NINDAT KEP TUHAN NICUKTI NYA 27:15 - ALLAH NIHYET MEM TUNGWATU NYA

¹⁵ Suar keret Lewi nya itri tut ‘Ma tuhan sigion yo di iba tig kin biei kin ngkimom nitu bibon kwar ba, ikuk yok bak niku lewo tuhan ningon mpo tut nikuk yo bak kwarti nya!’ Lene ma limwa nya yahagom ibuhup ‘Igbit ri!’

NINDAT KEP TUHAN NICUKTI NYA 27:15 ပူးပေါင်းရင်းမြစ်များ

NITRITI 31:19

Mpe dima lene Laban ug kos nide domba nya inta leu ba, ningat rin bi. Nijam dima bon nituti kei bibor mem Rahel ba, noni ug yai kwar di Laban ba ningon com nya leu ig bei buug sut.

NITRITI 31:34

Noro Rahel ku kwar nya dima nyahan ei bangdop di noni cug leu unta nya dip bigwam kep. Laban nggok-nggok nyen ei Rahel de prak meng nsi hagom noro ngat mun nyeng hi bi.

NITRITI 9:25

Apino simbot dat bipai, “Kanaan mitug ndei nisigion noti ba, nok awak mem nikindig bat nya.

NIBOU NDIG NYA GI NICAN 17:19

Timiei Yehuda nya cem igibit ide tuhan Allah niggai serti nya bi. Noro igyai bram mben Israel igyai kepti nya.

NIBOU NDIG NYA GI NICAN 23:13

Noni bindei ba, map kui nimbar hum dok di Salomo bon dideu minu ndig Yerusalem bei mpia nipriti dideu Nungug Zaitun bei mpia nibiho cem. Salomo pigig ser nimbar hum dok dini ei mem mben Sidon ide kwar Asytoret kin mben Moab ide kwar Kamos kin mben Amon ide kwar Milkom noro hagom bindei ba, tungwatu nya igyai ngkek ttin.

NIBOHON MBEN ISRAEL GI NIGOM 16:36

Jikon tuhan Allah Israel ninyeng nogindini cem bijo ninno bijo kikau cem! Leu api mben Israel yahagom ipai “Igbit ri.” Leu api ikon tuhan ninyeng a.

NIBOHON MBEN ISRAEL GI NICAN 33:2

Manasye bon sisar tut tuhan biyai bram mben di tuhan jji yok leu minu Kanaan ei mpe di po mben Israel icoi ei minu pima igyai kepti di kinei bibor nya.

NEHEI LEUSI 20:23

Ma jiba perak kin mas bibon kwar nya mem gima jibikuk je bak njiriek Da au.

NEHEI LEUSI 20:4

Harin dima jibibon kwar di jikuk je bak bou jinda him di noyam kin mun nyeng hi ei mpia-bbed him kin dihyeisi kin gi jo ei minyeiti ei dihyei joua.

NEHEI LEUSI 34:17

Harin dima jiba ngkimom nitu bibon nung nya bijikuk je bak a.

YESAYA 44:13

Tukan biei nai biei ut gom nijeisi lene pas kwar ningwes eisi. Leu api ba nide oi mien beheu biei lene bindei ba, kwar niimaisi kei bibor. Leu api tas kwar dima ei nide ig.

YESAYA 44:17

Lene noni heu biei nindigsi nok kwar bikuk no bak bikon ninyeng. Lene ngat nadi bak bipai “Nani ne ditde kwar di dikuk da bak rin ba, ateu da bidingwes ngun!”

YESAYA 44:19

Neheu kep kwar cig dima kan-kan nyen tut niyai munti dima bi. Noni kan “Sirop biei njem bisindig bihi kep hum lene siba bihi bikang roti ba, sibibam mikwau cem bisiyem. Lene siba biei nindigsi bibon kwar bou sinda him. Ningat ne sikuk sa bak biei ttou dima he!”

YEREMIA 11:3

Da di tuhan Allah disigion yo di yahagom di ibit Ditde gi preu dima nidimigsi bi nya.

YEREMIA 11:5

Gino ibon mun dima yok hagom lene midiyai bipek kep mun di dipreu ei mem idigup bat-idigai bat nya. Midiyai minu di nogindini ibongti dima di nnum kei di mun nyeng hagom dem kei joti dima biyok ri.” Lene dibuhup bak “tuhan e, Igbit ri.”

YEREMIA 23:24

Bit bon hi ku no nyahan nding leu diyai him kan bi. Lewo dingat rin ei gwamti kin dihyeisi dini cem nisurti-nipekti.

YEREMIA 28:6

“Kei bibor! Handei kon ba, ahyet di atri tut dima mipek kep hak ug ba, tuhan ngkwei ndigban di ipos leu tuhan De Ig hagom hanyen kwei leu minu Babel bitut yo di isima ei ingkiaisi ei minu dima yahagom hak ug.

YEHEZKIEL 14:4

Gima rino ma apai biyok bipia Da di tuhan Di Dinyeng Jei Bibor disok ei na dip bak yoni “Bikwop mben Israel gom-gom dino ikuk yok bak kwar nya di isindui sut di icut ei sisarti leu api ikwei hara nabi mem gima pingok ingonti ne midiba nibuhupti di dem mem kwar di ikuk yok bak di mang-mang dima yok bibuhup biyok!

YEHEZKIEL 7:20

Nipou yo ne inggei sut ide tig permata di kei-kau-kei nya di ibimau yonti lo, iba tig permata dima bibon kwar di ikuk yok bak di suwok nya. Apino tuhan bindei di ingon mpo tut ide ndigban dima.

