NINDAT KEP TUHAN NICUKTI NYA 28:41 - ALLAH NIHYET MEM TUNGWATU NYA

⁴¹ Mijibon jimunggwom pinai nya kin sop nya cem noro jide siceu nya mikat yok tirigi ikon mbrap bit je lene miyuubon yok nok awak ba, isar bihigom leu je.

NINDAT KEP TUHAN NICUKTI NYA 28:41 ပူးပေါင်းရင်းမြစ်များ

NIBOU NDIG NYA GI NICAN 24:14

Nebukadnezar kat timiei minu ndig Yerusalem nya kin nibou ndig nipmot bat nya kin yo di inyeng jei nya yahagom ba, isima ei ingkiaisi. Lene noni kat tukan ngkimom nitu nya kin tukan nindigsi nya cem ba, isima ei ingkiaisi. Noni buwak yok bingkwei sut yok hanyen ug ei minu Babel ba, yahagom imangti ibou sribu simnai. Noro Nebukadnezar sindui sut yo di yuhui mbum bibor nya ba, yongkom ibong ser minu ndig Yerusalem kikau.

NIBOHON MBEN ISRAEL GI NICAN 28:8

Mbro nok gino timiei Yehuda nya ide pung kim mben Israel lo, tentara Israel ikat sop ibou sribu sratus can kin imunggwom bat nya ba, isima. Leu api ikri yok ug ei Samaria. Tentara Israel nya imbut tut ndigban di ipos leu timiei Yehuda nya mang bibor cem.

YESAYA 65:23

Ide midyai nya hagom mingat ningat di kei. Mun di buhun bibor mibindei mai imunggwom bat nya bi sren. Midinjei mun di kei bak Ditde limwa nya kin ide nintun him yamti di bram yam nya bijo ninno bijo kikau.

NIBWOS-BWOS NYENTI 1:18

Noro tuhan ningon sren-srau! Dani rino ditunggwei sut Nide nicukti nya tu o! Je di ngkiai nya e, jimiap dihyet ba, jingat bipia dingat rin ei ninghuisi wei diniti o! Siceu nya ikat pinai pilei tde nya kin sop gwam nitta pilei tde nya bibindei ba, isima ei ingkiaisi tu o!

NIBWOS-BWOS NYENTI 1:5

Siceu nya iba ide nisindemti boom kep noni tu o! tuhan bindei ba, noni tug ndei ninghuisi wei drek dip nide sisar di nindig bibor! Ikat timiei nya bisima ug ei ingkiaisi tu o!

DANIEL 1:3

Gima leu su lene nibou ndig cuk mindor Aspenas di ninyeng tak kep nibou ndig de ig bei nsi nya leu binhyepo noni ug dimig pinai pilei mben Yehuda ibou poi di nibou ndig njei bikat yok kwei nya lo, nggok gi hi di intun nibou ndig Yehuda him kin gi intun yo di inyeng jei nya him cem.

MIKHA 1:16

Je di mben Yehuda e, ma jikos jibou nta nok mun di bindo bipia jingon ngguk tut jimunggwom bat di jingon ngakei yok nya. Ma jikak jibou nta bidia kei noyam kin ha di nindig krop di yem kep mun di mai nya lewo jide siceu nya mikat jimunggwom bat nya ug ei ingkiaisi.

NINDAT KEP TUHAN NICUKTI NYA 28:32

Ngkiai nya mikat jimunggwom bat nya biyuubon yok nok awak bou jiyai him. Mbro nok gino jiyai dut drek dip gi jinggok jimunggwom bat nya ikwei hanyenti dima bikwop njap-njap lo, mijinggok yok mikui-kausi he. Lewo yoni mingkwei hanyen kwei bi sren.