NINDAT KEP TUHAN NICUKTI NYA 27:20 - ALLAH NIHYET MEM TUNGWATU NYA

²⁰ ‘Ma tuhan sigion no di yem njita tut sop di nok nicig nitnem ndrim lewo ba niyai munti dima binim kep nicigya.’ Lene ma limwa nya yahagom ibuhup ‘Igbit ri!’

NINDAT KEP TUHAN NICUKTI NYA 27:20 ပူးပေါင်းရင်းမြစ်များ

NITRITI 35:22

Tirigi ibong ei sirima lene Ruben cut tut nicig nitnem ndrim Bilha. Tirigi nicig miap ninghapti tut lene ningon sibui sut Ruben nindig bibor. Lene Yakub yai nipmot bat nya ibou simnaibrimigcan.

NITRITI 49:4

Anok minyei di ugwa-kwei apino anyeng jei dor njiriek nindigsi nya bi. Acut tut ditnem ndrim ba, abimangkrei ditde nghim nsi tu.

SAMUEL GI NICAN 16:22

Gima rino Absalom de awak nya yohok prak meng gom ei ig nibou ndig de ig bou ninjek dip leu api Absalom yem njita tut nicig nitnem mien nya yahagom sindam bou mben Israel yahagom igyai him.

NIBOHON MBEN ISRAEL GI NIGOM 5:1

Yakub nipmot mighumbou rino Ruben. Noro Ruben yem njita tut nicig nitnem ndrim hi. Apino Yakub bindei timek nisindemti nok mighumbou leu noni biyai bak Yusuf. Mbro nok gima lo, keret Yusuf rino sindem bibor dor njiriek Yakub de nintun him di bram yam nindigsi nya bi.

YEHEZKIEL 22:10

Bihi ibingon ipmem ndrim ingonti bigyem njita tut yok mem nijam di ingkek kan mun cem ba,

IMAM NYA IDE MIDYAI 18:7

Harin dima aba niyem njita tut apmemti biyai nimmai bak acig-apmem cem a.

IMAM NYA IDE MIDYAI 18:8

Harin dima aba niyem njita tut acig nitnem bat nya bihi biyai nimmai bak acig a.

IMAM NYA IDE MIDYAI 20:11

Pinai gom di yem njita tut nicig nitnem bat nya igom lene niyai munti dima binggek tut mun di nicig nyeng tut. Gima rino suar jikes hukum nimai ei pinai dima kin sop dima dip hak ug. Yoni imai drek dip yonti igyai mun tunggweisi dima.

AMOS 2:7

Ico kep yo di inghuisi jet kin yo di isindem bi birok yo di yuhui mbum ei itta. Nicig-nipmot yahacem ibimangkrei dinyeng di dia-diau kei tug hon gi igyem njita tut ide sop awak gom.

KORINTUS GI NIGOM 5:1

Jinghapti tibim kwei brei bida tut sisar nicut tut yamti di kinei bibor di srou je di mbusyamei nya. Ningat ne tungwagom cut tut nicig nitnem mien. Mei! Yo di ingon tindur nya ibon sisar di kinei bibor dima bi!

NINDAT KEP TUHAN NICUKTI NYA 22:30

Harin dima tungwagom yem njita tut sop di nok nicig nitnem ndrim a. Lewo ba niyai munti dima binim kep nicigya.”

NINDAT KEP TUHAN NICUKTI NYA 23:1

“Harin dima no di ikwai nisindemti leu kin no di ikos nikei bisi leu su nya icoi bit tuhan de limwa a.