NINDAT KEP TUHAN NICUKTI NYA 24:1 - ALLAH NIHYET MEM TUNGWATU NYA

¹ “Gino no di pinai wak sop gwam nitta pilei gom nok nitnem lo, joi sut noni bi ei nidipti bu hanyen lewo ngat nitnem yai mun di bindei dino mmai sut nonti lene nijjep bon srat di bindo tut gi kou sut nitnem ba, yai binoni leu api jji noni bihigom.

NINDAT KEP TUHAN NICUKTI NYA 24:1 ပူးပေါင်းရင်းမြစ်များ

NEHEI LEUSI 21:10

Gino jigom wak nitnem ndrim lene noni bibon nitnem ndig nok gi kei biyai njita kin sinsun binoni ba, igyem njita tut yam bit leu nok igyai kepti nipou su.

YESAYA 50:1

tuhan pai bak mben Israel “Ditde limwa jen, jikan bipia dikou sut je noyam kin pinai di kou sut nitnem e? Gi nok lene ma jindo srat di bindo tut gi dikou sut ditnem biDa. Jikan bipia ditri je noyam kin no di ba nimunggwom bat nya bibirop ningwam di noni bon bak hiter e? E bi. Jide siceu nya ikat je bibuwak je ug ei jingkiaisi drek dip jide sisar kin jingon di mbuk biborti!

YEREMIA 3:1

tuhan pai “Gino nijjep kou nitnem bikes ei leu api hiter wak nok nitnem bu lene ma nijjep timiei pima kwei yai hanyen nok nitnem au. Lewo mun dima mibindei ba, map kui minu dini. Noro je di mben Israel jiyem njita tut sop hiter imang bibor tu. Leu api tini bu ne jijoi sut jingkwei hanyen ndam Da bu e?

YEREMIA 3:8

Timiei Yehuda nya ingat bipia dikou sut mben Israel di inok sop di ba ningon com Da bu bi. Dibon srat nikou sut yam bidiyai biyok lene dibikes yok drek dip gi icut ei sisar niyem njita tut sop hiterti tu. Noro timiei Yehuda nya ittin tut gima bi ba, yoni cem yuug cut ei sisar di kinei dimati bram bu.

MALEAKHI 2:16

Noro jibuhup “tuhan di mben Israel ide Allah pai ‘Nnaba jisindui sut ba, no di ningon mpo tut nitnem rok noni hak ug.’ Allah Di Sindem Bibor pai bipia no dima ningon mui drek dip nimbuk tut nitnemti! Gima rino ma jisok kep jenti leu binhyepo jingon gom tut jitnem lene ma jipigau yok au.”

MBEN ISRAEL IMBUT-MBUT NYEN 5:12

biyai nicukti nya dini bak mben Israel. Gino sop gom bon mun tunggwei sut nijjep ba, ningon gom tut noni bu bi,

MBEN ISRAEL IMBUT-MBUT NYEN 5:28

Noro gino noni bon mun tunggwei bi lene mitug ndei nisigion noti dima bi ba, miyai munggwom yo.

MATIUS 1:19

Yusuf di yok wa kep Maria ningon sren. Noro ningonti ngkwei nyahan leu Maria ba, joi sut kou nyahan hak ug leu binhyepo tungwatu nya mipui kep Maria ninghapti ninyen bi.

LUKAS 16:18

No di kou sut nitnem buug wak sop gom bu bididei nitnem ndig bon sisar nicut tut yamti. No di wak sop di nijjep kou ei lene no dima cem bon sisar nicut tut yamti.”

NINDAT KEP TUHAN NICUKTI NYA 21:15

“Gini ne nicukti mem tungwagom di wak nitnem ibou can ri. Ba, yahacem isrek tut munggwom pinai noro nitnem gi hi di ningon him ngi-ngat bi srek tut nipmot mighumbou.

NINDAT KEP TUHAN NICUKTI NYA 22:13

“Nibingon tut pinai gom di wak sop gwam nitta pilei gom leu api kou sut noni ei nidipti bu.

NINDAT KEP TUHAN NICUKTI NYA 22:19

Lene suar ikak tut noni ba, yai mitiei perak sratus gom bak yoni drek dip nitunggweisi leu api igyai mitiei dima bak nipmang drek dip gi bibon sop gwam nitta pilei mben Israel ninyeng kinei a. Nok gima cem suar sop dima ya kui nok nitnem kikau. Harin dima nijjep kou sut nitnem dima kikau bimai kep a.

NINDAT KEP TUHAN NICUKTI NYA 22:29

lene suar pinai dima njei mimbron di dem mitiei perak ningot muhwi bigo bak sop gwam nitta pilei dima nicig leu api buwak sop dima nok nitnem lewo nggek noni bit leu ningon kanti. Nok gima cem suar sop dima ya kui nok nitnem kikau. Harin dima nijjep kou sut nitnem dima kikau bimai kep a.

NINDAT KEP TUHAN NICUKTI NYA 24:2

Lene ei nidipti bu hiter wak sop dima.

NINDAT KEP TUHAN NICUKTI NYA 24:3

Lene noni cem kou sut nitnem dima bibon srat di bindo tut gi kou sut noni biyai bak leu api jji noni bihigom bu e, he ma nijjep gi nican dima mai leu noni e.