NINDAT KEP TUHAN NICUKTI NYA 18:10 - ALLAH NIHYET MEM TUNGWATU NYA

¹⁰ Ma tungwa hi kwas nimunggwom bat nya nok mun di ibui bindig kep hum ei nimbar hum dokti au. Ma hi bon midut nikrau kep nihyet di dut ba, hi ninda dut ba, hi ba seig ngei bipijuk tungwatu nya ba,

NINDAT KEP TUHAN NICUKTI NYA 18:10 ပူးပေါင်းရင်းမြစ်များ

NITRITI 44:5

Nggon rino inggimang ditde mok perak i? Lewo didut ba anggur ngei eisi he bi noro diko bidibinggok tut ndiyok eisi cem. Ibon mun tunggwei sut da nindig bibor.”

NIBOU NDIG NYA GI NICAN 16:3

Noni yai bram nibou ndig mben Israel di nipou nya igyai munti nya ba, bon mun di tunggwei tug hon nidat nipmot bindig ningut ei nimbar hum dokti bak kwar nya noyam kin yo po tuhan jji yok leu minu Kanaan ei mpe di po mben Israel icoi ug ei minu dima nimbie him pima ide nibon kepti.

NIBOU NDIG NYA GI NICAN 17:15

Mben Israel kin timiei Yehuda nya ikou sut gima ibit tuhan nicuk yokti nya lene iba ingon di gom biyok ngon kep gi preu po tuhan bon mem idigup bat-idigai bat nya pima bi. Isem tut tuhan nipingok kep yokti nya cem leu api ikuk yok bak kwar nya di bon ninyeng bi. Apino yonti cem ibon inyeng ei tuhan niyai him bi. Mbro nok gino tuhan ggai ser yok lo, iba ingkek di ndok biyai bram mben di ibong ttai yok igyaisi nya hagom.

NIBOU NDIG NYA GI NICAN 17:17

Iba imunggwom bat nya di idat bindig kep hum ei nimbar hum dokti bikuk yok bak kwar nya cem. Ita ibou ei niyai nisindemti di bindei ba, ikan tut mimun nya tug hon gi yuug ngat yo di nung kui yok di imbrap bit ninnei di kinei nya leu binhyepo ninnei dima yok indo ingon kanti biyok. Ibrim ingkek mem mun nyeng mang bibor di bindei ba, tuhan ningon kei sut yok bi.

NIBOU NDIG NYA GI NICAN 21:6

Lene bibui nipmot hi bindig ei nimbar hum dok dimati ba, bikuk no bak kwar nya cem. Noni brim ningkek mem nung nya igyai kepti nya kin nipui mun nimbot kepti tug hon ham mpia-bbed him nya kin nikan tut nisindemti nya di jo nding leu tungwatu nya igyai him kin ninggok tut ninnei nitrowai nya leu binhyepo indo bindo binoni cem. Manasye bon sisar nindig bibor tut tuhan apino tuhan gga bibor drek dip nide sisar di nindig bibor di noni bon dima.

NIBOU NDIG NYA GI NICAN 23:24

Mpe dima lene Nibou Ndig Yosia jji yo di nung kui yok kin yo di iko kep inda nya yahagom bitut kwar di tungwatu nya ikuk yok bak ei ide ig bitut nimbumbati nya hagom leu minu ndig Yerusalem kin minu Yehuda cem leu binhyepo mben Israel igyai kepti nya tunggwei sut niggai serti nya di Musa pas ei sratti di Hilkia ngat ei tuhan De Ig pima bi.

NIBOHON MBEN ISRAEL GI NIGOM 10:13

Saul ba ningon di gom bibit tuhan kin nicukti nya bi. Apino mai drek dip a. Noni hara tuhan leu binhyepo tuhan ndo ningon kanti bak bi. Noro nang ndam nimai nya innei bahara yok bindo ingon kanti bak. Gima rino tuhan kes hukum ei noni dip lene bitug ninyeng di tak kep limwa nya nok nibou ndig leu noni bikes bak Daud di Isai nipmot bu.

