NINDAT KEP TUHAN NICUKTI NYA 26:2 - ALLAH NIHYET MEM TUNGWATU NYA

² lene ma bikwop tungwagom-gom yai njita ninyeng gom-gom di sindi ngat ningat ndrim hi bijikes ei bansiti lene jimbut tut ug ei minu ttou nsi gom ngat po jikuk je bak tuhan di nok jide Allah eisi pima.

NINDAT KEP TUHAN NICUKTI NYA 26:2 ပူးပေါင်းရင်းမြစ်များ

NIBOU NDIG NYA GI NICAN 4:42

Mpe di gom bu lene pinai gom jo leu Baal-Salisa bittei gandum ningat di sindi ikos leu miaisi kin roti nindak nyatungwagom di iba gandum ngat di ikos nimbie him ngat ei ari bingwam dima bikwei yai bak Elisa. Lene Elisa cuk nide awak bikwas roti nindak dima hagom tut nabi dima yok.

NIBOHON MBEN ISRAEL GI NICAN 31:5

Tirigi itri nibou ndig nicukti dima tut yam lene mben Israel ittei ningat gi nimbie him di igyai leu ide miaisi binok ide munkwas ba, yuug sut ug ei tuhan De Ig. Ningat gi nimbie him di igyai leu miaisi dima rino tepun kin ba anggur ngei kin mini zaitun kin ahwei lon bitut ningat hiter di igyai leu miaisi nya cem. Lene ikus ide ndigban di jo bak yoni gom leu ningot gom lene nok bikwas tut Lewi nya nok mun di bimpu yok.

NEHEMIA 12:44

Mpe dima lene indo ibou poi mem gima igya ser ninsi di inju munkwas ngug-ngau ngot di mem tuhan De Ig ba, igyok eisi. Gima ne bitut munkwas di ikwas gom leu ningot gom lene nok kin ningat ei miaisi gi ngat nimbie him ngat di ikwas bikwop ari bingwam cem. Suar yo di igya ser dima imbus munkwas dima yok leu miai di igyai sir minu ndig kin minu mien nya hagom keyam leu api ittei hagom bikes bak imam nya kin Lewi nya dem igbit Musa nicuk yoti. Apino limwa Yehuda nya iba ingon com imam nya kin Lewi nya dima yok,

NEHEMIA 13:31

Dinyohou dimig nikos tutti leu binhyepo limwa nya irop biei mui mem imam nya ibindig mindhe-ndhe ei humti bak tuhan bikwop njap ba, limwa nya ittei ide ningat gi nimbie him leu ide miaisi ba, ibikuk yok bak tuhan. Lene dingat nadi “Ditde Allah e, ma ayok ngon kep mun nyeng hagom di dibon dini ba, anjei mun di kei bak dani drek dip.”

NEHEI LEUSI 20:24

Ma jiba dihyei bibon nimbar hum dok gom mem Dani. Ma jibui jide domba nya kin sapi nya bijindig kep hum eisi. Lene jiba mindhe-ndhe bihi bikuk je biDa ba, jiba mindhe-ndhe bihi biyai jingon kwes kin Da. Midihwou yai gi kei bije ei mpia ttou nsi di dindo bije mem gima jibikuk je biDa eisi hagom.

NEHEI LEUSI 22:29

Ma jikwas jide gandum ngan kin ba anggur ngat kin mini zaitun ngei ndrim hi tut Da dem igbit ttou boua. Ma jidimig jipmot mighumbou nya ei mem Dani.

NEHEI LEUSI 23:16

Tirigi jide njita len tu lene jibon midut Njap Nindig Nike Gandum. Tirigi jipuk ningat kwei leu jide biei anggur nghousi kin biei ngat nghousi dideu ari bingwam ningwigsi lene jibon midut Njap Nindig Ig Jibei Mpam Meng.

NEHEI LEUSI 23:19

Ma jikon gandum ningat ndrim hi ei Ditde ig mbusyameisi bikwop ari bingwam hagom. Lewo Dani ne tuhan ba, dinok jide Allah ri. Gino jikwen domba pmot ninghui e, he kambir pmot ninghui e, lene jiba nipmem nido ngei bikwen ei yeng gomti au.”

NEHEI LEUSI 34:26

Suar jikon gandum ngan ndrim hi ei Ditde Ig nsi bikwop ari bingwam hagom. Lewo Dani ne tuhan bidinok jide Allah ri. Gino jikwen domba kin kambir pmot ninghui lene jiba nipmem nido ngei bikwen ei yeng gomti au.”

YEREMIA 2:3

Je di mben Israel e, dinyeng tut je mem Dangkom. Jinok dingon him ngat bidingon mbris tut je cem. Dikes hukum ei yo di ihwen bit je nya yahagom dip. Da di tuhan disimbot dat tu.”

YEHEZKIEL 20:40

Lewo je di mben Israel jahagom mijikuk je biDa ei dihyei Israel kin Ditde nungug dip di kwes cem. Midingon kei sut jeni ei sirima bidijoi sut jide midut nindig mindhe-ndhe nya ei nimbar hum dokti nya kin jide munkwas di kei bibor nya kin jide mun di jiyai pijum biDa nya.

