NINDAT KEP TUHAN NICUKTI NYA 17:8 - ALLAH NIHYET MEM TUNGWATU NYA

⁸ Munhyet dino dem tut gima nikei nya ei mpia dima ikos tut kan bi di nggruk bibor bitut no di bisinggre biyai nimai bak tungwagom kin no di yai nimai bak tungwagom kin gi bisinggre ba, nihyet tunggwei yam tut mun di ijem bou yok nok ide cem nihwen yamti di bindei ba, ingkek bok cem lene suar juug sut munhyet dima ug ei mpia ttou nsi di jide tuhan Allah ndo ei su.

NINDAT KEP TUHAN NICUKTI NYA 17:8 ပူးပေါင်းရင်းမြစ်များ

SAMUEL GI NICAN 15:2

Noni kiju mem njap tekti buug ya simpak dideu nibou ndig de ig nide dimbou pmem. Noni pigo tungwa gom-gom di kwei mbrap bit nibou ndig tut nide munhyet lene hig ser tut nikwei leusi cem. Gino no dima buhup tut keret di noni ntun him lene,

NIBOHON MBEN ISRAEL GI NIGOM 26:29

Ikes midyai sekertaris kin midyai nigwam nok nikei mben Israel bak Kenanya kin nipmot bat nya di intun Yizhar him.

NEHEI LEUSI 18:15

Lene Musa buhup “Limwa dini yok yahagom ikwei ngat da leu binhyepo dimbot kep tut Allah ningon kanti biyok.

NEHEI LEUSI 18:26

Nibou dini yok igyai inyeng nok nikei nya mem ide nimpung nya bibikwop nok. Lene ikwei ngat Musa bihig ser noni tut mun di buhun bibor he. Noro yonti rino ikos tut mun di buhun lai-lai de.

NEHEI LEUSI 21:20

Gino tungwagom bui nide awak pinai hi awak sop hi bibindei awak dima mai hak ei niyati lene je di nindigsi jikes hukum ei no dima dip.

NEHEI LEUSI 21:22

Gino tungwatu ibou poi ibui yam lo, tungwagom leu ikieti bui sop di nghop apino bindei ba, sop dima srek kinei drek dip lo, nggwen ba, yai nibok bi lene no di bui noni go nibuhup nimangti bit leu nok sop dima nijjep nicuk noti lene nikei nya cem ice tut nimangti dima.

NEHEI LEUSI 21:28

“Gino jide sapi nikre ba nibou nggai bidat tungwagom bimai lene suar jiba tig bihwen sapi dima bimai lene jibam ninghui bijiyem au. Noro ma jikes hukum ei niceu dip au.

NEHEI LEUSI 22:2

Gino tungwa hi bong ser ig gom ba, kat no di let dimbou mem mmun leu binhyepo nggimang ndigban lene hwen noni bimai lene no di bong ser ig dima ningon mui bi. Noro gino noni kat no di nggimang ndigban mem njap bihwen noni bimai lene ningon mui.

NEHEI LEUSI 22:8

Ne gino hi kat no di nggimang igkei dima bi lene jibuwak no di nyohou pima ug ei jide ig mbusyameisi leu binhyepo noni mipai jit tug hon neheng bipia nonti rino nggimang mun di nisut ba ningon com noni tut dima bi.

YEHEZKIEL 44:24

Gino ingon buhun tut yam tut munhyet di bitut ide nikos tutti nya lene suar ikwam minggwen bit yam ser munhyet dima bit leu Ditde niggai serti nya di jo tu nipaisi. Suar ibon pesta nibikuk yok biDati nya bibit leu Ditde nicukti kin Ditde nikos tutti di jo tu nipaisi. Lene ma idimig Njap Nigwam Kep Ninghuisi nok njap di kwes pijum ei mem Da.

HAGAI 2:11

bipai bak “Ma ahig ser imam tut ide nikos tutti tut munhyet dini.

