NINDAT KEP TUHAN NICUKTI NYA 2:4 - ALLAH NIHYET MEM TUNGWATU NYA

⁴ Leu api tuhan sok nihyet ei da dip bak jeni bidiyai nipingokti nya dini bije bidipai ‘Jei bi lene mijicoi ug ei minu Edom ri. Gima ne jide adig-ajoi di intun Esau him nya ide minu ri. Yoni mittin tut jeni,

NINDAT KEP TUHAN NICUKTI NYA 2:4 ပူးပေါင်းရင်းမြစ်များ

NITRITI 25:23

Lene tuhan buhup “Atta buhun tut pung di intun him ningat can rin ba, mporo agwam tut munggwom nggre di inok pung di keret can di iba nitok biyam intun him. Keret gom misindem dor njiriek keret gom ba, munggwom mighumbou nok awak mem nikinjoi.”

NITRITI 36:8

Gima rino Esau di ninyeng hi Edom ug biwin minu jep dideu cet him ei Seir.

NEHEI LEUSI 15:15

Mben Moab di inyeng jei nya yahagom ittin nindig bibor ba, timiei minu Kanaan nya yahagom ingon cut leu su.

NEHEI LEUSI 15:16

Yahagom ittin ba, ingon nde bibor lewo ingat Na di tuhan Ade nisindemti bou igyai him tu. Yahagom inghuisi jet ba, ittin bibor bibou Ade limwa nya di akwek yok leu awak pima imbut sin yokti binjiriek yok ug e.

MATIUS 5:16

Jeni cem ma jinok ninjeng di piga digai dihyeisi dini hagom leu binhyepo tungwatu nya ingat jiyai munti di kei bibor nya apino inggei sut Jicig ei gwamti.”

LUKAS 12:15

Leu api Noni binut nihyet bu bipai bak yo di yahagom di ingat rin ei mpia dima “Ma jisok kep jenti ba, jinyohou jingonti ser nhyema jibon sisar ningon pri kep ndigbanti au. Leu mbro nok gino jinyeng tut ndigban nindig bibor lo, jiyaijoti tug hon jide ndigban bi.”

EFESUS 5:15

Gima rino ma jingon sok kep jenti tut jiyai kepti nya leu binhyepo jiyai bram yo di ingon tindur nya igyai kepti nya au. Noro ma jiyai bram yo di ingon ki nya igyai kepti nya.

NINDAT KEP TUHAN NICUKTI NYA 2:3

nyeni imbut-mbut wai ei minu dima bijo ninno ba, wer dem tu. Gima rino suar yuug nite bei mpia nijjai.

NINDAT KEP TUHAN NICUKTI NYA 23:7

Ma jingwes om kep mben Edom au lewo yo dima ne jimbier kimti ri. Ma jingwes om kep mben Mesir cem au lewo nipou yo lene jibong ei ide minu tu.

FILIPI 2:15

Tug hon nisinati dima lene jibindo brei bipia jinok Allah nimunggwom bat di ibon sisar bi di ingon sren ba, ingon gom cem mem nijam di ingat rin ei yo di isuwok kin yo di ibon sisar nya ikieti. Ma jinok ninjeng di piga ei yo dima ikieti noyam kin ham di piga digai mpia-bbed him,

KOLOSE 4:5

Tirigi jipriet kin yo di ingon jo kep bi nya lene ma jiba jingon di ki biyai jibou tut yok bikwop nikwesti hagom.