NINDAT KEP TUHAN NICUKTI NYA 20:1 - ALLAH NIHYET MEM TUNGWATU NYA

¹ “Tirigino jinjei siceu bijihwen jide siceu nya, lene ma jidigit tut ide kroba pran kin ide kuda di mang-mang kin ide tentara di ikon pran kan nya di imangti dor njiriek jimangti au. Lewo jide tuhan Allah di kwek jeni leu minu Mesir mimpu je.

NINDAT KEP TUHAN NICUKTI NYA 20:1 ပူးပေါင်းရင်းမြစ်များ

NITRITI 26:3

Leu mporo midinyohou nani ba, dinjei mun di kei bak nani cem. Mporo midipek minu dini hagom bina kin ade nintun him yamti di bram yam nya. Mun po dipreu ei mem acig Abraham pima mijo ei mem nani cem bu.

NIBOHON MBEN ISRAEL GI NICAN 14:10

Asa cem njei sut nide tentara nya ndam Zerah. Lene nibou cin dima idimig tentara di ide nya ba, iba yoho rok yam ei Mbang Briep Zefata di jo dideu Maresa.

NIBOHON MBEN ISRAEL GI NICAN 14:11

Leu api Asa ngat nadi bak nide tuhan Allah bipai “tuhan e, Nangkom ngat he rino ampu kep tentara di isindem bi nya ba, ibindei timek tentara di isindem bibor. Nyende tuhan Allah e, ma ampu nye nogindini! Nyeni niba ningon com Nani ba, ninjei kwei tug hon anyeng mem gima nikon pran bit nimpung tentara di nindig bibor dini. tuhan e, Nani ne nyende Allah ri. Jo nibreisi bipia bit bon tungwatu nya ibindei timek Nani kan bi.”

NIBOHON MBEN ISRAEL GI NICAN 20:12

Nani ne nyende Allah ri! Ma akes hukum ei yok dip lewo niyai nisindemti mem gima nikon pran bit tentara imang bibor di ijoi sut icoi minu dini ba, ibindei timek nye bi. Nikan tut puig di nikon pran bit yokti bi. Gima rino nikwei kuk nye biNa leu binhyepo ampu nye.”

NIBOHON MBEN ISRAEL GI NICAN 20:15

leu binhyepo tri tut nihyet bipai “Na Di Anyeng Jei kin disut bat jen e, tuhan pai bipia ma jingon cut leu ba, jidigit tut gima jikon pran bit tentara imang bibor dima au. Lewo jeni rino jikon pran bit yok bi noro Allah Nonti mikon pran bit yok.

MAZMUR 118:6

Dinghuisi mpig sut mun nyeng hi bi. Lewo tuhan Ningat rin bit da. Bit bon tungwatu nya ibibon da kinei kan bi.

MAZMUR 20:7

Nogindini dikan tut bipia tuhan yai nisindemti bak Nide nibou ndig di Nonti dimig ei su leu binhyepo bindei timek nide siceu nya. tuhan gwam ei Nide mpia di kwes-kwau ei gwamti bibuhup nibou ndig nihyet. Nibou ndig ba tuhan de nisindemti bibindei timek nide siceu nya.

MAZMUR 23:4

Mbro nok gino dikes da kak puig di dindi-kai lo, mididigit tut bi lewo Na di tuhan angat rin bit da. Aya srak ko hagau da noyam kin gembala di ba tom kin biap tindak binyohou domba nya.

MAZMUR 46:11

Noni ba nihyet bikak yok bipai “Jikes hon bijikon pran bu au. Ma jingon jo kep bipia Dani ne Allah rin ba, ngkiai nya yahagom inggei sut da. Tungwatu dihyeisi dini hagom ikon dinyeng bijo nai.”

MAZMUR 46:7

Allah nihyet dem kep nok kru di cut bibindei ba, tungwatu dihyeisi dini inghuisi jet bingwig ba, yahagom ingon ttin bibor, Nibou ndig di inyeng tak kep limwa nya titut yam mitti bingwig cem.

