NINDAT KEP TUHAN NICUKTI NYA 28:52 - ALLAH NIHYET MEM TUNGWATU NYA

⁵² Yoni minjei siceu bihwen bikwop minu ndig di jo ei minu di jide tuhan Allah miyai bije hagom apino ngug tig di jo nai di jibindei sindem di jiba jingon com nya cem mitti hak.

NINDAT KEP TUHAN NICUKTI NYA 28:52 ပူးပေါင်းရင်းမြစ်များ

MATIUS 22:7

Nibou ndig ningon sibui sut yo dima nindig bibor. Noni cuk nide tentara nya biyuug yai nimai biyok lene pindei ide minu ndig dima bitimek.

ZAKHARIA 14:2

tuhan minduk mben nya yahagom bibicom yam ba, mikwei mem gima injei bihwen minu ndig Yerusalem. Igyai minu ndig dima bigyati lene icoi bidem ig hagom bipos ndigban di joti nya. Mben dima yok ipos sop nya bikat timiei minu ndig Yerusalem nite hi bicom yok ug ei ingkiaisi. Noro igikat tungwatu nindigsi di ibong ei minu ndig Yerusalem bi.

ZAKHARIA 12:2

“Dibindei ba, minu ndig Yerusalem midem kep mok mas di anggur ngei joti. Minu di jo ttai no nya midut ningei leu api ibou ngwak sibui-sibui nyen tut bidem kep yo di idut pes di pu yok pimo. Mpe di igyon ttai minu ndig Yerusalem ne migyon ttai minu ndig ngot di jo yo ei minu Yehuda cem.

DANIEL 9:26

Tirigi nijam dima ug hon nohonti ne no di Allah ta mem gima bie tut yok bon mun tunggwei hi bi lo, noni tug ndei nimai. Nibou ndig di sindem bibor gom de tentara ikon pran bit mben Yerusalem bibindei timek yok bitut itimiesi kin tuhan De Ig hagom bitimek bingwig. Nijam dima nohonti cut igkep yok dem kep nok minyei di su di biam tut pran kin mun di binggek yok bingwig di Allah tin ei mem yok.

YEREMIA 37:8

Mpe dima lene tentara Babel mikwei hanyen bigyon ttai minu dini leu api mihwen ade tentara bibindei timek yok lene indig minu dini bitimek bingwig.

YEREMIA 10:18

Mpe dini ne tuhan micom mben Yehuda yahagom ug ei ingkiaisi. Noni mibindei sar jahagom bijingwig hak ug. Gima ne tuhan De nisok kep jeti ri.

YESAYA 62:8

tuhan ba neheng bipreu ei mem yok. Noni miba Nide nisindemti biyai mun dima bipek kep. Noni pai “Midiyai jide gandum bak siceu nya ba, ngkiai nya midut ba anggur ngei di jicom jimuhup tut cem bu bi.

YESAYA 1:7

Ngkiai nya igya kep jide minu dima hagom bitimek lene indig jide minu ndig nya bingwig. Yoni igyem njita leu jide beisi nya bingwig bou jiyai him ba, ibindei hagom timek bingwig.

NIBOU NDIG NYA GI NICAN 18:13

Tirigi nibou ndig Hizkia ninyeng tak kep timiei Yehuda nya mem ari bingwam simnaibrimigtai tu lene Sanherib di nok nibou ndig mem mben Asyur hwen minu ndig di bon tentara nibousi di igya coi nya ei minu Yehuda leu api yahagom icut bak noni.

IMAM NYA IDE MIDYAI 26:25

Midibindei ba, pran di nok hukum di cut igkep je mikiju ei jikieti lewo jipigau Ditde gi preu po dipreu ei mem je pima tu. Gino jinduk yam ei jide minu ndig nya leu binhyepo jingwes ngun lene midikes nsuwer di bit bon pren hanyen leu je kan bi ei jeni dip apino jigwam lo bi di jikes jenti ei jide siceu indati.

NINDAT KEP TUHAN NICUKTI NYA 28:51

Yoni mibindei sar jide mindhe-ndhe nihyen kep nya kin njita ngat ei jide miasi nya hagom bisar bingwig. Lene yoni mibet gandum kin ba anggur ngei kin mini zaitun kin sapi nya kin kambir nya kin domba nya cem hi ei mem je bi leu api jibimai jinggum.

NIBOU NDIG NYA GI NICAN 6:29

Gima rino nihwen ditde munggwom acan ba, nikwen ninghui biniyem bingwig leu su. Noro njap di bram bu tirigi ditin ei mem niyem nide munggwom ninghui lene dingat lo, noni ku munggwom dima.”

YEREMIA 10:17

Je di timiei minu ndig Yerusalem e, siceu nya igyon ttai je tu! Gima rino ma jipian ndigban bijinang tut!

NIBWOS-BWOS NYENTI 2:2

tuhan ngondut yo po ibindei sar bikwop minu mien ei minu Yehuda hagom bi o! Noni ba Nide niggati bihwen tentara nibousi di igya coi nya di ibicuon minu dima hagom bilus ningwig o! Noni bindei timek nibou ndig nya bitut ide ninyeng tak kep limwati nya yahagom ei minu dima apino nimmai jun yok o!