NINDAT KEP TUHAN NICUKTI NYA 3:24 - ALLAH NIHYET MEM TUNGWATU NYA

²⁴ tuhan Di Ninyeng Jei e, dikan tut bipia gi ando bida dini ne sindi nimbie him leu abon munti di nindig bibor nya ba, mindur cem rin yo. Bit bon kwar di tungwatu nya ikuk yok bak ei mpia-bbed him kin dihyeisi dini bibon mindur di nindig bibor nok abibon bi ba, hi noyam kin Nani kan bi.

NINDAT KEP TUHAN NICUKTI NYA 3:24 ပူးပေါင်းရင်းမြစ်များ

NEHEI LEUSI 15:11

Bit bon ibinai sut Nani kin kwar di tungwatu nya ikuk yok bak nya kan bi. Lewo Nangkom rino tuhan Di Kei Bibor Kei ba, Nangkom Akwes-Kwau Kei. Tou risindem mem gima bon mindur kin bindo nya noyam kin gi tuhan bon pima i?

MAZMUR 71:19

Allah e, angon sren-srausi kui sur mpia-bbed him. Ade nibon munti nya nindig bibor ba, tou rima noyam kin Nani i?

NINDAT KEP TUHAN NICUKTI NYA 11:2

Njap di ammani ma jiyok ngon kep mun di jipikor tut leu tuhan nisok kep jeti tug hon mun di pek kep mem je hagom. Mun di pek kep mem je dima pek kep mem jimunggwom bat nya bi. Lewo jeni rino jingat jide tuhan Allah nikei-kau-keisi kin nisindemti kin ninyeng jeisi,

MAZMUR 86:8

tuhan e, kwar nya hi di noyam kin Nani bi. Hi di yai kep mun di ayai kep nya ningat rin bi.

SAMUEL GI NICAN 7:22

tuhan Allah Di Anyeng Jei Bibor e, asindem bibor! Nangkom ne Allah ri! Tungwatu nya noyam kin Nani bi. Nikan tut gini lewo nimiap tut hagom nipou kwei bipek ammani kep tu.

DANIEL 3:29

Gima rino ditri tut bipia bikwop tungwagom-gom di leu timiei minu nya kin mben nya kin gi mbrap nihyet hiter nya di nihyet wer mpiahi tut Sadrakh kin Mesakh kin Abednego ide Allah mitug ndei hukum nikos noni kukiau kin, nilet nide ig bingwig biwer ig kum kroi cem. Bit bon kwar hi teu tungwatu nya noyam kin Allah di teu yo dini kan bi.”

YEREMIA 10:6

tuhan di kwes-kwau e, hi di noyam kin Nani bi. Anyeng jei bibor bisindem bibor cem.

YESAYA 40:25

Gima rino abisrip huk Allah Di Kwes-Kwau ba, Noni noyam kin tou i? Abinai Noni kin tou i?

MAZMUR 145:6

Tungwatu nya misimbot kep biyam tut ayai munti di sindem bibor nya. Dani cem miditri tut anyeng jeisi.

MAZMUR 106:2

Tou rino dem mem gima tri tut tuhan niyai munti di nindig bibor i? Tou rikon ninyeng nok gi dem i? Hi bi!

MAZMUR 89:8

Ninnei di ikwes-kwau nya di igya bikrop ttai Na ikon anyeng ba, inghuisi mpig sut Na.

MAZMUR 89:6

tuhan e, mbusyamei nya ei gwamti iba doia bikiek Ade midyai di mindur nya ba, ninnei di ikwes-kwau nya iba doia bikiek angon gomti.

MAZMUR 35:10

Diba dingon titut yam bipai “tuhan e, hi noyam kin Nani bi! Apas no di sindem bi leu no di sindem ninda nsi kin no di nuhui mbum kin no di yai ninghuisi wei leu no di co kep yok ninda nsi.”

NEHEMIA 9:32

Nyende Allah e, asindem bibor! Anyeng jei cem abindei ba, tungwatu nya ittin tut Na cem! Aba angon gom biyai hagom bit leu nok apreu ei mem nyeti tu. Abindei mbut ba, abindei bipek kep mun di apreu ei mem nye cem. Tirigi po nibou ndig mben Asyur mbuk tut nye pima kikau kwei bipek ammani kep ne nahagom nitug ndei mun di buhun bibor! Nyende nibou ndig nya kin imam nya kin nabi nya kin yo di inyeng jei nya nidigup bat-nidigai bat nya nahagom nitug ndei mun di buhun bibor! Ma ayok ngon kep mun di buhun tak nye!

YESAYA 40:18

Gima rino aba Allah binai kin tou i? Akan huk Noni noyam kin tou i?

MAZMUR 145:3

tuhan ninyeng jei bibor. Gima rino ma tungwatu nya inggei sut Noni nindig bibor. Bit bon nye di tungwatu ingon dorti tut ninyeng jeisi kan bi.

NEHEI LEUSI 8:10

Lene Firaun buhup “Ma angat nadi tindei da mem njap di hyep.” Lene Musa pai binoni “Midiyai hagom bit leu nok na di Andigpoi acuk dati. Lene mijo nibreisi mem na di Andigpoi bipia tuhan di nok nyende Allah sindem bibor dor njiriek kwar di jikuk je bak ei dihyeisi dini nya.

NEHEI LEUSI 9:14

Lewo mindur di dibon nogindini mibindei ba, hukum micut igkep yo di igya kui noni kin nide limwa nya he bi. Noro micut igkep noni cem leu binhyepo jo nibreisi mem noni bipia tungwa hi noyam kin Da ei dihyeisi dini bi.

NINDAT KEP TUHAN NICUKTI NYA 3:23

“Mpe dima ne dahara bak tuhan,

NINDAT KEP TUHAN NICUKTI NYA 32:3

Dikon tuhan ninyeng leu api Nide limwa nya mipui sut Nide nisindemti!

NIBOU NDIG NYA GI NIGOM 8:42

kin mun di mindur di abon mem Ade limwa nya lene kwei kuk no biNa ei Ade Ig dini,

NIBOHON MBEN ISRAEL GI NICAN 6:14

“tuhan Allah mben Israel e, hi di noyam kin Nani ei gwamti kin dihyeisi dini bi. Abon mun bipek kep Ade nipreu eisi lene ando tut angon ngakei Ade limwa di iba ingon di gom bicom Nani ba, ibit ahyet cem.

MAZMUR 150:2

Ma inggei sut Noni tut nide midyai di bibon ninggap leusi nya. Ma inggei sut Noni lewo ninyeng jei bibor.

MBEN ISRAEL IMBUT-MBUT NYEN 23:23

Bikwop seig ut kin nung nya hagom sindem mem gima sigion mben Israel kan bi. Tungwatu nya misimbot dat tut yoni bipai ‘Jingat i! Allah bibon mun di mindur mem yok ninno tu.’