MAZMUR 46:8

tuhan Di Sindem Bibor ningat rin bit nye. Yakub de tuhan ne tentara nibousi di igya coi ri.

NEHEI LEUSI 20:2

“Dani ne tuhan bidinok jide Allah rin ba, dibuwak je kwei leu minu Mesir minu po jiyai kep midyai nok awak eisi pima.

YESAYA 31:1

Yo di iba ingon com mben Mesir mem gima impu yok mitimek bingwig! Iba ingon com mben Mesir ide tentara nitu kin ide tentara di ibri kuda pran kin ide kuda pran di isindem kin ide kroba pran di sindem bibor. Noro iba ingon com tuhan di nok mben Israel ide Allah di kwes-kwau ba, yahara Noni mem gima mpu yok bi.

YESAYA 41:10

Ma jittin au lewo dingat rin bit je. Ma jikrau jingon tut mun nyeng hi hi bu au lewo Dani ne jide Allah ri. Midisindem tut je bidimpu je cem ba, diba dinda di sindem bibor bibie tut je.

YESAYA 43:2

Tirigi jisigon minyei di jut bibor ne midingat rin bit je. Mun di buhun di cut igkep je mikot je bijingwig bi. Tirigi jikimbas ug ei hum di cig-caiti ne hum mitigut je bi. Mun di bingon-bingon nyen je lene mibindei ba, jiyai niwei bi.

YESAYA 7:14

Nogindini tuhan Nonti mindo bindo di bitto mem je. Sop gwam nitta pilei gom di nghop tu misrek tut nipmot leu api jem ninyeng Imanuel.

YEREMIA 16:14

tuhan pai “Ei nijam gi nidipti bu lene tungwatu yeheng bitug hon Da di Allah di diyaijo di dibuwak mben Israel kwei leu minu Mesir bu bi.

ZAKHARIA 10:5

Timiei minu Yehuda miyoom kep ide siceu nya dem kep nok nikon mbrap cig nya di ico kep ide siceu nya ba, ide siceu nya idem kep igkrop kak puig sinon. Yoni mibindei timek siceu nya bitut tentara nibri kuda cig nya yahagom lewo Da di tuhan dimpu yok.

MBEN ISRAEL IMBUT-MBUT NYEN 10:9

Tirigi jinjei siceu mem gima jikon pran ba, jibiya ngkiem ser jide siceu di icut igkep je mem gima ipos jide minu dima lene ma jimiep pun mbrei dima hacem. Leu api Da di tuhan di dinok jide Allah midimpu jeni ba, diteu jeni bijingwes ngun leu jide siceu nya inda nsi.

MBEN ISRAEL IMBUT-MBUT NYEN 23:21

Dingat bou diyai him bipia Yakub mitug ndei mun di mbuk ei nidipti bu bi ba, mun di buhun mibuhun tak mben Israel bi. tuhan di nok ide Allah ningat rin bit yok. Yahagom isimbot dat bipia tuhan ne Nibou Ndig mem yo ri!

ROMA 8:31

Gima hagom nok lene notou ibuhup hanyen bu i? Gino Allah tti kin nye ne tou ribindei cut nye i?

NINDAT KEP TUHAN NICUKTI NYA 1:29

Noro dipai bije “Ma jittin tut yo dima au.

NINDAT KEP TUHAN NICUKTI NYA 2:7

Ma jiyok ngon kep bipia jide tuhan Allah njei mun di kei bak jeni tut mun di jiyai nya ninyeng hagom tu. Tirigi jimbut-mbut wai ei iggum ndigsi di nyan bibor dini lene tuhan nyohou jeni kikau. tuhan ngkiem ser je kikau ei nijam ari bingwam ningot bitai dini ba, yai mun di jisuar nya hagom bije tu.

