NINDAT KEP TUHAN NICUKTI NYA 19:13 - ALLAH NIHYET MEM TUNGWATU NYA

¹³ Ma jingondut noni au. Tug hon nisinati dima mijikwek mben Israel bingwes ngun leu sisar nihwen nimbiam dima. Leu binhyepo jibong kei jigwam kei.”

NINDAT KEP TUHAN NICUKTI NYA 19:13 ပူးပေါင်းရင်းမြစ်များ

NITRITI 9:6

Lewo dipai tes tungwatu nya itta noyam kin Danti ditta. Gima rino tungwa tou rino hwen mun lene no dima mitug ndei nimai leu tungwatu nya drek dip.

SAMUEL GI NICAN 14:7

Ba, nogindini dide bat nya yahagom ingon kinei sut da ba, ibidip huk da leu binhyepo dikes dipmot di bindei di nimbiam bong dima ei indati leu binhyepo ikes hukum nimai ei noni dip hak ug lewo noni bindei mai nikindig. Gino dikes dipmot dima ei indati ba, tug ndei nimai leu lene midiyaijo bidangkom ngat. Yoni mibindei sar dipmot gom ngat di diba dingon com dima leu da apino dipmot di ntun dijjep him di mibindei ba, nyende ninsi de dima hi ninyeng jo kikau hi bu bi ug ri.”

SAMUEL GI NICAN 21:1

Ei nijam di Daud ninyeng tak kep mben Israel lene ninggum di buhun bibor hwen mben Israel mem nijam ari bingwam nitindur ningai. Leu api Daud hig ser tuhan bindo ningon kanti bak tut ninggum dima. Lene tuhan buhup “Diba ninggum di buhun bibor dima bihwen Israel drek dip Saul kin nide ig bei nsi nya itunggweisi tirigi igyai nimai bak mben Gibeon pima ri.”

SAMUEL GI NICAN 21:14

Leu api itig Saul Yonatan nya injum bitut ibou muhwindacan pima injum ei Saul nicig Kish nijui di jo ei Zela di keret Benyamin ide dihyei hanjop nsi. Tirigi igyai gima yok hagom bit leu nibou ndig nicuk yokti tu lene Allah buhup ide nadi di ingat mem ide minu dima.

NIBOU NDIG NYA GI NIGOM 2:31

Miap tu lene nibou ndig cuk Benaya “Aug hanyen ba, ayai nimai bak Yoab bit leu nok nipaisi dima leu api atig. Leu binhyepo dani kin dicig de nintun him yamti di bram yam nya nibiang nibuhunti drek dip Yoab nibon mun tunggweisi di yai nimai bak yo cin di ingon ngun pima bi.

YEHEZKIEL 16:5

Hi di ngondut na leu dima bon mun dima yok mem na ugwai cem bi. Mpe di asrek lene hi gingondut na bi. Noro icom na hak ei miaisi.

IMAM NYA IDE MIDYAI 24:17

Tungwa tou rino kimukep hiter lene suar jikes hukum nimai ei noni dip hak ug.

IMAM NYA IDE MIDYAI 24:21

Tungwa tou rino bisinggre bibui mindhe lene suar tug mindhe hanyen bak niceu. Noro tungwa tou rino kimukep hiter lene suar jikes hukum nimai ei noni dip hak ug.

MBEN ISRAEL IMBUT-MBUT NYEN 35:31

Suar jikes hukum nimai ei no di hwen nimbiam dip hak ug. Harin dima noni ba mitiei bigo gau nonti leu hukum nimai a.

NINDAT KEP TUHAN NICUKTI NYA 13:8

ma angig atingou mem nihyet ba, asindui sut noni bibrim ningkek kep nani au. Ma angon nggriu sut noni ba, angondut noni cem anyohou noni cem au.

NINDAT KEP TUHAN NICUKTI NYA 19:12

Tut gima lene suar nibou nya ei no dima nitimieisi ijem no dima kwei ba, ikes bak nimbiam nide bat di dem mem gima ibuhup tut nibon mun bak nimbiam pimati leu binhyepo igyai nimai bak hak ug.

NINDAT KEP TUHAN NICUKTI NYA 19:21

Tirigi sisar di nok gima srou tungwagom lene ma jingondut noni au. Ma jiba jiyaisi biluei igyaisi lene jiba jiyai njep biluei igyai njep lene jiba jikwai biluei ikwai lene jiba jinda biluei inda lene jiba jimig biluei imigya.”

NINDAT KEP TUHAN NICUKTI NYA 21:9

Leu api tuhan mibibon jeni tereu nok yo di itug ndei nibuhunti drek dip nimbiam dima bi lewo jiyai mun bit leu tuhan nicuk jeti.”

NINDAT KEP TUHAN NICUKTI NYA 25:12

Lene suar jitot sop dima ninda leu hak ug. Ma jingondut noni au.

NINDAT KEP TUHAN NICUKTI NYA 7:16

Bikwop mben di tuhan di nok jide Allah kes ei jindati lene suar ma jihwen yahagom bingwig hak ug. Lene ma jingondut yok au. Ma jikuk je bak ide nung di yoni ikuk yok bak nya au. Leu gi nok lene mijitug ndei hukum nimai drek dip.

NINDAT KEP TUHAN NICUKTI NYA 7:2

Tirigi tuhan di nok jide Allah kes mben dini yok hagom ei jindati lene ma jihwen yahagom ba, imai bingwig hak ug. Ma jingondut yok ba, jipreu mun hi ei biyok au.