NINDAT KEP TUHAN NICUKTI NYA 22:1 - ALLAH NIHYET MEM TUNGWATU NYA

¹ Gino je di mben gom nide sapi kin domba cem srawir leu api hi ngat mindhe dima lene ma jibon jenti nok no di kan tut bi au. Noro ma jijem mindhe dima hanyen bak niceu.

NINDAT KEP TUHAN NICUKTI NYA 22:1 ပူးပေါင်းရင်းမြစ်များ

YEHEZKIEL 34:16

Midinggok ser gi hi di imbut ariwace. Dingot kep gi hi di ibok bidiyai obat bak gi hi di inggwen cem. Noro midibui gi hi di immau ndok kin imbut sindem hagom ba, imai bingwig lewo Dani ne gembala di nijoi bibor ri.

YESAYA 58:7

Ma jikwas njita hi tut yo di inggum nya bijicigit yo di ibong lis kui jide igya. Ma jiyai sinsun bak yo di inyeng tut sinsun hi bi nya bijingkek ndok tut jide bat nya au.

NIPINGOK NINGONTI 24:11

Ma ahig angon eisi tut gino ateu no di ningon ngun leu hukum nimai au. Ma ateu noni nipou tirigi indin nikimam bigyo.

PETRUS GI NIGOM 2:25

Nipou ne jinok domba di israwir nya. Noro tini bu ne Allah buwak je hanyen kwei leu binhyepo jibit No Di Gembala di nyohou jingonti.

MATIUS 15:24

Yesus buhup “Dicig cuk Da kwei mem gima dimpu mben Israel he lewo inok domba di srawir nya.”

MATIUS 10:6

Noro ma juug nggok mben Israel he lewo inok domba di israwir nya.

YEHEZKIEL 34:4

Jittei gi hi di inghuisi jet ei jinggibi dip bi. Jiyai obat bak gi hi di inggwen bi. Jingot kep gi hi di imig bok bi. Jinyohou jem gi hi di imbut ariwace bi. Jinggok ser gi hi di israwir cem bi. Noro jimbuk tut domba dima yok.

YESAYA 8:17

tuhan ku No binding leu Nide limwa di intun Yakub him nya igyai him noro diba dingon com Noni bidiyok dingon mem Noni.

NIPINGOK NINGONTI 28:27

No di ngondut nuhui mbum nya nuhui mbum bi sren. Noro tungwatu nya mirom ighyet kui na gino angkek ndok tut nuhui mbum nya.

IMAM NYA IDE MIDYAI 20:4

Gino limwa nya iba igyai ngat no dima niyai munti ba, ikes hukum nimai ei noni dip bi,

KORINTUS GI NIGOM 9:9

Srat di Musa pas pai “Ma jingot kep ser sapi di co kep gandum ba, cig nisina bai leu ningan dima nuhui au.” Nipaisi dini ndo bipia Allah nyohou sapi nya e?

IMAM NYA IDE MIDYAI 6:3

kin sisar dino tungwagom om ser drek dip ndigban di pror lene ba neheng bipai noni ngat ndigban dima bou niyai him bi lo, ngat tu cem.

NINDAT KEP TUHAN NICUKTI NYA 22:2

Gino niceu nide ig ting ba, jikan tut mindhe dima niceu bi lene ma jijem mindhe dima ug ei jide biyati. Ba, gino niceu kwei nggok lene ma jikes bak.

NIPINGOK NINGONTI 27:10

Ma angon hou ser asut bat nya kin acig nisut bat nya au. Gino mun di buhun cut igkep na lene ma ahara ade bat hi kwei mpu na au. Yo di anttig-tta di ibong dideu na idem mem gima impu na nindig bibor dor njiriek ade bat di ibong minu ting bibor leu na.

ZAKHARIA 7:9

“Ditri tut nicukti dini yok bak Ditde limwa nya mimbrek ngan tu. ‘Suar jahati tut nikei nikos tutti di sren kei nya ba, jingon nggriu sut yam. Suar jingon kwes kin yam cem.