NINDAT KEP TUHAN NICUKTI NYA 22:21 - ALLAH NIHYET MEM TUNGWATU NYA

²¹ lene suar ibuwak sop dima ug ei nide ndigpoi ide dimbou hui a. Suar ndigpoi nya leu minu dima iba tig bihwen noni ei mpia dima kikau bimai hak. Sop dima bibon mun di biyai nimmai bak ide mben tug hon niyem njita tut pinaisi mem nijam di noni bong bit nide ndigpoi nipou tirigi wak nijjep bigyo. Tug hon nisinati dima mijicok tut sisar di kinei dima leu jikieti.

NINDAT KEP TUHAN NICUKTI NYA 22:21 ပူးပေါင်းရင်းမြစ်များ

NITRITI 34:7

hammi tirigi Yakub nipmot bat nya itau hanyen kwei leu susti. Tirigi imiap tut mun di cut igkep Dina tu lene ingon buhun bibor apino ingon sibui sut Sikhem nindig bibor drek dip mun di noni bon tunggwei sut mben Israel tirigi noni cut tut Yakub nipmisop.

NITRITI 38:24

Bed ningai gi nidipti bu lene hi kwei pui kep Tamar ninghapti bak Yehuda bipia nignyot bingon nok sop sundal binghop tu. Gima rino Yehuda cuk nide bat nya bipai “Ma jikat noni ba, jindig noni tut niyaisi jo kep hum ug.”

IMAM NYA IDE MIDYAI 19:29

Harin dima jibimangkrei jipmisop bat nya tug hon gima jikes yok ba, inok sop sundal nya ei mpia di ngkiai nya ikuk yok bak ide nung nya eisi a. Leu gi nok lene mijikiek je ndam kwar di jikuk je bak nya apino sisar mikieng kep jide minu dima.

IMAM NYA IDE MIDYAI 20:2

bipai sut nicukti dini bak mben Israel, “Bikwop no di leu jikieti kin ngkiai nya di ibong timiei ei jikieti cem di bui nimunggwom di ndig kep hum bikuk no bak kwar Molokh lene suar limwa nya yahagom iba tig bihwen bimai hak ug.

IMAM NYA IDE MIDYAI 21:9

Gino imam hi nipmisop sindi nok sop sundal lene biyai nimmai bak nicigya. Suar jindig noni kep hum bimai ug.

IMAM NYA IDE MIDYAI 24:16

tug ndei hukum nimai. Bikwop tungwa tou rino sigion tuhan lene suar limwa Israel yahagom iba tig bihwen bimai hak. Hukum dima micut igkep mben Israel kin ngkiai nya di ibong timiei ei Israel yahagom drek dip ide nisigion tuhanti.

IMAM NYA IDE MIDYAI 24:23

Lene tirigi Musa tri tut nihyet dima bak mben Israel leu su lene yoni ibuwak no di sigion Allah pima ug ei prak meng yati nisai leu api iba tig bihwen noni bimai. Tug hon nisinati dima lene mben Israel ibit tuhan nicuk Musati tu.

KORINTUS GI NIGOM 5:13

Bit leu nok gi ipas ei Allah nihyetti “Ma jicom no di sibut leu jikieti hak ug.”

NINDAT KEP TUHAN NICUKTI NYA 13:10

Jiba tig bihwen noni bimai ug. Lewo noni ris na leu tuhan di nok ade Allah di teu na ba, angwes ngun leu gi awer awak ei minu Mesir.

NINDAT KEP TUHAN NICUKTI NYA 13:5

Noro suar jihwen no di mbot kep tut mumpriem kin nabi di ibindei ba, jaham jimbuk kep tuhan di teu je bijingwes ngun leu gi jiwer awak ei minu Mesir dima. Yo dima ingon rom nindig bibor ba, iris je leu puig di tuhan ndo bije tu. Suar jihwen yo dima leu binhyepo sisar nindig bibor dima srig jikieti bu bi.

NINDAT KEP TUHAN NICUKTI NYA 13:6

Mbro nok gino akindig bat-akinjoi bat nya kin apmot bat apmisop bat nya kin atnem di angon ngakei noni kin angon kieti yahagom iba niku ris na nyahan leu binhyepo akuk na bak nung nya di nani kin adigup bat-adigai bat nya jikan tut bigyo,

NINDAT KEP TUHAN NICUKTI NYA 17:5

lene suar jikri no di tunggwei sut mun dima ug ei nide minu ndig dima nisai leu api jiba tig bihwen kikau bimai hak ug.

NINDAT KEP TUHAN NICUKTI NYA 17:7

Suar yo di ingat nitunggweisi dima bou igyai him rima iba tig bihwen no dima nimbie him ngat a. Leu api limwa nya yahagom iba tig bihwen bram bu. Tug hon jiyai munti dima lene jibidip tut mun di kinei dima leu jikieti.

NINDAT KEP TUHAN NICUKTI NYA 19:19

ma noni tug ndei hukum dima biluei no po noni pai kep mikuisi pima. Tug hon nisinati dima lene mijiciu ser sisar dima leu jikieti.

NINDAT KEP TUHAN NICUKTI NYA 21:21

Leu api suar timiei minu ndig dima iba tig bihwen munggwom dima kikau bimai ug. Tug hon nisinati dima mijicok tut mun di kinei dima leu jikieti. Apino limwa mben Israel mimiap tut mun di cut igkep no dima ba, yahagom ittin tut.”

NINDAT KEP TUHAN NICUKTI NYA 22:22

Gino jittau kep pinai gom di yem njita tut hiter nitnem lene suar jikes hukum nimai ei yahacem dip. Tug hon nisinati dima mijicok tut sisar di kinei dima leu jikieti.

NINDAT KEP TUHAN NICUKTI NYA 22:24

lene suar jikri yok ug ei minu ndig dima nisai lene jiba tig bihwen yahacem bimai. Suar sop gwam nitta pilei dima tug ndei nimai lewo mbro nok gino bong ei minu ndig dideu tungwatu nya di itingou dile tut nihyet lo, hara tut bi. Lene suar pinai dima tug ndei nimai lewo yem njita tut sop di hiter yok wa kep tu. Mijicok tut sisar di kinei dima tug hon gi jiyai nimai bak yo cin dima.

NIJAM NIKEI NYA 19:23

Noro andig-ndau ndima hei ug ei nisai bitte tut yok “Disut bat jen, dahara ser je pia ma jiyai nok gima au! Ma jibon mun di kinei bibor di dem mem tungwatu ibon biyamti bi dima au. Lewo dicigit no dima kui ditde ig bibong bit da.

NIJAM NIKEI NYA 20:10

Lene ma pinai mben Israel tungwagom leu ibou simnai lene nok mitin ei njita mem yo di ikon pran a. Ma nindigsi nya yahagom yuug kon pran bit mben Gibea ba, ibikes hukum ei yok dip drek dip mun di kinei bibor di ibon ei mben Israel ikieti tu.”

NIJAM NIKEI NYA 20:5

Leu api pinai timiei Gibea nya iba mmun bikwei nggok ser da. Ikwei binjei ttai ig di dibong niti ba, ipi bigyai nimai bida. Noro bi leu api ikat ditnem mien bicut tut noni sindam kikau mmun jei dima bimai hak.

NIJAM NIKEI NYA 20:6

Apino diyai ningut di didigo kukiau lene dipinak ninggriet gom-gom bidem ide keret mben Israel simnaibrimigcan bikwop keret gom-gom. Diyai nok gima lewo mben Gibea dima ibon mun nyeng di kinei bibor ei nyeni ikieti ba, ibinim kep nye di mben Israel.