NINDAT KEP TUHAN NICUKTI NYA 18:18 - ALLAH NIHYET MEM TUNGWATU NYA

¹⁸ Midipinak nabi gom leu ide mben di noyam kin nani ndam yok. Midisok dihyet tut dicuk yokti nya ei noni dip mem yoni leu binhyepo noni mitri tut dihyet hagom bak ade limwa nya yahagom.

NINDAT KEP TUHAN NICUKTI NYA 18:18 ပူးပေါင်းရင်းမြစ်များ

MAZMUR 110:4

tuhan preu ei tug hon neheng bipai “Dikon anyeng nok imam noyam kin imam Melkisedek kikau buug hon nohonti bi.” Ba, Noni mingkwei leu nipreu eisi dima bi sren.

MAZMUR 2:6

Lewo Noni pai “Dita ditde nibou ndig ei Sion ba, gima ne Ditde nungung tou di didimig bikwes-kwau ei su.”

NEHEI LEUSI 4:12

Gima rino ma aug hak ug! Midimpu na tirigi ahap aji ba, midipingok angonti tut ahyet di mitibim ei ahui him cem.”

NEHEI LEUSI 4:15

Ma ambrap bit noni ba, apingok ningonti tut mun di suar noni mbrap tut. Midimpu jahacem lene midingginau je tut mun di suar jitri tut kin mun di jiyai nya cem.

YESAYA 50:4

tuhan Di Ninyeng Jei Bibor ngginau da lene bindei ba, diji ngkiem leu binhyepo dihyet mibiwin kep yo di inghuisi wei nya ingonti. Noni bindei ba, dingon bisau sut Nide nipingok dati nya bikwop njap bigyoti.

YESAYA 51:16

Dani rino diba Niban bijun mpia ei mpia-bbed him bidiprion dihyeisi dini nikiou cem tu. Dipai bak timiei Sion nya ‘Ditde limwa nya rijeni. Diyai Ditde ningginausi bije bidiba Ditde nisindemti binyohou je.’ ”

YESAYA 51:4

Ditde limwa jen e, ma jiyok jitingou kep dihyet. Diyai Ditde ningginausi bak ngkiai nya ba, Ditde niggai serti nya mipiga digai yok.

YEREMIA 1:9

Gima ngwig lene tuhan su ninda bingget duhui ngkek lene pai bida “Ma amiap kep dihyet lene ma atri tut hagom hanyen bak tungwatu nya.

HOSEA 12:14

tuhan pinak nabi gom di buwak mben Israel biyehei leu gi yuubon yok nok awak ei minu Mesir binyohou yok cem.

AMOS 2:11

Didimig jipmot bat nya ibou poi bidibindei ba, inok nabi nya. Didimig jide pinai pilei nya ibou poi bidibindei ba, inok nimpung Nazir cem. Je di mben Israel e, gini hagom igbit rin bi e? Da di tuhan disimbot dat tu.

MALEAKHI 3:1

tuhan Di Sindem Bibor buhup “Midicuk tungwagom di tri tut dihyet bibie leu binhyepo tin puig mem Da. Leu api tuhan di jipai bipia jingon mem kep ser dima mitau kros ei Nide Ig. No di dipinak di jipai bipia jinggei ngwig sut mikwei tri tut Ditde gi preu.”

MBEN ISRAEL IMBUT-MBUT NYEN 12:13

Gima rino Musa hara bak tuhan “Allah e, dahara bipia ma ayai ningkek ngun eisi hanyen binoni!”

MBEN ISRAEL IMBUT-MBUT NYEN 23:16

Lene tuhan kwei um noni bipingok ningonti tut mun di suar noni tri tut bicuk noni ngkwei hanyen ndam Balak leu binhyepo tri tut tuhan ningon kanti bak.

MBEN ISRAEL IMBUT-MBUT NYEN 23:5

Lene tuhan pingok Bileam ningonti tut mun di suar noni tri tut bicuk noni ngkwei hanyen ndam Balak leu binhyepo tri tut tuhan ningon kanti bak.

LUKAS 24:19

Yesus hig ser yok “Mindei rino pek kep i?” Lene ibuhup “Mun di cut igkep Yesus di nok nabi leu minu ndig Nazaret. Nihyet kin niyai munti nya sindem bibor ei Allah kin tungwatu nya yahagom igyai him.

