAT KEP TUHAN NICUKTI NYA 30:19 ပူးပေါင်းရင်းမြစ်များ

NINDAT KEP TUHAN NICUKTI NYA 30:15

Njap di ammani dibon nituti mem gima jima gi kei e, he jima gi kinei e? Mem gima jima niyaijo e, he jima nimai e?

NINDAT KEP TUHAN NICUKTI NYA 11:26

Njap di ammani ma jimbus igbit mun di jijoi suti. Jijoi sut jiyai mun di kei e, he jijoi sut jitug ndei nisigionti e?

MAZMUR 119:30

Dikos tut bipia dibit ahyet. Dikan-kan nyen tut Ade nikos tutti nya tu.

NIPINGOK NINGONTI 8:36

Tungwa tou rino tau kep da bi mibimangkrei nonti niyaijoti. No di ningon mpo tut da ningon ngakei nimai.”

NINDAT KEP TUHAN NICUKTI NYA 30:1

“Nogindini mibon nituti mem jihig jingon eisi. Jijoi sut niyai gi kei e, he jijoi sut nisigion jeti nok gi dipingok je tut e? Gino mun di buhun pima hagom cut igkep je apino jibong jingkiaisi ei minu di tuhan di nok jide Allah com je eisi ei nidipti bu nya lene mijiyok ngon kep puig can dini di dindo bije.

LUKAS 10:42

noro mun nyeng gom ngat bon ninyenga. Maria dimig mun di kei bibor mem nonti. Hi mipos mun di kei bibor dima leu noni bi.”

TIMOTIUS GI NIGOM 5:21

Disok kep na ei Allah kin Kristus Yesus kin malaikati di dia-diau nya yoho bei bipia abit mun di dicuk na tut dini hagom. Ma amig mbus tungwatu nya ba, aba angon kan-kan wai au.

YEREMIA 32:39

Midibindei ba, ikos tut ingon kanti gom ngat. Ingon kanti gom ngat di ikos tut dima rino ibou cut bak Dani bijo ninno bijo kikau. Ide nikos tutti dima mibindei ba, mun di kei mipek kep mem yonti kin ide nintun him yamti di bram yam nya yo.

NINDAT KEP TUHAN NICUKTI NYA 4:26

Gino jibit dihyet bi lene mpia-bbed him kin dihyeisi dini mitou kep je nok tungwagom di mipai brei sut jiyai munti nya lene jei bi mijipror hak leu minu di jibong kei jigwam kei eisi ei Minyei Yordan nite dima ug ug ri. Mijibong ser minu dima mem nituti poi he leu api tuhan mibindei ba, jimai bijingwig.

MAZMUR 119:173

Ma atin ei ba, ampu da bikwop mmun-njap lewo dikos tut bipia midibit Ade nikos tutti nya.

KISAH 2:39

Lewo Allah nipreu eisi dima mem jeni kin yo di intun jeni him kin yo di minu ting nya cem bibikwop tungwa tou rino Tuhan di nok nyeni ide Allah mihig ndam Nonti.”

NINDAT KEP TUHAN NICUKTI NYA 31:28

Gima rino ma jinduk jide nibou mben nya kin yo di inyeng jei nya yahagom kwei bigya ei doho bei leu binhyepo dindat kep dihyet pini hagom ei itingou nsi. Leu binhyepo mpia-bbed him kin dihyeisi dini mitou kep yok nok tungwagom di mipai brei tut igyai munti nya.

MAZMUR 119:111

Ade nicukti nya ne dijem bou da nok ditde mun ninda rom bijo ninno bijo kikau ba, hagom bindei ba, dingon llei nindig bibor.

NINDAT KEP TUHAN NICUKTI NYA 32:1

“Mpia-bbed him e, ma amiap mun di tibim ei duhui him. Dihyeisi dini e, ma angig atingou mem dihyet.

YESAYA 1:2

Mpia-bbed him e, ma amiap mun di tibim ei duhui him. Dihyeisi dini e, ma angig atingou mem dihyet. tuhan pai Dimunggwom bat di dinyohou yok yaham imbuk kep Da.

