NINDAT KEP TUHAN NICUKTI NYA 28:16 - ALLAH NIHYET MEM TUNGWATU NYA

¹⁶ tuhan misigion jide minu ndig nya kin jide miaisi nya cem.

NINDAT KEP TUHAN NICUKTI NYA 28:16 ပူးပေါင်းရင်းမြစ်များ

NITRITI 5:29

Lene noni tri tut “Dihyei dini di tuhan mbriom tu bindei ba, nye di tungwatu igyai midyai di buhun tak nye ninno tu. Noro munggwom dini mibindei ba, nyeni igyai ingon di nggan-triot bu.” Gima rino noni jem nipmot ninyeng Nuh.

NIBOU NDIG NYA GI NIGOM 17:1

Mpe di gom lene nabi Elia leu Tisbe ei hanjop Gilead ug pai bak Nibou Ndig Ahab “Andigpoi e, dinok awak mem mben Israel ide tuhan Allah di niyaijo. Dipai tug hon Nonti ninyeng bipia hon kep ammani kui lene mpia ngei ndung ba, nggou mipren leu dihyei ninjek dip kikau mem ari bingwam can ningai dini kui bibo danti dipai sut hanyen ug e.”

NIBOU NDIG NYA GI NIGOM 17:12

Lene kibom dima buhup “Dipai bina tug hon ade tuhan Allah di niyaijo ninyeng bipia roti hi jo bida bi. Ditde tepun dem ikam inda nitun gom ngat he di jo ei mokti kin mini zaitun ampou nijou he di jo ei ig bei. Sindi dikwei rop biei leu api midingkwei sut ug ei ig bei leu api midingei njita poi mien dima mem dipmot nyeni. Tirigi niyem njita dima bingwig leu nye lene nibet ningon mem gima nimai ninggum hak.”

NIBOU NDIG NYA GI NIGOM 17:5

Lene Elia bit tuhan nicuk noti buug ei Minyei Pmot Kerit bibong ei mpia dima.

AYUB 24:18

Zofar buhup “Minyei di su nindig bibor hwen no di sibut lene Allah sigion nide dihyei cem. Tini bu ne nide ba anggur ngat nghousi wer ha he bong ba, hi giyai miai eisi bu bi.

NIPINGOK NINGONTI 3:33

tuhan sigion yo di isibut ide ig bei nsi nya noro Noni njei ningat di kei bak yo di ingon sren nya ide ig bei nsi nya.

YESAYA 43:28

jide imam nya ibindei ba, nirom kui Ditde Igti tu. Gima rino disindui sut ba, mben Israel ide siceu nya inim kep yok. Dibindei ba, Yakub de nintun him yamti di bram yam nya itimek bingwig.”

YEREMIA 14:18

Tirigi duug ei beisi nya lene dingat lo, tentara nya ingut mang bibor. Tirigi dicoi ug ei minu ndig nya lene dingat tungwatu nya di ninggum hwen yok. Nabi nya kin imam nya igyai kep ide midyai di suar igyai nya noro ingon dorti tut mun di igyai nya bi.”

YEREMIA 26:6

Gino jibit dihyet bi kikau lene midibibon tuhan De Ig dini noyam kin gi dibibon Silo leu api mben dihyeisi dini hagom miba minu dini ninyeng bibimbriom yam.”

YEREMIA 44:22

tuhan om ningonti tut gi ngat jibon munti di kinei kin gi suwok dima bu bi tu. Gima rino nogindini jitimieisi timek tu. Tungwatu ibong ser bu bi noro iba minu dima ninyeng bisigion yam. Yo di ingat gima yok nya igyai ttin ningat tu.

YEREMIA 9:11

tuhan pai “Midibindei ba, minu ndig Yerusalem cut bitimek ningwig leu api nsien mbrei nya milus-lus nyen kwei bibong ser ig kumti ba, minu mien nya di jo ei minu Yehuda nya minok ha ngunti lewo timiei nya isar bingwig leu su.”

NIBWOS-BWOS NYENTI 1:1

Minu ndig Yerusalem di nipou yo timiei nya illei bibor lo, tini bu ne nok mpia ntus ba, mpia mbum-bra bibor cem. Nipou yo ne ninyeng jei ei ngkiai nya igyai him noro nogindini wer kibom. Minu ndig di nipou yo ikon ninyeng dima tini bu ne wer awak tu.

NIBWOS-BWOS NYENTI 5:10

Niyai niwei tug hon ninggum apino ningkek dut bidem kep nok komfor di indig hum eisi o!

YOEL 1:4

Hai ceng di bit bon hi kwop imangti kan bi iteu ei beisi nya bigyem njita hagom bingwig. Njita di hai ceng nimpung gi nigom igyem leu di niken jo dima jo ei mem nimpung gi nican bu ba, igyem.

YOEL 2:3

Hai ceng dima mibindei ba, njita beisi hagom timek bingwig noyam kin hum di yem hagom bingkiong. Jide minu di jo hai ceng nya yoho bei noyam kin Miai Eden noro ei inghim dip ne noyam kin iggum ndigsi di kinei bibor. Njita beisi niken hi jo ba, mahai meng hi ningwes ngun leu yok bi.

ZAKHARIA 5:4

tuhan Di Sindem Bibor pai bipia nisigionti dima micut igkep bikwop ninggimang mun cig kin neheng ugwai-gwai tug hon Nonti ninyeng cig ide ig a. Nisigionti dima micut igkep ig dima yok kikau bitimek biwer igkum kroi kep.”

MALEAKHI 2:2

Ma jiba jiyai munti nya hagom bikon dinyenga. Gino jikou sut dicuk jeti nya ne midisigion je. Disigion mun di jide limwa nya ikwas tut Da di ibahati tut je cem. Nijit ne disigion mun di ikwas tut je pima hagom tu lewo jipwoi dingon tut dicuk jeti nya bi.

MALEAKHI 4:6

Noni mibindei ba, andigpoi nya kin munggwom nya ingon kwes kin yam hanyen. Gi bi ne midijuk hwou ndam je bidibindei ba, jide minu dima hagom timek bingwig.”