NINDAT KEP TUHAN NICUKTI NYA 22:9 - ALLAH NIHYET MEM TUNGWATU NYA

⁹ Ma jita njita bou hiter ei jide miai ba anggur nghousi au. Noro ma jita ba anggur kioi he eisi. Gino jita njita bou srigsi lene ma jipigig sut ba anggur ningat kin njita kioi hiter nya cem ei mem tuhan.

NINDAT KEP TUHAN NICUKTI NYA 22:9 ပူးပေါင်းရင်းမြစ်များ

IMAM NYA IDE MIDYAI 19:19

Suar jibit dihyet hagom. Harin dima jikes mindhe-ndhe di ter leu yam nya bit yam bipri gau yam a. Harin dima jindim ningan ninyeng can ei miai ngoisi gom a. Harin dima jijuk sinsun di iba mong ninyeng can binap ei jeti a.

KORINTUS GI NICAN 11:3

Noro dikrau dingon tut je leu ma hi muhum jinsi leu ba, jingon gom tut Kristus bu bi. Gima noyam kin mun di cut igkep Hawa mpe di wou di ningon mang hum ninsi ba, ris noni.

MATIUS 9:16

Tungwatu nya iba sinsun nghas di nijep-jau binap kep ser sinsun timiei nirikti bi. Leu mbigom sinsun nghas di nijep-jau bindei ba, sinsun timiei rik bibor bu ri.

YAKOBUS 3:10

Nipai sigyoti kin nisigion tungwatu nyati hacem tibim kwei leu yuhui him gom ngat ndia! Disut bat jen, gima kei bi!

ROMA 11:6

Allah dimig yok drek dip ningon di singat tut yok lo, drek dip igyai munti nya bi. Leu gino Noni dimig yok drek dip igyai munti nya lene ningon di singat tut yokti dima ne nijit rin bi.

MATIUS 6:24

“Bit bon tungwagom bon nonti nok awak mem niceu bat nya ibou can kan bi. Lewo miningon mpo tut hi lene miningon gom tut hi. Noni miba nijoi biborti biyai midyai mem hi lene ba ninghen biyai midyai mem hi. Bit bon jinok awak mem Allah kin ndigban di mipror yon cem kan bi.

KORINTUS GI NICAN 1:12

Ningon llei bibor lewo ningon mien ngkiem tut bipia niyai munti nya ei dihyeisi dini cem ei jiyai him hagom tug hon ningon di gom kin ningon di pimbai kei di Allah yai binye. Niyai munti nya hagom tug hon Nide nisingat tut nyeti di sindem tut nye lene tug hon ningon di ki di ntun dihyeisi dini him bi.

NINDAT KEP TUHAN NICUKTI NYA 22:8

Gino jingot ig lene ma jijang jang ser ig ninjek dip ninghas him nya leu binhyepo gino bihi icut leu ig ninjek dip dima ba, imai lene nibuhunti micut igkep je bi.