NINDAT KEP TUHAN NICUKTI NYA 23:18 - ALLAH NIHYET MEM TUNGWATU NYA

¹⁸ Nok gima cem ma yo dima ipwoi ninghoi di iba ide nicut tut yamti bipek dima ba, yuug sut ei jide tuhan Allah de ig bibigo mun di yoni ipreu ei mem Noni tug hon neheng au. Lewo jide tuhan Allah ningon mpo tut yo di icut igkei ei mpia di ngkiai nya ikuk yok bak ide kwar nya eisi bitut ninghoi di ibipek mem yonti cem.

NINDAT KEP TUHAN NICUKTI NYA 23:18 ပူးပေါင်းရင်းမြစ်များ

NIBOU NDIG NYA GI NIGOM 14:24

Ibon nicut tut yamti ei mpia ttou nsi dima yok leu binhyepo iba nisinati dima bikuk yok bak kwar nya. Pinai nya cem ibon yonti nok sundal ei mpia dima. Timiei Yehuda ibon kep sisar di kinei bibor ninyeng hagom noyam kin timiei minu dima ibon kepti nya tirigi po tuhan jji yok leu itimieisi ei mpe di mben Israel icoi bigyai bigyati pima.

MAZMUR 22:16

Dikibou ngak-cai dem kep nok hum pimbang di ndung ba, didwep rap duhui him. Na di tuhan e, akes da bidibong ei dihyei nindungti tereu dimai su.

NIPINGOK NINGONTI 26:11

No di ningon mbum di yai-yai nyen niyai kepti di bon ariwace rinoyam kin nsien di ngkwei bipiei ninjim hanyen.

YESAYA 61:8

tuhan pai “Dingat dingwes ei yo di ingon sren-srauti lo, dingon mpo tut yo di isibut nya kin yo di ico kep hiter nya. Midiba dingon di gom biyai amuhup bina bidiba nipreu di jo ninno bijo kikau bipreu ei mem na.

YEHEZKIEL 16:33

Pinai di icut tut sop mmun nya iba mitiei bigo yok. Noro ayai nok gima bi. Nani rino akwas mun di kei tut pinai nya di abou buwei kep yok. Aba mitiei bihwen ingon leu binhyepo ikwei leu nima kwei-nima kwei bicut tut na.

IMAM NYA IDE MIDYAI 18:22

Harin dima pinai hi yem njita tut pinai hi a. Lewo Allah kou sut nibon munti dima.

IMAM NYA IDE MIDYAI 19:29

Harin dima jibimangkrei jipmisop bat nya tug hon gima jikes yok ba, inok sop sundal nya ei mpia di ngkiai nya ikuk yok bak ide nung nya eisi a. Leu gi nok lene mijikiek je ndam kwar di jikuk je bak nya apino sisar mikieng kep jide minu dima.

IMAM NYA IDE MIDYAI 20:13

Gino pinai gom yem njita tut pinai hiter lene gima mun di kinei bibor di bindei tungwatu igyai ngkek ttin ser. Lene suar jikes hukum nimai ei yahacem dip hak ug. Yoni imai drek dip yonti igyai mun tunggweisi dima.

IMAM NYA IDE MIDYAI 7:16

Gino tungwagom jem nide mindhe kwei mem nibon midut nibiyai ningon kwes kin Allahti drek dip mun di noni preu ei tug hon gi heng ba, yai mikuisi cem lo, noni yem kep mikwau dima hagom mem njap di imam bui mikwau dima bindig kep hum bingwig bigyo leu api yem niken mem njap di hyep bu lene dem.

MIKHA 1:7

Midibindei ba, ide kwar di nibok kak bibor nya timek bingwig leu api hum yem ndigban di tungwatu nya ikwas tut sop di ibou sibui nya di mben Samaria icut tut nya ei kwar dima nibousi hagom. Ide kwar nindigsi nya hagom mitimek bingwig. Mben Samaria itug ndei ndigban dima yok hagom tug hon gi ikuk yok bak kwar bikan bipia kwar dima bindei ba, njita beisi nnum kei. Noro tini bu ne ide siceu nya mipos mun dima yok hagom bimbut tut leu binhyepo ibikuk yok bak ide kwar nya.”

HABAKUK 1:13

Nggon rino aba ayai ngat tentara dima yok di ibon mun di mbuk bibor i? Bit bon aba ayai ngat mun di mbuk bibor drek dip Ade ningon kwes-kwausi kan bi e? Ayai ngkek ttin ser yo di bit bon hiter ba ningon com yok kan bi nya bi e? Gima rino nggon rino akimut ahui tirigi mben Babel di imbuk bibor dor njiriek nye ikwei bihwen nye i?

MALEAKHI 1:14

Midisigion niris mun cig di nyeng tut nide mindhe di pap-nap kei bibor di noni bet ei mem Da noro ris lene ba mindhe di kinei bibor biluei bu leu api ttei gima mem bikuk no biDa! Lewo Dani ne Nibou Ndig Di Dinyeng Jei ba, mben dihyeisi dini hagom inggei sut Da.”

MATIUS 7:6

Ma jiyai mun di Allah nyeng tut nya bak nsien nya au. Lewo yoni mingkwei hanyen ba, yaham je. Nok gima cem ma jiba sriou tiei njep biris na nya au. Lewo yoni mico kep sriou tiei njep dima ug ri.”

NINDAT KEP TUHAN NICUKTI NYA 12:6

Ma jibui mindhe-ndhe nya bijindig kep hum ei nimbar hum dokti. Ma jibui mindhe-ndhe nya tug hon nibon midut nindigsi nya leu api ma jikwas gom leu ningot gom, gom leu ningot gom lene nok. Ma jikwas mitiei nindigsi kin mun di jipreu ei mem tuhan nipou su kin jide mun di jihyen kep nya nipmot bou nya tut tuhan ei minu ttou nsi gom ngat dima he.

NINDAT KEP TUHAN NICUKTI NYA 22:21

lene suar ibuwak sop dima ug ei nide ndigpoi ide dimbou hui a. Suar ndigpoi nya leu minu dima iba tig bihwen noni ei mpia dima kikau bimai hak. Sop dima bibon mun di biyai nimmai bak ide mben tug hon niyem njita tut pinaisi mem nijam di noni bong bit nide ndigpoi nipou tirigi wak nijjep bigyo. Tug hon nisinati dima mijicok tut sisar di kinei dima leu jikieti.

NINDAT KEP TUHAN NICUKTI NYA 23:21

Gino jipreu mun nyeng hi ei mem jide tuhan Allah tug hon neheng lene ma jitum jingon tut mun di jipreu ei dima au. Lewo jide tuhan Allah yok ningon mem mun nyeng di jipreu ei dima kikau ba, gino jiyai bipek kep bi lene gima nok sisar di jibon tut Noni.

FILIPI 3:2

Ma jitindei ser yo di ibon kep mun di suwok nya lewo inoyam kin nsien di niten-pos nya bibidip huk tungwatu nya tut midut sunat.

PETRUS GI NICAN 2:22

Mun di pek kep mem yok dem igbit leu nok srat Amsal nipas kepti “Nsien ngkwei biyem kep ninjim hanyen.” Lene nok gi ipas bu “Na di tungwatu nya ipiap ei minyeiti bipwoi kei nya ingkwei bitoi igtui hanyen.”

NINGAT-HI-NGAT NYA 22:15

Noro yo di irom ndok kin yo di inda dut kin yo di icut tut yam kin yo di ihwen mun kin yo di ikuk yok bak kwar nya kin niris kep mun cig nya yahagom ingat rin ei minu ndig nisai.