NINDAT KEP TUHAN NICUKTI NYA 25:1 - ALLAH NIHYET MEM TUNGWATU NYA

¹ Lene gino mpe di gom mben Israel ibou can igya ei nikei noho bei drek dip mun di kinei leu api nikei ndo igbit gi hi di ningon ngun kin gi hi di ningon mui,

NINDAT KEP TUHAN NICUKTI NYA 25:1 ပူးပေါင်းရင်းမြစ်များ

SAMUEL GI NICAN 23:3

Mben Israel ide Allah mbrap tu. No di ya srak ko hagau Israel pai bida “Nibou ndig di ninyeng tak kep limwa nya kin ningon di sren di bie tut yok ei nibit Allah nihyetti cem,

NIBOU NDIG NYA GI NIGOM 8:32

lene tuhan ei gwamti e, handei kon ba, angig atingou mem nyeni nihyet leu api akos tut no dima nok igbit. Ma akes hukum ei gi hi di ningon mui dip dem igbit nide mun di yai tunggwei lene ma asindui sut gi hi di ningon ngun bimbut hak ug.

NEHEI LEUSI 22:9

Nok gima tut ndigban di bindei dino tungwatu nya ibikki yam di nok sapi e, he keledai e, he domba e, he sinsun e, he mun nyeng hagom di pror leu api ingat hanyen bu e, lene ma jibuwak yo cin di ibikki yam dima ug ei jide ig mbusyameisi. Suar no di Allah ndo bipia ningon mui rima tug ndigban dima hagom hanyen bak niceu mbican bram yama.

NIPINGOK NINGONTI 17:15

tuhan ningon sibui sut yo di isindui sut ba, no di sibut ningwes ngun leu hukum kin yo di ikes hukum ei no di ningon ngun dip cem.

YESAYA 1:17

Ma jita jibou ei gi jibon mun di igbitti. Ma jibrim jingkek mem ningon sren-srausi leu api jiciu ser gi tungwatu nya imbuk tut yam. Ma jibindei ba, tungwatu nya ibibon moibihi nya nok igbit. Ma jimbrap gau kibom nya ei nikei noho bei.”

YESAYA 1:23

Ade nibou nya yaham imbuk kep Da. Ihig isut bit ninggimang kep mun cig nya ba, ingon ya mem gima hi ngot kep yok. Ikou sut nimbrap gau moibihi nyati ei nikei noho bei ba, itingou nam ser kibom nya di yahara yok tut ide mun di buhun tak yok ighyet.

YESAYA 11:4

Noni migwam nok nikei di ningon sren-srau mem yo di yuhui mbum nya bimbrap gau yo di isindem bi nya. Noni mibindei ba, yo di ibon mun di tunggwei mitug ndei hukum tug hon nide nicukti ba, yo di imbuk bibor nya mitug ndei nimai.

YESAYA 5:20

Buhun bibor mem je di jiba gi kei kin gi piga kin gi nyop bikiek-kiek nyen bibindei gi kinei kin gi dindi kin gi mpo cem a!

YESAYA 5:23

Noro jiba gima biyai mitiei nibingot kep jeti leu binhyepo jibikes yo di ibon mun tunggwei bingwes ngun lo, jibikkin ser yo di ibon mun di igbit nya leu binhyepo itug ndei nikei nikos tutti di sren kei bi.

YEREMIA 21:12

tuhan pai “Je di jintun Daud him e, ma jiyai jibou tut gi jiba ningon srenti bikos tut munhyet bikwop njap-njap. Jikwek no di yo di isibut nya ikes nibittemti nindig bibor ei ninghat dip dima leu inda nsi. Gi bi ne jiyai munti dima mibindei ba, Ditde nigga biborti cig-cai noyam kin hum di bit bon hi mu kan bi.”

NIBWOS-BWOS NYENTI 3:35

ipos nisindemti po tuhan yai binye di inyeng tut pima bipror leu nye cem,

NIBWOS-BWOS NYENTI 3:36

ico kep nikei nya ide nikos tutti di sren nya lo, ningat ne tuhan kan tut bingig niyai kep tu.

YEHEZKIEL 44:24

Gino ingon buhun tut yam tut munhyet di bitut ide nikos tutti nya lene suar ikwam minggwen bit yam ser munhyet dima bit leu Ditde niggai serti nya di jo tu nipaisi. Suar ibon pesta nibikuk yok biDati nya bibit leu Ditde nicukti kin Ditde nikos tutti di jo tu nipaisi. Lene ma idimig Njap Nigwam Kep Ninghuisi nok njap di kwes pijum ei mem Da.

HABAKUK 1:13

Nggon rino aba ayai ngat tentara dima yok di ibon mun di mbuk bibor i? Bit bon aba ayai ngat mun di mbuk bibor drek dip Ade ningon kwes-kwausi kan bi e? Ayai ngkek ttin ser yo di bit bon hiter ba ningon com yok kan bi nya bi e? Gima rino nggon rino akimut ahui tirigi mben Babel di imbuk bibor dor njiriek nye ikwei bihwen nye i?

HABAKUK 1:4

Niggai serti nya mbut sindem bibon ninyeng bi ba, nikei nya iba ingon dwei bikos tut mun di srou tungwatu nya. Yo di imbuk nya igyai munti nya dor sindem njiriek yo di ingon sren nya igyai munti nya ba, yo di imbuk nya ikiek nikei nikos tutti nya bibit leu yonti ingon kanti.

MALEAKHI 3:18

Ditde limwa nya mingat bou igyai him bipia mun di pek kep mem no di ningon kwes kei kin mun di cut igkep no di mbuk ter leu yam. Mun di pek kep mem no di kuk no biDa kin mun di cut igkep no di kuk no biDa bi ter leu yam.”

MATIUS 3:10

Hi tin ei mem gima wim biei nya nitriti. Noni miwim bikwop biei di ngat ningat di kei hi bi nya leu api ndig hagom kep hum.

NINDAT KEP TUHAN NICUKTI NYA 17:11

Ma jice tut ikos tutti dima lene ma jibit ide nicuk jeti di buhun kin gi nggan cem hagom nok igbit.

NINDAT KEP TUHAN NICUKTI NYA 24:22

Ma jiyok ngon kep bipia jinok awak ei minu Mesir nipou su leu api tuhan kwek je tu. Gima rino diyai nicukti dini bije.