YOHANES 1:21

Ihig ser noni bu “Gi nok lene nani tou i? Elia e?” Noni buhup “Dani ne Elia cem bi.” Ihig ser noni mbigom bu “He nani ne Nabi di Mipbor Ngat pima rin e?” Yohanes buhup “Dani ne bi.”

YOHANES 1:25

ihig ser Yohanes mbigom bu “Gino nani ne Nibou Ndig di teu tungwatu nya biyai niyaijo nijep biyok kin Elia kin Nabi di Mipbor Ngat pima cem bi ne nggon rino atur tungwatu nya ei minyeiti i?”

YOHANES 1:45

Filipus ug nggok ser Natanael bipai binoni “Nyeni nuum tungwagom di Musa pas tut Noni ei Puig Yahudi nicukti ba, nabi nya cem ipas tut Noni. Ninyeng Yesus leu minu ndig Nazaret ba, nicig ninyeng Yusuf.”

YOHANES 12:48

No di ba ningha bak Dani ba, ningon tunggwei dihyet bon mun di pai kep noni tu. Nihyet di tibim leu duhui him mipai kep noni mem Njap Ningwig Honti.

YOHANES 15:15

Dijem je awak bu bi lewo awak nya ikan tut iceu niyai munti nya bi. Noro dijem je disut bat di dingon kieti nya lewo ditri tut mun di dimiap leu Dicig hagom bije tu.

YOHANES 17:18

Dipinak yok lene intek gimahap ug ei dihyeisi dini bit leu nok apinak Da kwei ei dihyeisi dini.

YOHANES 17:8

Ditri tut nihyet di asok ei Da dip bak yoni leu api igyai hagom ei ingonti tu. Yoni ikan tut bipia Ditde nijuk kwei leu Nati ne nijit-jau rin ba, ingon jo kep bipia acuk Da kwei.

YOHANES 4:25

Misop dima pai bak Yesus “Dikan tut bipia Nibou Ndig di teu tungwatu nya biyai niyaijo nijep biyok (di ninyeng Kristus) mikwei ri. Gino Noni kwei lene Noni mitri tut mun nyeng hagom brei binye.”

YOHANES 8:28

Gima rino Noni pai biyok “Mpe dino jitas biei salib tut Munggwom Tungwatu Nipmot ne jikan tut bipia Dani ne No di ninyeng DANI DINGAT RI. Mpe dima lene mijikan tut bipia diyai midyai bit leu dingon kanti bi. Noro ditri tut nihyet di Dicig sok ei Da dip he.

KISAH 3:22

Musa pai ‘Tuhan di nok jide Allah midimig nabi gom leu jide adig-ajoi nya ikieti bipinak Noni ndam je bit leu nok Noni pinak da dini. Suar jingon bit mun di tibim ei nabi dima nuhui him a.

KISAH 7:37

Musa dini cem ripo pai bak mben Israel ‘Allah midimig nabi gom leu jide adig-ajoi nya ikieti bipinak noni ndam je bit leu nok Noni pinak dani.’

NINDAT KEP TUHAN NICUKTI NYA 18:15

Noni mipinak nabi gom leu jide mben di noyam kin da ndam je. Lene ma jibit nipingok jeti nya.

NINDAT KEP TUHAN NICUKTI NYA 33:5

Tirigi mben Israel kin ide nibou nya imbus yam ei pima lene tuhan ndo Nonti nok ide Nibou Ndig.”

NINDAT KEP TUHAN NICUKTI NYA 34:10

Nabi di noyam kin Musa hi srig mben Israel ikieti bi sren. Lewo tuhan ndo Nonti bak bimbrap hammi Musa niimaisi.

NINDAT KEP TUHAN NICUKTI NYA 5:5

Noro jittin tut hum njengti pima apino jibrim jingkek mem gima jikui nungug dima bi. Gima rino mpe dima ne diya hacan mem jeni kin tuhan bidindat kep tuhan nihyet bak jeni.

TIMOTIUS GI NIGOM 2:5

Lewo Allah gom ngat he ba, tungwa gom ngat ya hacan mem Noni kin tungwatu nya. No dima ne Kristus Yesus,

IBRANI 7:22

Neheng dima bindei Yesus nok imam gi titer. Noni ngot nimig mem nye ei gi preu nijepti di kei bibor dor njiriek bu.