NIBOHON MBEN ISRAEL GI NICAN 28:3

bindig biei nggrai di ui-gwang kei ei Mbang Briep Hinom cem. Noni bui nonti nipmot bindig ei nimbar hum dokti ba, bikuk no bak kwar nya. Bon nok gima ba, bibit leu yo po tuhan jji yok leu minu Kanaan pima ibon kepti di kinei bibor nya. tuhan jji yok mpe di po mben Israel icoi bikieng kep minu Kanaan.

NIBOHON MBEN ISRAEL GI NICAN 33:6

Noni bui munggwom nide nya bikes bak kwar nya ei Mbang Briep Hinom dem kep nok mun di ibui bindig titut ei nimbar hum dokti ba, brim ningkek mem nung nya igyai kepti nya kin nipui mun tut nibirop hanyenti tug hon ham mpia-bbed him ba, bikan huk mun di ingat bou igyai him bi nya binggok tut ninnei di sibut nya leu binhyepo indo bindo binoni cem. Manasye bindei ba, tuhan gga bibor tug hon nide sisar nindig bibor di noni bibon tut tuhan.

NEHEI LEUSI 22:17

Ne gino sop gwam nitta pilei dima nicig ce tut gi iwak yam bi lene no dima go nibuhup nimangti noyam kin mimbron gi dem mem sop gwam nitta pilei nibok bak nicigya.

NEHEI LEUSI 22:18

Suar jikes hukum nimai ei sop di nung kui dip.

YESAYA 47:13

Anghuisi wei drek dip nipingok angonti mang-mang. Acuk yo di ingon ki nya bikiju kwei biteu na ba, angwes ngun hak ug. Yo dima igyok igyai kep mpia-bbed him nuhuisi ug bipek nuhuisi bidem ba, inggok tut ham mpia-bbed him nya bikwop bed jep leu binhyepo ibitri tut nicunti mem mun di mipek kep mem na.

YEREMIA 27:10

Yo dima iris mun bije bibindei ba, siceu nya mikri je ug ei minu ting leu jitimieisi. Midijji je leu jide minu bidibindei ba, jisar.

YEREMIA 27:9

Ma jimiap kep nabi nya kin tungwa hi dino cuon ser je leu binhyepo joom je bak mben Babel bi nya au. Mbro nok gino ipai sut yonti bipia igyai bindo tug hon mumpriem nya kin njungwes di ingat ei igyai him bi nya kin gi iba mimbrei biris mun bou jiyai him nya lo, ma jiyok ngon kep ighyet au.

YEREMIA 32:35

Ba, iwin nimbar hum dok nya mem ibikuk yok bak Baal ei Mbang Briep Hinom bibui munggwom di ide nya bindig ei nimbar hum dokti dima yok ba, ibikuk yok bak Kwar Molokh. Digicuk yok mem gima ibon sisar di kinei bibor dima ba, ibindei dino ide limwa di mben Yehuda nya cem ibon sisar dima bi sren. Dikan-kan nyenti di nok gima hi jo dibou ngwakti bi sren.”

YEREMIA 7:31

Ba, ibon nimbar hum dok Tofet ei Mbang Briep Hinom leu binhyepo indig imunggwom bat nya tut igyai noha kep hum eisi. Dicuk yok tut nibon munti dima bi ba, ningon kanti dima jo dibou ngwakti cem bi sren.

IMAM NYA IDE MIDYAI 19:26

Harin dima jiyem kep mikwau di ninggrom hugsi a. Harin dima jikrau kep yo di inda dut nya ingon kanti a.

IMAM NYA IDE MIDYAI 19:31

Harin dima juug cem kep yo di nung kui yok nya bipingok kep jingonti a. Leu gi nok lene map mikui jeti. Dani ne tuhan bidinok jide Allah ri.

IMAM NYA IDE MIDYAI 20:6

Tungwa tou rino bisau ndam no di nung kui di mbrap kep bit nimai ngwes nya igkei ba, no mbrap bit nimai ngwes hi lene midikes hukum ei noni dip ba, midibibon noni nok no di nggre kin Ditde limwa nya bu bi.

