NINDAT KEP TUHAN NICUKTI NYA 2:23 - ALLAH NIHYET MEM TUNGWATU NYA

²³ Lene timiei Mios Kreta cem ikwei brim minu di jo sir Muk Hacan nintig dip hagom. Yoni ibindei sar mben Awi di ibong timiei ei minu dima yahagom. Leu api igyai minu ndig dima ba, igyati kikau bipek kin minu ndig Gaza nite bei mpia nibiho.)

NINDAT KEP TUHAN NICUKTI NYA 2:23 ပူးပေါင်းရင်းမြစ်များ

NITRITI 10:14

kin Patrusim kin Kasluhim kin Kaftorim nya ba, mben Kasluhim inok pung di mben Filistin intun him.

NITRITI 10:19

Apino ide hanjop nsi jo ei Sidon nite bei mpia nibiho kikau ug bipek kin Gerar kin Gaza kikau ug bipek kin Sodom kin Gomora kin Adma kin Zeboim ba, nohon keti jo dideu Lasa.

NIBOU NDIG NYA GI NICAN 18:8

Noni bindei timek mben Filistin nya leu lene coi ug ei ide minu mien nya kikau ug bipek kin minu ndig nya bitut Gaza kin hanjop di jo ttai nya cem lene cat ide ndigban di joti nya hagom bingwig.

YEREMIA 25:20

kin mben Mesir yahagom kin ngkiai nya yahagom di ibong timiei ei minu Mesir kin nibou ndig minu Us yahagom kin nibou ndig minu Filistin yahagom di ibong bidem minu ndig Askelon kin Gaza kin Ekron kin yo di igyaijo di ibong ei ig kum kroisi ei minu ndig Asdod,

YEREMIA 47:4

Lewo tto bou dem mem gima siceu nya ibindei sar mben Filistin titut yam tu. Leu ba, hi dima dem mem gima mpu minu ndig Tirus kin Sidon bi. Da di tuhan midibindei sar mben Filistin di niken-ken di itimieisi leu Mios Kreta.

AMOS 9:7

tuhan pai “Je di mben Israel e, dehek tut mben Sudan noyam kin gi dehek tut jeni. Dibuwak mben Filistin kwei leu Mios Kreta lene midibuwak mben Siria kwei leu minu Kir noyam kin gi dibuwak je kwei leu minu Mesir.

ZEFANYA 2:4

Timiei minu ndig Gaza hi di ningwes ngun bi. Hi mibong kep minu ndig Askelon bi lewo minu ndig dima dem kep ha he bong. Siceu mijji timiei minu ndig Asdod nya mem mpia ngket nggimau tug hon nihwen yok krosti leu api icuk timiei minu ndig Ekron nya ikiju bimbut hak leu minu ndig di ide bijo hak ei.

ZAKHARIA 9:5

Minu ndig Askelon kin Gaza nya ingat gima leu api ittin tut. Minu ndig Ekron cem ngat nicutti dima leu api ningon pus tut. Nibou ndig Gaza mipror lene tungwatu nya mibong ser minu ndig Askelon bu bi leu api mpia mbum-bra bram.

KISAH 17:26

Noni ripo pai tes tungwagom nok ide pung di intun him lene bindei ba, tungwatu nya ibong bidem dihyeisi dini nisurti-nipekti. Nipou tirigi Noni pai tes yok bigyo ne Noni nyohou kos tut ide nijam di igyaijo kin mpia ttou nsi di ibong eisi cem.

YOSUA 10:41

Yosua bindei timek minu ndig Kades-Barnea nite bei mpia nibiho kikau bipek kin minu ndig Gaza ei les him bitut minu ndig nindigsi di jo ikieti hagom. Ba, gima ne bitut minu Gosyen titut yam kikau bipek kin Gibeon nite bei mpia nijjai.

YOSUA 11:22

Mben Enak ibou poi he rino inang di ingwes ngun ug ei minu ndig Gaza kin Gad kin Asdod. Noro igisindui sut yo di intun Enak him ba, tungwagom ngat niyai mohousi jo ei minu di mben Israel ibindei timek leu bigyai bigyati nya bi sren.

YOSUA 15:47

Bitut minu ndig Asdod kin minu ndig di jo ttai nya kin minu ndig Gaza kin minu ndig nya ei bidem hanjop dima kikau bipek kin minyei mien di bikkin minu Mesir cem. Bitut minu ndig nya ei les him simiak Muk Hacan nintig dip cem.

NIJAM NIKEI NYA 1:18

tuhan mpu tentara keret Yehuda apino injei bihwen minu ndig ei nungug him lene ibiyai ba, igyati. Noro dem mem gima ihwen minu ndig Gaza kin Askelon kin Ekron bitut minu ndig di gahai nya kan bi. Lewo timiei di ibong ei muk nipimat dima inyeng tut kroba pran di iba ngkimom nitu bibon nya. Gima rino dem tut gima tentara keret Yehuda ijji yok leu ide minu ndig nya kan bi.