NINDAT KEP TUHAN NICUKTI NYA 21:16 - ALLAH NIHYET MEM TUNGWATU NYA

¹⁶ Gino son dideu nituti mem no dima kos tut notou noni mikwas mun di nyeng tut nya tut nipmot bat nya lene ma ningon tti kin nitnem di ningon him ngi-ngat nipmot pima ba, kwas mun di nyeng tut nya tut au. Noro suar nipmot mighumbou pima ba nokep ndigban di nicig nyeng tut nya.

NINDAT KEP TUHAN NICUKTI NYA 21:16 ပူးပေါင်းရင်းမြစ်များ

NIBOHON MBEN ISRAEL GI NIGOM 26:10

Merari ninsi de nya indo Hosa mem midyai dima. Hosa yai nipmot bat nya ibou bitai di inyeng rino Simri (Noni ne munggwom mighumbou rin bi noro nicig kon binok nibou mem yoni), kin Hilkia kin Tebalya kin Zakharia. Yahagom sok yam imangti ibou simnaibrimigningai di igya ser tuhan De Ig dima inggre kin Hosa nide ig bei nsi nya.

NIBOHON MBEN ISRAEL GI NIGOM 5:2

Noro keret Yehuda rino sindem bibor dor njiriek keret nindigsi nya hagom. Nok gima cem no di ntun keret Yehuda him rinok nibou ndig gi nimbie him ngat mem mben Israel yahagom.

FILIPI 4:8

Disut bat jen, son dideu srat dini ninggrupti tu. Ma jipwoi mun di bon ninyeng kin mun di dem mem gima tungwatu nya inggei sut nya ei jingonti. Mun dima rino niba ningon bisrip bram nijit-jausi kin mun di bindei ba, tungwatu nya inggei sut kin mun di sren-srau kin mun di kwes-kwau kin mun di bit bon hi tte tut kan bi kin mun di tungwatu nya igyai ngakei kin mun di singat kei hagom.

ROMA 8:29

Habiei ei nimbie him ne Allah kan tut yo di Noni hig su nya bidimig yok leu binhyepo inoyam kin Nipmot Yesus Kristus. Tug hon nisinati dima Noni bindei Nipmot nok mighumbou mem Nide bat nya imang bibor.

NIBOHON MBEN ISRAEL GI NICAN 21:3

Yo dini iba yokep mas kin perak kin ndigban di nibok kak nindigsi nya mang bibor leu icigya. Lene icig kwas minu ndig di bon tentara nibousi di igya coi ei minu Yehuda ba, bikwop nipmot bat nya yahagom. Noro Yosafat ndo Yehoram di nipmot mighumbou nok no di kui binok nibou ndig biya luei nohoti bu.

NITRITI 25:31

Lene Yakub pai “Yo, gi nok ne ma atri mun di anyeng tut tug hon gi anok munggwom mighumbou bida bibie ug e leu api midiket kiju dima hi tut na.”

NINDAT KEP TUHAN NICUKTI NYA 21:15

“Gini ne nicukti mem tungwagom di wak nitnem ibou can ri. Ba, yahacem isrek tut munggwom pinai noro nitnem gi hi di ningon him ngi-ngat bi srek tut nipmot mighumbou.

NINDAT KEP TUHAN NICUKTI NYA 21:17

Mbro nok gino noni ne nicig nitnem ningon him ngi-ngat pima nipmot rin bi lo, suar nicig njei ndigban di nyeng tut nya mbican bram yam bak nipmot mighumbou dima. Suar nicig ndo nipmot mighumbou brei bak tungwatu nya lewo munggwom mighumbou dima dem mem gima ba nokep ndigban di nicig nyeng tut bit leu nok jide nikos tutti pai ei su.”