NINDAT KEP TUHAN NICUKTI NYA 28:1 - ALLAH NIHYET MEM TUNGWATU NYA

¹ “Gino jibit jide tuhan Allah nihyet cem jiba jingon di gom bibit nicuk jeti nya di ditri tut bije njap di ammani lene Noni mibindei ba, jinok mben di inyeng jei dor njiriek mben nindigsi nya ei dihyeisi dini.

NINDAT KEP TUHAN NICUKTI NYA 28:1 ပူးပေါင်းရင်းမြစ်များ

YESAYA 1:19

Gino jibit dihyet ne mijiyem kep ningat di kei hagom di hei ei jide minu dima.

NEHEI LEUSI 23:22

Gino jibit malaikat dima nihyet ba, jiyai hagom bit leu nok dicuk jeti tu lene midikon pran bit jide siceu nya yahagom.

YOHANES 15:14

Gino jibit Ditde nicukti nya lene jinok disut bat di dingon kieti nya ri.

LUKAS 11:28

Noro Yesus buhup “Yo di imiap Allah nihyet bibindei mbut nihyet dima ingon nggei-hi-nggei nindig dor njiriek bu.”

NEHEI LEUSI 15:26

Bipai biyok “Gino jiba jingon di gom bibit dihyet lene jiyai munti nya hagom sren kei bou diyai him leu api jiyok ngon kep dicuk jeti nya hagom lene midikes hukum ninggwen di buhun nya po di kes ei mben Mesir dip pima ei je dip bi. Dani ne tuhan di bindei ba, jikei hanyen ri.”

MAZMUR 91:14

tuhan simbot dat “Miditeu yo di ingon ngakei Da bingwes ngun. Dinyohou yo di indo tut ingonti bipia dinyeng tak kep yok.

NINDAT KEP TUHAN NICUKTI NYA 15:5

gino jipwoi tuhan ningon ba, jiba jingon di gom bibit mun nyeng hagom di ditri tut bije njap di ammani gom-gom sindam.

NINDAT KEP TUHAN NICUKTI NYA 11:13

Gima rino ma jibit nicukti nya di ditri tut bijeni njap di ammani. Ma jingon ngakei jide tuhan Allah lene ma jiba jingon titut kin jinnei titut bikuk je bak Noni.

ROMA 2:7

Allah miyai niyaijo di ningat di jo kikau bikwop bak yo di ita ibou ei midyai di kei bibor nyati bibindei ba, Noni nggei sut yahagom bikon inyeng biyai niyaijo di singat kei biyok.

YESAYA 3:10

tuhan pai “Apai bak yo di ibit dihyet bipia yoni mingon nggei-hi-nggei ba, ibong kei igwam kei lene yahanggwap mbilen mikuisi bi lewo migyem kep ningat di ntun him.

MAZMUR 111:10

Suar no di kinyon ei niyai ningon kiti ttin tut tuhan bibie. Noni yai ningon di huk niti bak yo di ibit nihyet yahagom. Ma jinggei sut tuhan bijo nijam jei!

GALATIA 3:10

Allah sigion yo di iba ingon com bipia igyai ingon di kwes kin Noni tug hon gino ibit Puig Yahudi niggai serti nya yahagom. Bit leu nok gi ipas ei Allah nihyetti “Tungwa tou rino ba ningon di gom bibit Puig Yahudi niggai serti kikau bi ne Allah sigion no dima.”

LUKAS 9:48

Lene Noni pai bak yo di igya kui Noni “Bikwop no di ya um munggwom di nok gini drek dip Dani lene gima dem kep nok gi noni ya um Dani cem. Bikwop no di ya um Da lene gima dem kep nok gi noni ya um No di cuk Da kwei cem. No di srig jikieti di bon ninyeng bi rino ninyeng jei dor njiriek nindigsi nya.”

