NINDAT KEP TUHAN NICUKTI NYA 18:20 - ALLAH NIHYET MEM TUNGWATU NYA

²⁰ Noro gino nabi gom brim ningkek kep mben Israel bitri tut nonti ningon kanti biyok tirigi disok dihyet tut ditde nicuk yokti nya ei noni dip bi lene ma noni tug ndei hukum nimai drek dip nide sisar dima. Nok gima cem tut nabi gom di tri tut nung di ikuk yok bak nya ighyet bak Ditde limwa nya suar mai hak.’

NINDAT KEP TUHAN NICUKTI NYA 18:20 ပူးပေါင်းရင်းမြစ်များ

YEREMIA 27:15

Nabi dima yok ipai bipia ide nicuon nati dima tug hon tuhan ninyeng noro ibicum. tuhan Nonti pai bipia Noni pinak yok kwei bi. Gima rino Noni mibindei ntek gimahap na di anyeng jei kin nabi di iris mun bina cem ba, bindei sar jahagom.”

MATIUS 7:15

“Ma jisok kep jenti ser nabi nitrowai nya di isrig jikieti lo, iluei itta binok domba nya. Noro bei ninsi ne inok nsien mbrei di niten-pos.

ZAKHARIA 13:3

Ba, gino tungwagom mpig nibou tut nimbot kepti nipek kepti ningat rinaha yo ne ma nicig-nipmem nya mipai binoni bipia suar noni tug ndei hukum bimai hak lewo mun di mbot kep dima ne suglai nitu he ri. Gino nihyet jo kep bipia noni ne nabi rin ne suar nicig-nipmem nya iriu noni bimai.

YEHEZKIEL 13:6

Ningat-hi-ngat di ingat nya ne nitrowai nitu. Mun di itri tut di mipek kep ei nidipti bu cem isuglai he. Ikon ighyet tut bipia mun di ipai sut nya ne ipai sut dihyet di disok ei yok dip lo, digicuk yok bi sren. Mbro nok gima lo, ingon ya mem gima ighyet di itri tut dima mipek kep mem yok!

YEREMIA 23:31

Ditte tut nabi nya di itri tut yonti ighyet bipai bipia nihyet dima ne Dani dihyet ri.

YEREMIA 2:8

Ide imam nya hi di hig ser Da ‘tuhan ug ei siritou i?’ nok bi. Mbro nok gino ikrau Ditde niggai serti lo, ikan tut Da bi. Ide nibou nya yaham imbuk kep Da lene ide nabi nya itri tut nihyet tug hon Baal ninyeng ba, yahagom ikuk yok bak kwar di ibon inyeng bi nya.”

NIBOU NDIG NYA GI NIGOM 18:27

Mpia huk pijum rino Elia sindi ba yok bikek bipai “Jikon jihyet nindig bibor bu! Noni ne kwar di jikuk je bak rin bi e? Mpaba noni mmou-mmou nyen e, he ug gumuhukti e? Mpaba noni mbut ug ei minu ting tu e, he bong mai su apino suar jiwin noni e?”

PETRUS GI NICAN 2:12

Mbenjen! Guru dima yok inok mindhe-ndhe di niten-pos nya di tungwatu nya yuhuk bibui nok mikwau. Ikan-kan nyen kan bi ba, irom ighyet kui mun nyeng hagom di ingon dorti tut bi. Yoni mitug ndei nimai noyam kin mindhe-ndhe di tungwatu nya ipijuk kan bi di ibui hak.

NIBOU NDIG NYA GI NIGOM 18:40

Lene Elia cuk limwa nya “Ma jikat nabi kwar Baal nya yahagom leu binhyepo hi nang biningwes ngun bi!” Gima rino tungwatu pima yok ikat nabi Baal yahagom leu api Elia buwak yok ug ei Minyei Kisyon nyai biyai nimai bak yahagom ei sirima.

NINGAT-HI-NGAT NYA 19:20

No di bri bigwam kuda nitiei dip kat mindhe di niten-pos dima kin nide nabi nitrowai di bon mindur nya ei mindhe noho bei. (No dini ba nide mindur nya biris yo di igyai mindhe di niten-pos de nitak bukti kin yok kin yo di ikuk yok bak nide kwar.) No di bri bigwam kuda nitiei dip com mindhe di niten-pos kin nabi nitrowai tut igyaisi ug ei muk hum belerang di cig-cai.

NIBOU NDIG NYA GI NIGOM 18:19

Nogindini ma anduk mben Israel yahagom ba, ikwei um da ei Nungug Karmel. Ma abuwak nabi Baal nya ibou sratus bitai ningot muhwi kin nabi Asyera ibou sratus bitai di nibou ndig sop Izebel hati tut yok nya cem yahagom kwei.”

NINDAT KEP TUHAN NICUKTI NYA 17:12

Suar jiyai nimai bak yo di itte tut nikei nya kin imam nya di igyai midyai mem nijam dima ide nicuk jeti nya hak ug. Tug hon nisinati dima lene mijibidip tut mun di kinei dima leu Israel.

NINDAT KEP TUHAN NICUKTI NYA 18:21

Gino jihig jingon ei nabi gom nicuk jeti bijihig yam ‘Notou mem gima ikan mungkun tut bipia nabi nihyet dima kwei leu tuhan i?’

NINDAT KEP TUHAN NICUKTI NYA 18:22

Gino nabi gom ris mun bije tug hon tuhan ninyeng lo, mun di noni ris bije dima pek kep mem je bi lene jo nibreisi bipia nihyet dima kwei leu tuhan bi. Noro no dima tri tut nonti ningon kanti tug hon nonti ninyenga. Gima rino ma jidigit tut mun di tibim ei nuhui him au.”

YEREMIA 23:30

Ditte tut nabi nya di itri tut isut bat nabi nya ighyet bipai bipia nihyet dima ne Dani dihyet ri.

YEREMIA 26:11

Lene imam nya kin nabi nya ipai bak nibou nya kin ide limwa nya “Suar ma igyai nimai bak no dini lewo nihyet wer mpiahi tut ide minu ndig dini. Jeni cem jimiap mun di tibim ei nuhui him tu.”

NINDAT KEP TUHAN NICUKTI NYA 13:6

Mbro nok gino akindig bat-akinjoi bat nya kin apmot bat apmisop bat nya kin atnem di angon ngakei noni kin angon kieti yahagom iba niku ris na nyahan leu binhyepo akuk na bak nung nya di nani kin adigup bat-adigai bat nya jikan tut bigyo,

NIJAM NIKEI NYA 2:15

Bikwop mpe dino injei siceu ba, ikon pran lene tuhan tti kin ide siceu nya bit leu nok Noni sok kep Nide limwa nya nipou su. Gima rino mben Israel ingon buhun bibor.

NIBOU NDIG NYA GI NIGOM 13:19

Apino nabi leu Yehuda dima bit nabi andig-ndau dima ug ei nide ig ba, yem njita bit.

ZAKHARIA 13:2

Njap dima dem ne mididip tut kwar di ikuk yok bak nya inyeng leu dihyei dini leu binhyepo hi dima miyok ngon kep ninyeng dima bu bi. Midijji yo di ikon yonti inyeng binok nabi nitrowai nya kin yo di ninnei di kinei ya ingonti nya yahagom.