NIPINGOK NINGONTI 1:29

Jisem tut nintin kimboti bijikou sut gi jibit tuhan nihyet ninno tu.

YESAYA 56:4

tuhan pai bak yo dima “Gino jikrau kep Njap Nigwam Kep Ninghuisi bijiba jingon gom bikrau kep Ditde nipreu ei mem jeti ba, jibon mun di biyai dingon di kei cem,

NITRITI 2:17

Noro harin dima apuk biei ngat di bindei tungwatu nya ingon dor niti tut gi kei nya kin gi kinei nya ba, ayem a. Leu gino ayem biei ngat dima lene amai hak mem njap dima.”

NINDAT KEP TUHAN NICUKTI NYA 4:1

Lene Musa pai bak nide limwa nya “Ma jibit nicukti di dingginau je tut hagom leu binhyepo jibong kei jigwam kei ba, jidigek kep mpia ei minu di tuhan di nok jidigup bat-jidigai bat nya ide Allah miyai bije cem.

NINDAT KEP TUHAN NICUKTI NYA 4:6

Ma jiba jingon gom bibit nicukti nya hagom apino ngkiai nya mingat bou igyai him bipia jingon ki. Tirigi yoni imiap tut niggai serti dima lene yahagom misimbot kep bipai biyam ‘Mbenjen! Mben di nindig bibor dini ingon ki ba, ingon tek cem.’

NINDAT KEP TUHAN NICUKTI NYA 30:16

Dicuk je njap di ammani leu binhyepo jingon ngakei tuhan di nok jide Allah ba, jibit nihyet bijiyok ngon kep nicuk jeti nya leu api mijibong kei mijigwam kei bijidigek kep mpia cem. tuhan di nok jide Allah miyai gi kei bije ei dihyei hanjop nsi di jei bi mijikieng kep.

YEREMIA 21:8

Leu api tuhan sok nihyet ei da dip bak nide limwa nya “Jingig jitingou mem dihyet! Diyai nituti mem je ba, jindo gi hi di jijoi sut hak ug. Jindo puig di bie ndam niyaijo e, he jindo puig di bie ndam nimai e?

NINDAT KEP TUHAN NICUKTI NYA 4:25

Tirigi jibong kei jigwam kei ei minu dima wer ninno ba, jibon jimunggwom bat nya kin jignyon bat-jidrot bat nya tu lene ma jibon sisar tug hon gima jibon kwar di jikuk je bak hi bou jinda him au. Mun dima ne sisar ei tuhan niyai him rin lene mibindei ba, ningon sibui sut je.

NINDAT KEP TUHAN NICUKTI NYA 6:2

Ma jeni kin jide nintun him yamti di bram yam nya jahagom jikon tuhan di nok jide Allah ninyeng kikau ug bipek jiyaijo ningwig honti. Ma jibit Nide nicukti di ditri tut bije tu leu binhyepo jide njap jei bibor ei minu dima.

NINDAT KEP TUHAN NICUKTI NYA 31:17

Gino igyai hagom nok lene dingon misibui sut yok ba, midikes yok ei apino yoni micut bak ide siceu nya bingwig. Mun di buhun mang bibor micut igkep yok apino mijo nibreisi mem yok bipia itug ndei mun di buhun dima hagom drek dip gi Da di tuhan di dinok ide Allah dingat rin ei ikieti bu bi.

NIPINGOK NINGONTI 9:11

Ningon kiti mibindei ba, ade njap jei bibor.

NIPINGOK NINGONTI 12:28

Ningon srenti ne puig di bie ndam njap di jei bibor ri. No di kak puig di kinei ningat rima ndam nimai.

YEREMIA 42:21

Nogindi pa ditri tut ide tuhan Allah nisok mem jeti nya hagom bije noro jikou sut nibit nisok mem jeti dima.

YEHEZKIEL 20:11

Lene diyai Ditde nicukti nya biyok ba, dingginau yok tut Ditde niggai serti nya di suar ice tut bibit lewo yo di ice tut bibit nya migyaijo ba, ide njap jei.