YEREMIA 17:24

Ma jibit Ditde nicuk jeti nya hagom. Ma jikon ndigban nyeng gom cem mem Njap Ningwam Kep Ninghuisi ba, jibicoi kak dimbou pmem kwei ei minu ndig dini cem au. Ma jidimig Njap Nigwam Kep Ninghuisi pijum hak ei mem Da lene ma jiyai midyai nyeng gom mem njap dima au.

NINDAT KEP TUHAN NICUKTI NYA 26:19

Noni mibibon je bijinok mben nindig bibor ba, sindem bibor cem dor njiriek mben nindigsi di Noni pai tes nya tu. Apino tungwatu dihyeisi dini hagom minggei sut je bikon jinyeng cem. Mijinok Nide limwa di ningat-ngat nya bit leu nok Noni preu ei mem je tu.”

YEREMIA 11:4

Dibon gi preu dima mem idigup bat-idigai bat nya mpe dino dibuwak yok kwei leu minu Mesir mpia di nok komfor hum di cig-cai biyem yok. Disok kep yok leu binhyepo ibit dihyet ba, ibon kep Ditde nicuk yokti nya hagom. Tini bu ne dipai biyok bipia gino ibit dihyet lene yoni minok Ditde limwa nya ba, dinok ide Allah cem.

MAZMUR 106:3

Yo di ibit Nide nicukti nya ba, igyai munti nya hagom igbit ne ingon nggei-hi-nggei.

LUKAS 1:6

Ba, yahacem iba ingon di sren biyai mun di bindei ba, Allah joi sut yok. Iba ingon di gom bibit Allah nihyet kin nicuk yokti nya hagom.

MAZMUR 148:14

Noni ribindei dino Nide limwa nya inok mben di isindem bibor leu binhyepo Nide limwa di ningon kieti nya minggei sut Noni. Jikwei ba, inggei sut tuhan!

MAZMUR 119:128

Gima rino dibit Ade nipingokti nya bidingon mpo tut niyai mun tunggweisi nya hagom.

MAZMUR 119:6

Gino dingig ditingou mem Ade nicukti nya hagom lene midiyai nimmai drek dip bi.

YEREMIA 12:16

Gino iba ingon titut bicigit Ditde limwa nya ide nibindei mbut mun di ikuk yok bakti kui yok lene iba neheng bipai ‘Nipreu ei tug hon tuhan di niyaijo ninyeng’ (bit leu nok nipou yo ico dri Ditde limwa nya tut gima yeheng tug hon Baal ninyeng) lene yoni cem minggre kin Ditde limwa nya ba, ibong kei igwam kei.

NEHEI LEUSI 23:25

Gino jikuk je bijinggei sut Da di tuhan nok jide Allah lene midinjei mun di kei nok njita di jiyem kin minyei su di jidut bak jeni ba, midicom ninggwenti nya hagom ei minu ting bibor leu je.

NINDAT KEP TUHAN NICUKTI NYA 11:27

Mijiyai mun di kei gino jibit jide tuhan Allah nicuk jeti nya di ditri tut bije njap di ammani.

NINDAT KEP TUHAN NICUKTI NYA 28:13

Jide tuhan Allah mikon jinyeng bijinok nibou di bie tut mben nindigsi nya lene Noni mikuk je bijinok ide limwa di ibit ighyet he bi. Gino jiba jingon di gom bibit tuhan nicuk jeti nya di ditri tut bije njap di ammani hagom lene jide mun di jimati nya mikum eisi nindig bibor apino mijibong kei mijigwam kei cem. Ba, mijicut bihigom ba, juhui mbum cem bi sren.

NIBOHON MBEN ISRAEL GI NIGOM 14:2

Tug hon nisinati dima lene Daud kan tut mungkun bipia tuhan ta noni ninghig-niker nok nibou ndig mben Israel ba, ninyeng tak kepti dima sindem bibor mem Nide limwa nya.

NINDAT KEP TUHAN NICUKTI NYA 26:18

Gima rino Noni sindui sut je bijinok Nide limwa nya bit leu nok Noni preu ei mem je tu. Lene Noni cuk je leu binhyepo jibit nicuk jeti nya hagom.