NINDAT KEP TUHAN NICUKTI NYA 3:6 - ALLAH NIHYET MEM TUNGWATU NYA

⁶ Nyeni ihwen minu ndig dima yok hagom bisar lene igyai nimai bak ide pinai nya kin sop nya kin munggwom nya cem yahagom noyam kin gi po ibindei Nibou Ndig Sihon ei Hesybon de minu ndig nya pima.

NINDAT KEP TUHAN NICUKTI NYA 3:6 ပူးပေါင်းရင်းမြစ်များ

MBEN ISRAEL IMBUT-MBUT NYEN 21:2

Lene mben Israel ipreu ei mem tuhan tug hon neheng bipai “Gino Na di tuhan asindem tut nye leu binhyepo ninjei binibindei cut tentara pima yok lene minico kep yok kin ide limwa nya bitut ide minu ndig nya hagom bitimek bingwig.”

NINDAT KEP TUHAN NICUKTI NYA 1:4

Mun dini pek kep mem yok tirigi niabiati Musa hwen Sihon di nok nibou ndig mem mben Amori di ninyeng tak kep Hesybon lene bihwen Og di nok nibou ndig mem mben Basan di ninyeng tak kep Asytarot kin Edrei cem leu su.

NINDAT KEP TUHAN NICUKTI NYA 2:24

“Gima leu lene nyeni imbut kak puig ug ei minu Moab leu api tuhan pai binye ‘Nogindini juug sigon Minyei Arnon ba, juug dihip ei nite dima ug. Midikes Sihon di nok nibou ndig mben Amori di ninyeng tak kep ei Hesybon kin nide minu ei jinda nsi. Ma jinjei siceu ba, jihwen noni leu api jibrim nide minu bijiyati.

NINDAT KEP TUHAN NICUKTI NYA 2:34

Mpe dima ne nyeni igyai ide minu ndig nya hagom bigyati leu api inggek ide minu ndig dima gom-gom sindam bitimek lene igyai nimai bak yo di ibong ei minu dima yahagom ba, igyai nimai bak pinai nya kin sop nya kin munggwom nya cem yahagom. Hi ningwes ngun bi.

NINDAT KEP TUHAN NICUKTI NYA 29:6

Roti hi mem njita kin ba anggur ngei kin mun ngei di pu je mem gima jidut cem hi jo bije bi noro tuhan yai mun di jisuar nya hagom bijeni leu binhyepo jikan kep bipia Noni ne jide tuhan Allah ri.

NINDAT KEP TUHAN NICUKTI NYA 3:2

Noro tuhan pai bida ‘Musa e, ma attin tut noni au. Midikes noni kin nide tentara nya kin nide minu ndig nya hagom titut yam ei jinda nsi. Abindei noni noyam kin gi po abindei Sihon di nibou ndig mben Amori di ninyeng tak kep ei Hesybon pima.’

NINDAT KEP TUHAN NICUKTI NYA 3:5

Minu ndig dima yok hagom bon ngug tig di jo anai bibor di krop ttai nya kin dimbou pmem nya di iba biei nggam mbou di nindig cem bikibi dimbou pmem dima yok bingkiem-kiau cem hagom. Ter leu gima lene minu mien mang bibor nindigsi nya di bon ngug tig hi bi cem.

YOSUA 11:14

Lene mben Israel igisindui sut limwa di ibong ei minu ndig dima yok igom biniyaijo ei bi. Noro igyai nimai bak yahagom ningwig a. Lene ipos ndigban di bon ninyeng nya hagom kin mindhe-ndhe nihyen kep nya hagom ba, ima nok ide bu.