DANIEL 11:31

Noni cuk nide nimpung tentara di ibindei suwok tuhan De Ig tug hon gi idip tut midut nindig mindhe ei nimbar hum dokti bak tuhan bikwop njap-njap ba, itas Nisibutti Di Bindei Map Kui tuhan De Ig eisi cem.

DANIEL 9:11

Mben Israel yahagom ipigau Ade niggai serti nya ba, itingou ndok ser ahyet. Nibon sisar tut Na apino ambriom nye bit leu nok Ade awak di Musa pas tut ei nide niggai serti nya.

IMAM NYA IDE MIDYAI 19:4

Harin dima jikes Da ei bijikuk je bak kwar di jibon bou jinda him a. Harin dima jiba ngkimom nitu bibon kwar bou jinda him bijikuk je bak a. Dani ne tuhan bidinok jide Allah ri.

IMAM NYA IDE MIDYAI 26:1

Lene tuhan pai “Harin dima jibon kwar bou jinda him ba, jiwin kwar kin nidihim tig di jikilis mem gima jikuk je bak a. Dani ne tuhan ba, jide Allah ri.

MBEN ISRAEL IMBUT-MBUT NYEN 5:22

Minyei nisigionti dima mipijuk anghopti bibindei ba, anghop dwoi mai kei lene akei bisi njui-jua.” Lene suar sop dima buhup “Dani dice tut bidisindui sut tuhan yai nok gima.”

MATIUS 24:15

“Mijingat lo, ‘Nisibutti Di Bindei Di Map Kui Tuhan De Igti’ tirigi ya ei ninsi di kwes-kwau dem igbit srat di nabi Daniel pas kep tut. (Ma no di kwop srat bokti dini yok ngon kep ningginausi!)

MATIUS 6:13

Asindui sut nye ba, ningkwei hanyen tirigi nibiam mun di srou nye au. Noro anyohou nye ba, ningwes ngun leu Bilis de nisindemti. [Lewo Nani ne Nibou Ndig rin ba, nisindemti kin nikei-kau-keisi hagom jo biNa kikau. Igbit ri.]’

KORINTUS GI NIGOM 14:16

Leu gino jiba jinnei he bipai sigyo bak Allah lo, hiter di miap Allah Ninnei nihyet di mindur bi srig jikieti ne bit bon no dima pai “Igbit ri!” hanyen drek dip jide nadi kan bi. Lewo miap igbit jihyet bi.

NINDAT KEP TUHAN NICUKTI NYA 27:14

Suar keret Lewi nya iba ighyet sindem bitri tut nisimbot dati nya di bram dini lene suar mben Israel ibuhup ‘Igbit ri.’

NINDAT KEP TUHAN NICUKTI NYA 29:17

Jingat mben dima ide kwar di kinei bibor di ikuk yok bak di nyeni ingat lo, igyai kou di iba biei kin tig kin perak kin mas bibon nya.

NINDAT KEP TUHAN NICUKTI NYA 4:25

Tirigi jibong kei jigwam kei ei minu dima wer ninno ba, jibon jimunggwom bat nya kin jignyon bat-jidrot bat nya tu lene ma jibon sisar tug hon gima jibon kwar di jikuk je bak hi bou jinda him au. Mun dima ne sisar ei tuhan niyai him rin lene mibindei ba, ningon sibui sut je.

NINDAT KEP TUHAN NICUKTI NYA 5:8

Harin dima jibon kwar bou jinda him mem gima jikuk je bak ba, jiba gima bingon mun nyeng hi di jo ei mpia-bbed him kin dihyeisi dini kin gi jo ei minyei jou ei dihyei jou cem a.

NINDAT KEP TUHAN NICUKTI NYA 7:25

Ma jindig ide kwar di ikuk yok bak nya kep huma. Ma jingon pri kep perak kin mas di jo kin ide kwar nya bijiyai mem jenti au. Gino jiyai mun dima yok mem jenti lene mijitug ndei nimai drek dip lewo tuhan di nok jide Allah ningon mpo tut yo di ikuk yok bak kwar nya.

NIJAM NIKEI NYA 17:3

Mikha tug mitiei dima hanyen bak nipmem leu api nipmem pai “Dipmot na e, kei mem dikwas perak dini tut tuhan leu binhyepo aba biei bibon kwar lene aba mitiei perak binggai kwar dima titut yam bingkiem. Tug hon nisinati dima lene angwes ngun leu nisigionti po dindat pima. Gima rino diyai mitiei dima hanyen bina.”

NIJAM NIKEI NYA 17:4

Noro Mikha yai mitiei dima hanyen bak nipmem leu api nipmem kwas mitiei perak dima nitig sratus can buug sut bak tukan diba perak bibon mun. Leu api cuk tukan dima leu binhyepo noni ba biei ttou gom bibon kwar leu api ba mitiei perak binggai kwar dima titut yam bingkiem. Kwar dima put leu api itas pijum ei Mikha de ig bei.

SAMUEL GI NIGOM 26:19

Andigpoi e, ma angig atingou mem dihyet dini ug e. Gino tuhan rino cuk na di Andigpoi mem gima ahwen bit da lene Noni mibindei cut nigga dati dima tug hon mindhe di dibui bidindig ei nimbar hum dokti hak ug. Noro gino tungwatu nya rino icuk na di Andigpoi mem gima ahwen bit da lene nna ba tuhan misigion yo dima! Lewo igyai munti dima huk ade awak di dani leu tuhan de dihyei apino bitig dino dipri kwei ei dingkiaisi dini bidikuk da bak kwar ngkiai nya ide.