NINDAT KEP TUHAN NICUKTI NYA 26:10 - ALLAH NIHYET MEM TUNGWATU NYA

¹⁰ Gima rino dittei njita di sindi ngat ningat dini ndrim hi kwei mem Na di tuhan di ayai njita hagom bida tu.’ Pai nok lene ma jikes bansi dima nyahan bijo ei tuhan di nok jide Allah Noho bei leu api jikuk je biNoni ei sirima.

NINDAT KEP TUHAN NICUKTI NYA 26:10 ပူးပေါင်းရင်းမြစ်များ

NINGAT-HI-NGAT NYA 22:9

Noro noni srep “Ayai nok au! Akuk na bida au! Ma akuk na bak Allah Nongkom! Dani ne awak rin noyam kin nani kin asut bat nabi nya kin yo di yahagom di ikrau kep nihyet di jo ei srat diniti.”

KORINTUS GI NIGOM 10:31

Nnaba tut njita di jiyem kin ndia ngei di jidut ne ma jiba jiyai munti dima yok hagom binggei sut Allah.

ROMA 2:1

Gima rino disut bat jen, jitug ndei jinyeng di bindei di jidem mem gima jiba jihyet biyai yo di hiter dima leu hantou i? Bit bon jipai mun mem jibisu tindei kan bi. Leu gino jiba jihyet biyai yo di hiter noro jiyai bram yo dima igyai kepti nya lene gima nok jibindei cut hukum ei jenti dip.

YESAYA 66:23

Nimpung tungwatu nya yahagom mikwei kuk yok biDa ei minu ndig Yerusalem bikwop Bed Jep kin Njap Nigwam Kep Ninghuisi.

NIPINGOK NINGONTI 3:9

Ma aba mun di anyeng tut nya kin ade njita ngat di kei bibor kei nya bibon midut nibinggei sut tuhan.

MAZMUR 95:6

Jikwei ba, ikuk nye ei nimig him binggei sut Noni. Iba ibiau bicom mpia ei tuhan di pai tes nye Noho bei.

MAZMUR 86:9

tuhan e, mben ngkiai di apai tes yok nya yahagom mikwei kuk yok biNa bikon anyeng di jei bibor.

MAZMUR 22:29

tuhan ne nibou ndig rin ba, ninyeng tak kep ngkiai nya yahagom.

MAZMUR 22:27

Nuhui mbum nya mikwei yem njita bindei yok bit leu ingon kanti. Yo di induk yam kwei ndam Na yahagom minggei sut Na di tuhan. Dijoi sut gima jibong kei jigwam kei bijo ninno bijo kikau!

NIBOHON MBEN ISRAEL GI NIGOM 29:14

Ningat ne diya tut ditde limwa dini yok noro bit bon nikwas mun nyeng hi tut Nani kan bi. Lewo Nani rino akwas mun nyeng hagom tut nye. Mun dima nikwas tut Nani ne hagom Ade cem.

NINDAT KEP TUHAN NICUKTI NYA 26:17

Njap di ammani ne jipai jit bipia tuhan ninyeng tak kep je. Jipreu ei mem Noni bipia mijibit nihyet ba, jiyok ngon kep Nide nicukti nya ba, jiyai hagom bit leu nok nicuk jeti nya cem.

NINDAT KEP TUHAN NICUKTI NYA 26:4

Lene imam dima miyai bansi bitut mun di joti nya leu api mikes nyahan bijo ei tuhan di nok jide Allah Nide nimbar hum dok nuhui.

NINDAT KEP TUHAN NICUKTI NYA 26:2

lene ma bikwop tungwagom-gom yai njita ninyeng gom-gom di sindi ngat ningat ndrim hi bijikes ei bansiti lene jimbut tut ug ei minu ttou nsi gom ngat po jikuk je bak tuhan di nok jide Allah eisi pima.

NINDAT KEP TUHAN NICUKTI NYA 18:4

Nok gima cem ma itug ndei ningat nimbie him leu gandum kin ba anggur ngei kin mini zaitun kin domba nta cem nok ide ri.

NEHEI LEUSI 22:29

Ma jikwas jide gandum ngan kin ba anggur ngat kin mini zaitun ngei ndrim hi tut Da dem igbit ttou boua. Ma jidimig jipmot mighumbou nya ei mem Dani.

NEHEI LEUSI 23:19

Ma jikon gandum ningat ndrim hi ei Ditde ig mbusyameisi bikwop ari bingwam hagom. Lewo Dani ne tuhan ba, dinok jide Allah ri. Gino jikwen domba pmot ninghui e, he kambir pmot ninghui e, lene jiba nipmem nido ngei bikwen ei yeng gomti au.”

NINDAT KEP TUHAN NICUKTI NYA 8:18

Ma jiyok ngon kep bipia tuhan di nok jide Allah yai nisindemti bije leu binhyepo jinyeng tut ndigban. Noni yai nok lewo ningon gom tut mun po Noni preu ei mem jidigup bat-jidigai bat nya pima.

NIPINGOK NINGONTI 10:22

Tungwatu nya inyeng tut ndigban tug hon ningat di kei di tuhan njei bak yoni. Bit bon nicom nahanggwap tut midyaisi bindei ningat di kei kum eisi bi.