NINDAT KEP TUHAN NICUKTI NYA 20:2

Nipou tirigi jikinyon ei nikon pranti bigyo lene suar imam gom kiju bipingok jingonti bipai bije,

NINDAT KEP TUHAN NICUKTI NYA 20:3

‘Disut bat mben Israel jen, ma jintu kep dihyet dini! Njap di ammani jinjei bijikon pran ug ri. Ma jittin tut jide siceu nya ba, jingon digit cem jingon tai-tai bou cem au.

NINDAT KEP TUHAN NICUKTI NYA 31:6

Suar jita jibou eisi bijibrim jingkek ba, jittin tut yok au. Lewo tuhan di nok jide Allah misindem tut je. Noni mikes je ei bibindei ba, jingon pus tut Noni bi sren.”

NINDAT KEP TUHAN NICUKTI NYA 31:8

tuhan Nonti mibie tut nani ba, ningat rin bit nani cem. Noni mikes nani ei bibindei ba, angon pus tut Noni bi sren. Gima rino ma angon ttin ba, angwes mien au.”

NINDAT KEP TUHAN NICUKTI NYA 7:1

“tuhan di nok jide Allah mibuwak je ug ei minu ttou nsi gom leu binhyepo jidigek kep minu dima nisurti-nipekti. Lene Noni mijji ngkiai nya imang bibor leu minu dima. Noni mijji mben nindig bibor muhwindacan di isindem bibor dor njiriek je cem bou jiyai him. Yo dima rino mben Het kin mben Girgasi kin mben Amori kin mben Kanaan kin mben Feris kin mben Hewi kin mben Yebus.

NINDAT KEP TUHAN NICUKTI NYA 7:18

Noro ma jittin tut yok au. Ma jiyok ngon kep notou tuhan di nok jide Allah kes mun di buhun pima ei nibou ndig mben Mesir kin nide limwa nya dip.

NINDAT KEP TUHAN NICUKTI NYA 7:21

Gima rino ma jittin tut mben dima yok au. tuhan di nok jide Allah ningat rin bit je. Noni ne Allah di sindem bibor di bindei ba, tungwatu nya idigit tut Noni ri.

NINDAT KEP TUHAN NICUKTI NYA 9:3

Noro mijingat bou jiyai him bipia tuhan di nok jide Allah miya bibie joho njap di ammani ba, Noni minok hum di cig-cai. Noni mihwen yok bingwig sindam tirigi jikieng kep ide minu. Apino mijijji yok ba, mijihwen yok bingwig haninyai bit leu nok Noni preu ei mem je tu.

YOSUA 1:5

Yosua e, bit bon ade siceu hi hwen na bibindei ba, acut bak yoni kikau ug bipek ade njap ningwig honti kan bi. Lewo midingat rin bit na bit leu nok gi po dingat rin bit Musa pima ba, midikes na bihigom ei bi sren.

YOSUA 1:9

Ma ayok ngon kep Ditde nicuk nati pima leu binhyepo angon nddong ba, abrim angkek! Ma attin tut ba, angon pus tut au. Lewo Da di tuhan dinok ade Allah ba, midingat rin bit na bidem ambutti nya hagom.”

YOSUA 11:9

Yosua bibon yok bit leu tuhan nicuk noti nipou su. Ba, ikos kuda di ide nya imig nggiluk leu lene indig kroba pran di ide nya cem.

NIJAM NIKEI NYA 6:12

Lene tuhan de malaikati dima tau kep Gideon ei sirima bipai bak “Acem! Nani ne pinai pilei di mimbri kui angkek bibor tug hon tuhan di ningat rin bit na.”

NIJAM NIKEI NYA 6:16

Lene tuhan pai binoni “Nani adem mem midyai dima lewo midimpu na. Jei bi lene mporo aco kep mben Midian ba, atam yok bingwig dem kep nok ahwen tungwagom ngat he.”

SAMUEL GI NIGOM 17:32

Lene Daud pai bak Saul “Andigpoi e, ma ade limwa nya ittin tut mben Filistin dima au! Ditin ei mem gima dihwen noni.”