YEHEZKIEL 44:30

Suar imam nya itug ndei bibikwop ningat hagom di kei bibor kei di limwa nya igyai nimbie him ngat kwei leu miaisi nya bitut mun nyeng hagom di ikwas tut Da. Bikwop mpe di mben Israel ikang roti ne suar ikwas roti nindak di ibon nimbie him ngat tut imam nya. Tug hon nisinati dima lene midinjei mun di kei bak mben Israel ide ig bei nsi nya.

YEHEZKIEL 48:14

Ma itri dihyei dima poi mien ba, iba dihyei hiter biluei dihyei dima cem au. Ma dihyei Israel nittou nsi di kei bibor kei dima pri bicut ei yo di hiter indati au. Lewo ipek dihyei hanjop nsi dima pijum ei mem tuhan binok Nide dihyei ninda rom tu.

IMAM NYA IDE MIDYAI 2:12

Tirigi njita sindi ngat ningat lene suar iba njita dima ndrim hi bikuk yok bak tuhan. Noro ma indig njita dima kep hum ei nimbar hum dokti au.

IMAM NYA IDE MIDYAI 2:14

Tirigi iba gandum di sindi ngat ningat ndrim hi bibikuk yok bak tuhan lene ma ittei gandum di yoho ei hukti bindung kin gi ikang ei komforti cem.

ROMA 11:16

Gino tungwagom yai roti ninggop gi nigom bak Allah lene gima noyam kin gi noni yai roti nitindak titut yam bak Allah tu. Ba, gino Allah nyeng tut biei nigau lene gima bindo bipia ninggrupti cem Nide ri.

ROMA 16:5

Dipigo yo di mbusyamei di induk yam ei ide ig bei cem. Dipigo disut Epenetus di dingon kieti cem. Nongkom ba ningon com Kristus bibie ei hanjop Asia.

ROMA 8:23

Noro nipai testi he rino lua kwop tut ninghuisi wei bi. Nyeni cem ilua kwop ei ingon mienti. Mbro nok gino igyai Allah Ninnei nok munkwas di Noni njei bak nyeni nimbigom tu lo, igyok ingon mem nituti di Allah mikwek nyenti njem leu api nek nye nok nimunggwom bat nya.

KORINTUS GI NIGOM 15:20

Noro ningat ne Allah win Kristus hanyen leu nimai eisi tu ba, Noni ngot nikiju hanyen leu nimai eisi nimig mem yo di imai su nya.

KORINTUS GI NIGOM 15:23

Noro bikwop tungwagom-gom mikiju hanyen sindam ba, Kristus nok mighumbou bibie ug e. Leu api Kristus de limwa nya mikiju hanyen bu nok nipumiap mem Kristus nikwei hanyenti.

KORINTUS GI NIGOM 16:2

Bikwop njap nigwam kep ninghuisi lene ma tungwagom-gom ba ninda boom mitiei ndrim hi leu mitiei nimangti di noni tug ndei bijo keyam bikum yam ei bipek njap di dihwousi. Leu binhyepo jimbus mitiei hi kin bu tirigi dihwousi bi.

NINDAT KEP TUHAN NICUKTI NYA 16:10

leu api jibon midut Njap Ndig Nike Gandumti mem gima jibikon jide tuhan Allah ninyenga. Njap dima lene ma jittei mun di jibikuk je bak tuhan bit leu jijoi sutti bak Noni dem kep mun di kei di tuhan yai di binyohou jiyaisi nimangti.

NINDAT KEP TUHAN NICUKTI NYA 18:4

Nok gima cem ma itug ndei ningat nimbie him leu gandum kin ba anggur ngei kin mini zaitun kin domba nta cem nok ide ri.

NINDAT KEP TUHAN NICUKTI NYA 26:1

“Niabiati jikieng kep minu di tuhan di nok jide Allah yai bije bijibong kei jigwam kei eisi tu,

NINDAT KEP TUHAN NICUKTI NYA 26:3

Ma juug ngat imam gom di yai kep midyai mem nijam dima ba, jipai binoni ‘Dipai brei ei tuhan di nok ditde Allah niyai him bipia dicoi ug ei minu po Noni preu sut ei bak idigup-bat idigai bat nya mem gima yai binye pima tu.’

YAKOBUS 1:18

Noni yai niyaijo nijep binye bit leu Nonti ningon kanti tug hon nihyet di nijit. Niyai munti dima bindei ba, nye di tungwatu igya bibie mem Nide nipai testi nya hagom.

YOSUA 18:1

Tirigi ibindei timek minu ndig nya di tuhan preu ei mem yok hagom tu lene mben Israel yahagom induk yam kwei ei Silo. Leu api itas tuhan De Prak Meng di bindo tut bipia tuhan ningat rin ei ikieti ei mpia dima.

NINGAT-HI-NGAT NYA 14:4

Yo dini ne pinai nya di igyem njita tut sop nya bi sren rin ba, ingon kwes kei. Ibit-bit nyen Domba Pmot ug ei tirima-tirima. Ba, inok mighumbou di igyati kwes bibie leu tungwatu nindigsi nya mem Allah kin Domba Pmot.