MIKHA 5:12

Midibindei ba, jide kwar nya kin jide cou tig nya di jipigig sut ei mem jide kwar nya hagom timek bingwig. Hon kep njap dima kui ne jikuk je bak mun di jibon bou jinda him bu bi.

MALEAKHI 3:5

tuhan Di Sindem Bibor pai “Jei bi ne midittau hak ei jikieti nok nikei di tri tut jide hukum. Leu api haninyai midibakilak yo di nung kui yok kin yo di icut tut hi ter nitnem kin yo di iris mun ei nikei noho bei kin niceu nya di igyem ide awak nya imuhup kin yo di ihwen bit kibom nya kin moibihi nya kin ngkiai nya ba, dibakilak yo di ikon dinyeng bi nya yahagom.”

KISAH 19:19

Ba, yo di ibindei mbut nung ningginausi nya imang bibor imbus ide srat nya keyam bindig kep hum bou tungwatu yahagom igyai him. Ba, srat dima nimangti hagom sok yam nibok dem mitiei nitig sribu ningot muhwi.

KISAH 8:9

Ei minu ndig dima cem Simon di ninda dut no rima. Timiei Samaria nya inggap leu tut noni tut mun di noni ba ninda dut biko ninno tu dima. Lene Simon ba ningon di jei sut nonti bitri tut bipia noni mipbor ngat.

GALATIA 5:20

ikuk yok bak kwar nya cem nung kui yok cem iba nitok biyam apino ibui yam cem iba ingon kan yam cem igga yam cem inggei sut yonti cem itti kin nimpung di isrep tut yam cem,

NINDAT KEP TUHAN NICUKTI NYA 12:31

Ma jikuk je bak tuhan di nok jide Allah bit leu nok yoni ikuk yok bak ide nung nyati au. Lewo tirigi ikuk yok bak ide nung nya lene igyai munti nya kinei bibor bibindei ba, tuhan ningon mpo tut yok. Mbenjen! Indig imunggwom bat nya tut igyai noha kep hum ei ide nimbar hum dokti!

SAMUEL GI NIGOM 15:23

Lewo nibit nihyet bi pima kinei ba, noyam kin nibon midut nikrau kep nihyet di dut lene nikon nonti kinei bibor noyam kin nikuk nok bak kwar cem. Allah kou sut gima anok nibou ndig lewo angkek ndok tut Nide nicuk nati.”

SAMUEL GI NIGOM 28:3

Samuel mai su ba, mben Israel yahagom ingon ngguk tut noni nindig bibor lene ibitig ningut cem ei nitimieisi di minu ndig Rama tu. Ei nijam dima cem Saul jji yo di iko bibinggok nya kin nung nya yahagom bingwig leu mben Israel ide minu tu.

SAMUEL GI NIGOM 28:7

Lene Saul cuk yo di igya kui noni bipai “Juug nggok ser sop di nung kui leu api midihara noni mem gima ndo bindo bida.” Lene ibuhup “Sop di nung kui no bong ei En-Dor.”

SAMUEL GI NIGOM 28:8

Lene Saul luei nitta ba, juk sinsun bit leu nok niyai kepti bi noro juk sinsun hiter bu. Lene noni kin yo di igya kui noni ibou can imbut mem mmun ba, yuug ngat sop dima. Leu api Saul pai binoni “Ma ako ba, anggok tut no di dindat kep ninyeng bina ningwes leu binhyepo ningwes mindo igbit mun di mipek kep mem da ei nidipti bu bida.”

SAMUEL GI NIGOM 28:9

Lene sop dima buhup “Akan tut Nibou Ndig Saul nicuk nyeti bi e? Noni jji yo di iko bibinggok nya kin nung nya yahagom bingwig leu mben Israel ide minu tu. Nggon rino aba mun dima bisrou da leu binhyepo ditug ndei nimai i?”