NINDAT KEP TUHAN NICUKTI NYA 20:8 - ALLAH NIHYET MEM TUNGWATU NYA

⁸ Lene ma nibou tentara nya cem itri tut bijeni ‘Gino tungwa di ningon tai-tai bou ba, ttin cem ningat rin ei jikieti lene ma no dima ngkwei hanyen hak ug. Leu binhyepo noni ngkwei pip tentara nindigsi di ibrim ingkek mem pran nya au.’

NINDAT KEP TUHAN NICUKTI NYA 20:8 ပူးပေါင်းရင်းမြစ်များ

NEHEI LEUSI 15:15

Mben Moab di inyeng jei nya yahagom ittin nindig bibor ba, timiei minu Kanaan nya yahagom ingon cut leu su.

NIPINGOK NINGONTI 24:10

Gino mun di buhun bibor cut igkep na biyai angon bicut leu lene jo nibreisi bipia adem mem mun nyeng hi bi.

MBEN ISRAEL IMBUT-MBUT NYEN 13:31

Noro nibou nindigsi di ibit Kaleb pima isrep bipai “Dem tut bi! Nyeni isindem mem gima ihwen yok bi. Lewo timiei minu dima isindem bibor dor njiriek nye.”

MBEN ISRAEL IMBUT-MBUT NYEN 32:9

Yoni yuug yok itta kep minu dima lo, ingkwei hon Mbang Briep Eskol. Mpe di ikwei krau hanyen lene ibindei mben Israel ingon kiek ser nhyema icoi ug ei minu di tuhan yai bak yoni bi.

LUKAS 9:62

Yesus buhup “No di kinyon ei midyaiti tu lo, kiek no kep ninghim dip biningon ngkwei nyahan leu lene no dima dem mem gima nggre kin Allah ninyeng tak kepti bi.”

KORINTUS GI NIGOM 15:33

Ma jikrau tunggwei puig au. Gino jiba je bipis yo di ibon mun hacican ikieti ne jei bi yahak igyai kepti dima ei jeti hanyen.

NINDAT KEP TUHAN NICUKTI NYA 1:28

Gima rino ma nyeni yuug ei sirima mem mindei i? Yo di igyok itta kep minu dima ibindei ba, nyeni nittin tut drek dip gi ipai binye bipia mben dima intig bou jei ba, inghuisi sindem bibor dor njiriek nye. Nok gima cem ibong ei minu ndig ngat di bon ngug tig kui sur mpia-bbed him a. Lene ingat yo di intig bou njan ndig ngat ei sirima bou igyai him!’

NINDAT KEP TUHAN NICUKTI NYA 20:9

Tirigi nibou tentara imbrap bit ide tentara nya leu su lene suar indo nibou nya bikwop nimpung tentara nya gom-gom di ibicom yam nok gom.

NINDAT KEP TUHAN NICUKTI NYA 23:9

“Gino jibong ser jide prak meng yati mem nijam di jikon pran lene suar joom je leu mun nyeng hi di bindei ba, map kui jeti.

NINGAT-HI-NGAT NYA 21:8

Noro yo di ingwes ttin kin yo di itri Da kin yo di irom ndok kin yo di ihwen mun kin yo di icut tut yam kin yo di inda dut kin yo di ikuk yok bak kwar nya kin niris kep mun cig nya yahagom mitug ndei hukum ei muk hum belerang di cig-cai ba, gini ne nimai gi nican ri.”

NINGAT-HI-NGAT NYA 3:16

Noro jingon mbroi he lewo jingkwei hanyen leu Da ba, jibrim jingkek mem Da bi. Gima rino midipio je leu dinsi hak ug!

NIJAM NIKEI NYA 7:3

Gima rino ma atri tut biyok ‘Tungwa tou rino ttin mben Midian lene ma no dima ngkwei hanyen leu Nungug Gilead dini buug ei nide hanjop nsi.’ ” Lene ibou sribu ningot can can intek gimahap bingkwei hanyen lo, ibou sribu simnai igwam.