MALEAKHI 2:7

Suar imam nya ingginau ide limwa nya leu binhyepo ingon jo kep Da di tuhan Di Dinyeng Jei Bibor. Suar yo dima ihig ser imam nya tut dingon kanti lewo imam nya igya hacan mem Da.

MBEN ISRAEL IMBUT-MBUT NYEN 35:11

lene suar jindo minu ndig niya coi nya mem yo di igyai nimai bak hiter kin gi ibisinggre bi nya leu binhyepo inang ug ei minu ndig dima ba,

MBEN ISRAEL IMBUT-MBUT NYEN 35:16

Noro gino tungwagom bisinggre biba ngkimom nyeng hi biyai nimai bak hiter lene no dima hwen nimbiam ba, bon mun tunggwei. Suar jiyai nimai bak.

NINDAT KEP TUHAN NICUKTI NYA 1:17

Ma jiba jide nikos tutti nya bimbus nggok tungwatu nya au. Ma jiba jingon di gom bimbus tungwagom-gom ningonti lene ma jimbus nggok yok au. Ma jittin tut yo di igya ei joho bei mem gima jikos tut yok au. Lewo Allah mipingok jingonti bindo nikos tutti di igbit bak jeni. Lene ma jikes munhyet di nggruk bibor mem je ei dani dinghat dip leu api midikos tut bak jeni.’

NINDAT KEP TUHAN NICUKTI NYA 12:11

tuhan di nok jide Allah mindo minu ttou nsi gom ngat lene ma jikuk je biNoni ei sirima. Lene ma jittei mun di dicuk je tut hagom ei sirima. Nok mindhe-ndhe di jindig kep hum ei nimbar hum dokti kin mindhe-ndhe mem nibon midut nindigsi nya kin mun di jikwas gom leu ningot gom lene nok kin mun nindigsi di jikwas tut Noni kin mun di jipreu ei mem Noni nipou su nya hagom.

NINDAT KEP TUHAN NICUKTI NYA 12:14

Suar jibui mindhe-ndhe dima ei minu ttou nsi gom ngat di tuhan mindo bije ei jide mben nya ikieti. Ma jibui mindhe-ndhe di jindig kep hum ei nimbar hum dokti ba, jiyai igbit dicuk jeti nindigsi nya hagom ei minu ttou nsi gom ngat dima he.

NINDAT KEP TUHAN NICUKTI NYA 12:5

Lewo tuhan di nok jide Allah mindo minu ttou nsi gom ngat ei jide mben nya ide hanjop nsi nikieti nya leu binhyepo Nide limwa nya minduk yam bikuk yok biNoni eisi.

NINDAT KEP TUHAN NICUKTI NYA 19:17

lene ma yahacem yuug ei mpia ttou nsi gom di tuhan ndo ei mem jikuk je biNoni eisi dima leu binhyepo imam nya kin nikei nya di igyai kep ide midyai nya mimbus yo cin dima ingonti.

NINDAT KEP TUHAN NICUKTI NYA 19:4

Gino tungwagom yai nimai bak hiter di nok nide siceu bi kin gi bisinggre bi lene ma nang bicoi ug ei minu ndig ninang coi dima gom apino ningwes ngun.

NINDAT KEP TUHAN NICUKTI NYA 21:5

Suar imam keret Lewi nya cem ibit yok. Lewo yoni rima ikos tut mun niba nisibut biyai munti nya. Jide tuhan Allah dimig yoni ei binok awak mem Noni ba, indat kep nihyet di binjei mun di kei bak ide limwa nya tug hon Noni ninyeng ba, ikos tut mun di buhun di srou yok cem.

NINDAT KEP TUHAN NICUKTI NYA 25:1

Lene gino mpe di gom mben Israel ibou can igya ei nikei noho bei drek dip mun di kinei leu api nikei ndo igbit gi hi di ningon ngun kin gi hi di ningon mui,