NINDAT KEP TUHAN NICUKTI NYA 28:13 - ALLAH NIHYET MEM TUNGWATU NYA

¹³ Jide tuhan Allah mikon jinyeng bijinok nibou di bie tut mben nindigsi nya lene Noni mikuk je bijinok ide limwa di ibit ighyet he bi. Gino jiba jingon di gom bibit tuhan nicuk jeti nya di ditri tut bije njap di ammani hagom lene jide mun di jimati nya mikum eisi nindig bibor apino mijibong kei mijigwam kei cem. Ba, mijicut bihigom ba, juhui mbum cem bi sren.

NINDAT KEP TUHAN NICUKTI NYA 28:13 ပူးပေါင်းရင်းမြစ်များ

NINDAT KEP TUHAN NICUKTI NYA 28:1

“Gino jibit jide tuhan Allah nihyet cem jiba jingon di gom bibit nicuk jeti nya di ditri tut bije njap di ammani lene Noni mibindei ba, jinok mben di inyeng jei dor njiriek mben nindigsi nya ei dihyeisi dini.

FILIPI 1:27

Mun nyeng gom bon ninyeng mem jeni. Ma jiyai kepti nya bit leu Nihyet Di Kei tut Kristus nipingok jeti. Leu binhyepo gino dihwou ngat je cem dihwou ngat je bi cem lo, dimiap tut bipia jingon gom tut yam ba, jiba jingon kanti gom kin jingon llei sutti gom binjei bit yam bijicom jahanggwap tut niba ningon comti di ntun Allah De Nihyet Di Kei him.

NINDAT KEP TUHAN NICUKTI NYA 15:6

Jide tuhan Allah minjei mun di kei bak jeni dem igbit nipreu ei mem jeti. Mijiyai mitiei nok ningwam bak ngkiai nya imang bibor noro mijisuar nidahat mitiei nok ningwam leu yok bi. Mijinyeng tak kep ngkiai nya imang bibor noro ngkiai nya hi mininyeng tak kep jeni bi sren.

NINDAT KEP TUHAN NICUKTI NYA 26:19

Noni mibibon je bijinok mben nindig bibor ba, sindem bibor cem dor njiriek mben nindigsi di Noni pai tes nya tu. Apino tungwatu dihyeisi dini hagom minggei sut je bikon jinyeng cem. Mijinok Nide limwa di ningat-ngat nya bit leu nok Noni preu ei mem je tu.”

NINDAT KEP TUHAN NICUKTI NYA 28:43

Ngkiai di ibong ei jitimieisi inyeng mikui bibor noro jinyeng micut nimo jug.

NINDAT KEP TUHAN NICUKTI NYA 28:44

Yoni mima mitiei nok gi dem mem gima igyai nok ningwam bak jeni. Noro jide mitiei minok gi dem mem gima jiyai nok ningwam bak yoni bi. Apino inyeng mitak kep je.

YEREMIA 31:7

tuhan pai “Ma jiba doia bikiek Ditde limwa mben Israel lewo inyeng jei bibor njiriek ngkiai nya yahagom. Ma jiba doia binggei sut tuhan bijitri tut bipia Noni teu Nide limwa nindigsi nya bingwes ngun tu.

NEHEI LEUSI 15:26

Bipai biyok “Gino jiba jingon di gom bibit dihyet lene jiyai munti nya hagom sren kei bou diyai him leu api jiyok ngon kep dicuk jeti nya hagom lene midikes hukum ninggwen di buhun nya po di kes ei mben Mesir dip pima ei je dip bi. Dani ne tuhan di bindei ba, jikei hanyen ri.”