NINDAT KEP TUHAN NICUKTI NYA 26:13 - ALLAH NIHYET MEM TUNGWATU NYA

¹³ lene ma jipai brei bak tuhan di nok jide Allah ‘Nyende njita gom leu ningot gom, gom leu ningot gom lene nok hagom ngwig leu ig bei tu lewo nikwas hagom tut yo di intun Lewi him kin ngkiai nya kin moibihi nya kin kibom nya yahagom bit leu nok acuk nyeti pima tu. Niyai mun tunggwei ba, ningon prion ser Ade nicuk nyeti nya tut njita di suar nikwas tut yok bi.

NINDAT KEP TUHAN NICUKTI NYA 26:13 ပူးပေါင်းရင်းမြစ်များ

MAZMUR 119:139

Dingon sibui sut siceu nya dem kep hum di sror da lewo yo dima ibbwe ser Ade ningginausi.

MAZMUR 119:141

Dibon dinyeng bi ba, tungwatu nya ingwes om kep da cem noro dingon hou ser Ade ningginausi nya bi.

MAZMUR 119:153

Angig ayai kep ditde niwei-nidutti ba, ateu da bidingwes ngun lewo diba diyai ngat Ade nicukti nya bi.

MAZMUR 119:176

Disrawir dem kep nok domba di pror. Gima rino akwei ba, anggok Ade awak di dani. Lewo diba diyai ngat Ade nicukti nya bi.

MAZMUR 119:93

Midiba diyai ngat Ade nipingok dati nya bi sren lewo aba nipingokti dima binyohou da bidiyaijo.

MAZMUR 26:6

tuhan e, dipiap dinda lene gima bindo tut bipia ditunggwei sut Nani bi. Leu api dimbut nyen ttai Ade nimbar hum dok.

NIPINGOK NINGONTI 3:1

Dimunggwom na e, ma angon prion ser ditde ningginau nati nya au. Ayok ngon kep ditde nipingok nati nya hagom bijo ninno bijo kikau.

KISAH 24:16

Gima rino dita dibou ei dingon mien di kwes kin Allah kin tungwatuti kikau.

KORINTUS GI NICAN 1:12

Ningon llei bibor lewo ningon mien ngkiem tut bipia niyai munti nya ei dihyeisi dini cem ei jiyai him hagom tug hon ningon di gom kin ningon di pimbai kei di Allah yai binye. Niyai munti nya hagom tug hon Nide nisingat tut nyeti di sindem tut nye lene tug hon ningon di ki di ntun dihyeisi dini him bi.

KORINTUS GI NICAN 11:31

Allah dino Tuhan Yesus Nicig kan tut bipia dibicum tut gima bi. Ma tungwatu nya ikon Allah ninyeng bijo ninno bijo kikau!

NINDAT KEP TUHAN NICUKTI NYA 14:29

Njita dima mem keret Lewi lewo yoni ima dihyei hanjop nsi hi bou yok nok ide bi. Lene hi mem yo di yuhui mbum di ibong ei jide minu ndig nya kin munggwom moibihi nya kin kibom nya kin ngkiai di ibong timiei bit je cem yahagom. Ma jisindui sut yoni ba, ikwei yai mun nyeng hagom di isuar nya. Suar jibit nicuk jeti dima leu api jide tuhan Allah minjei mun di kei bak jeni tut jide midyai di jiyai nya hagom.”

NINDAT KEP TUHAN NICUKTI NYA 26:12

Ma jikwas jide njita gom leu ningot gom, gom leu ningot gom lene nok mbigom tut yo di intun Lewi him kin ngkiai nya kin moibihi nya kin kibom nya yahagom bikwop ari bingwam niningai leu binhyepo njita midem mem yok ei jide minu ttou nsi nya hagom. Tirigi jiyai nok gini tu,

NINDAT KEP TUHAN NICUKTI NYA 26:14

Niyem njita dima ndrim hi tirigi ningon ngguk tut nimai bi. Lene nikon hi ba, nuug sut ug ei nisai tirigi nyeni nipuig kinei bi. Lene nikwas ndrim hi nok mun di ipigig ser mem ibigo nimai bi. tuhan e, nibit Ade nicuk nyeti nya tut njita gom leu ningot gom, gom leu ningot gom lene nok bidem tu.

TESALONIKA GI NIGOM 2:10

Jingat bou jiyai him bipia tirigi ningat rin ei je di jingon jo kep nya jikieti lene nyende niyaijoti kwes-kwau cem ningon sren cem niyai mun tunggwei hi bi cem ba, Allah cem ngat gima bou niyai him.