NINDAT KEP TUHAN NICUKTI NYA 25:9 - ALLAH NIHYET MEM TUNGWATU NYA

⁹ ma kibom dima ya hammi no dima bikwek nide srop gom leu nimig jou ba, trai ndei niimaisi ei nibou nya yahagom yoho bei lene ndat kep nihyet nok gini ‘Mun dini mipek kep mem no di kou sut gima yai nipmot mighumbou bak nikindig-nikinjoi di mai su.

NINDAT KEP TUHAN NICUKTI NYA 25:9 ပူးပေါင်းရင်းမြစ်များ

AYUB 30:10

Ibibon da nok nikinei-kinau kin nisuwok cem bitig dino itrai diimaisi cem.

YESAYA 20:2

Noro ari bingwam ningai nipou tirigi mun dima cut igkep mben Filistin nya bigyo ne tuhan cuk Yesaya bipas srop kin sinsun kron di juk leu no. Yesaya yai igbit nicukti dima lene ba ningat ngu bimbut bijuk srop ser nimig jou bi.

YESAYA 50:6

Dikes dinghim bak yo di ibui da bidikiek dingyoi bak yo di itiba duhui nta. Dikiek doho ter leu yo di inim kep da di itrai sut da bi.

MBEN ISRAEL IMBUT-MBUT NYEN 12:14

Noro tuhan buhup “Gino nicig trai Miryam niimaisi lene gima mibindei ba, noni gwam nimmaiti mem njap muhwindacan bi e? Ma jibindei hei noni ug ei prak meng yati nisai ma kwei mem njap muhwindacan. Mpe di nijam dima ngwig leu api ma jisindui sut noni ba, coi hanyen kwei.”

MATIUS 26:67

Lene bihi itrai ndei Yesus niimaisi bibui Noni cem lo, hiter di ittem nijap ihig singgre Noni,

MATIUS 27:30

Itrai ndei Noni biba Nide tom bibui nibou cem.

MARKUS 1:7

Yohanes tri tut biyok “No di ya abia kep da ma kwei ninyeng jei bibor dor njiriek da. Dani ne dem mem gima dikuk da bidikwek Nide srop leu nimig jou bi.

MARKUS 10:34

Yo dima miba ighyet bicig Noni cem itrai ndei Noni cem imbas Noni cem ihwen Noni cem. Noro njap ningai bu lene Noni mikiju hanyen leu nimai eisi.”

YOHANES 1:27

Noni ya abia kep da. Dem mem dikwek Nide srop leu nimig jou bi.”

NINDAT KEP TUHAN NICUKTI NYA 25:10

Lene mben Israel yahagom mitri tut bipia no dima nide keret ne keret di intun no di kibom gom kwek nide srop leu nimig jou ri.’ ”

NINDAT KEP TUHAN NICUKTI NYA 25:8

Lene ma nibou pima yok ihig nisen pima kwei bipingok ningonti. Gino kou sut gi wak kibom dima lene,

SRAT RUT 4:6

Lene no dima buhup “Mbro nok gino dinyeng jo bibie leu anyeng mem gima dipek dihyei hanjop nsi dima lo, midipek bi. Lewo bit bon dimunggwom bat nya miba yokep hanjop nsi dima leu da hanyen bi. Nna ba nani apek dihyei dima hak ug lewo dikou sut.”

SAMUEL GI NIGOM 2:30

Dani ne tuhan bidinok mben Israel ide Allah rin ba, dipreu ei mem jide keret nya nipou su bipia nani kin yo di intun nani him mijiyai kep midyai nok imam mem Da bijo ninno bijo kikau. Noro nogindini midiluei dingonti tut dipreu eisi pima ug ri. Hon kep ammani kui lene midijoi sut yo di ikuk yok biDa lo, midingon mpo tut yo di ingon mpo tut Da.