NINDAT KEP TUHAN NICUKTI NYA 17:2 - ALLAH NIHYET MEM TUNGWATU NYA

² Tirigino jimiap tut bipia bihi no ibon sisar tut jide tuhan Allah ei minu ndig gom drek dip gi igyai mun tunggwei Nide nipreu ei mem jeti,

NINDAT KEP TUHAN NICUKTI NYA 17:2 ပူးပေါင်းရင်းမြစ်များ

NIBOU NDIG NYA GI NICAN 18:12

Mben Israel ibit ide tuhan Allah nihyet bi bitig dino timiei Samaria icut bak ide siceu nya. Yoni ikou sut mun di Noni preu ei mem yok pima ba, ico tunggwei nicukti di Musa po tuhan de awak pima yai biyok hagom cem. Yahagom itingou nam ser tuhan nihyet ba, ibit nicuk yokti nya bi.

NIBOU NDIG NYA GI NICAN 21:3

Manasye win mpia di tungwatu nya ikuk yok bak kwar eisi nya hagom di nicig Hizkia ya kep binggek ningwig pima hanyen. Lene win nimbar hum dok nya mem gima bibon midut nya bak Baal. Lene bibon kwar sop Asyera bit leu nok Ahab di nok Nibou Ndig mem mben Israel nibon kepti pima cem. Manasye kuk no bak ham mpia-bbed him nya cem.

AYUB 31:28

Suar yo di ibon kep sisar dima itug ndei hukum nimai lewo bindo bipia ikou sut Allah Di Sindem Bibor.

NEHEI LEUSI 22:19

Suar jikes hukum nimai ei pinai di cut tut mindhe dip.

NEHEI LEUSI 22:20

Suar jikes hukum nimai ei no di bui mindhe bindig kep hum ei nimbar hum dokti bak nung di ngkiai ikuk yok bak njiriek Dani dip lewo Dangkom ne tuhan ri.

YEREMIA 31:32

Gi preu nijep dima noyam kin gi preu nitimiei di dipreu ei mem idigup bat-idigai bat nya tirigi dinyohou cen yok kwei leu minu Mesir bi. Mbro nok gino dibon Danti bidinok ijjep lo, ikou sut mun di dipreu ei mem yok.

YEREMIA 34:18

Nibou di inyeng tak kep minu Yehuda kin minu ndig Yerusalem bitut yo di igya kui yok kin imam nya kin yo di igyai kep midyai nya nok mindor dihyei nya yahagom ibon nipreu ei mem Dati tut ide awak nya tug hon midut nipreu eisi. Ibui sapi ningut gom leu api israt hacan binok can leu api imbut ei nisra cin dima nikieti tu. Noro je di timiei minu ndig Yerusalem jiluei jingonti tut nipreu eisi dima kin nipreu eisi di mben Israel ipreu ei bit Da. Gima rino midibibon jeni noyam kin gi jibibon sapi dima.

YEHEZKIEL 16:38

Midikes hukum ei na dip drek dip ade nicut tut pinaisi nya kin ade niyai nimai bak tungwatu nyati di abon nya. Midiba dingon di sibui kin digga biborti bikes hukum nimai ei na dip.

HOSEA 6:7

Noro noyam kin mun di pek kep ei minu mien Adam ba, jinjiriek nipreu di jipreu ei bit Da.

HOSEA 8:1

tuhan pai “Ma jibindei bimbi pun mbrei tut mun di buhun a! Siceu injei bicoi Ditde minu mem gima ihwen ba, ihwenti dima noyam kin hacam di cut di sus mun di yem a! Ditde limwa nya itunggwei Ditde nipreu ei bit yokti bisrep tut Ditde ningginausi nya cem tu.

IMAM NYA IDE MIDYAI 20:2

bipai sut nicukti dini bak mben Israel, “Bikwop no di leu jikieti kin ngkiai nya di ibong timiei ei jikieti cem di bui nimunggwom di ndig kep hum bikuk no bak kwar Molokh lene suar limwa nya yahagom iba tig bihwen bimai hak ug.

IMAM NYA IDE MIDYAI 26:15

jipigau gi preu po dipreu ei mem jeni pima ba, jibit dimbrap tutti kin didimig sutti nya bi,

IMAM NYA IDE MIDYAI 26:25

Midibindei ba, pran di nok hukum di cut igkep je mikiju ei jikieti lewo jipigau Ditde gi preu po dipreu ei mem je pima tu. Gino jinduk yam ei jide minu ndig nya leu binhyepo jingwes ngun lene midikes nsuwer di bit bon pren hanyen leu je kan bi ei jeni dip apino jigwam lo bi di jikes jenti ei jide siceu indati.

NINDAT KEP TUHAN NICUKTI NYA 17:5

lene suar jikri no di tunggwei sut mun dima ug ei nide minu ndig dima nisai leu api jiba tig bihwen kikau bimai hak ug.

NINDAT KEP TUHAN NICUKTI NYA 29:18

Gima rino ma jiya ser jingonti leu binhyepo tungwagom leu jikieti nok pinai hi e, he sop hi e, he ig bei nsi nya gom e, he mben gom e, njap di ammani ma ingkwei leu ide tuhan Allah ba, ikuk yok bak ngkiai nya ide nung nya au. Niyai munti dima noyam kin biei nigau di hei ba, wer mun di iba inda ta di mpo lene wer krisieu di mpo cem ntun him.

NINDAT KEP TUHAN NICUKTI NYA 29:25

Lene nibuhupti pai nok gini ‘Lewo yoni ipigau idigup bat-idigai bat nya ide tuhan Allah de gi preu di Noni bon bit yoni mpe di Noni buwak yok kwei leu minu Mesir.

NINDAT KEP TUHAN NICUKTI NYA 31:20

Midibie tut yok ba, micoi ug ei minu di bon ninnumti di kei bibor dima bit leu nok dipreu ei mem idigup bat idigai bat nyati. Yoni migyem kep njita ninyeng hagom nok gi dem mem yok apino mibong kei migwam kei ei sirima. Noro jei bi lene yoni mingkwei hanyen leu Da ba, mikuk yok bak nung nya. Yoni mirok Da ei itta leu api mikrau kep mun po dipreu ei mem yok pima cem bi.

NINDAT KEP TUHAN NICUKTI NYA 4:23

Gima rino ma jingon sok kep jenti ser nhyema jingon prion ser gi preu di tuhan preu ei mem je au. Ma jibit nicuk jeti nya ba, jibon kwar di jikuk je bak nya hi bou jinda him au.

IBRANI 10:28

No di srep tut Puig Yahudi niggai serti di tug hon Musa tug ndei nimai ba, hi ningon nggriu sut noni bi. Gino ibou can ibou ningai ingat nibon munti di bindei ba, ningon mui bou igyai him.

YOSUA 23:16

gino jitunggwei gi preu di jide tuhan Allah yai bije. Gino jibit bi lo, jikuk je bijinggei sut nung di ngkiai nya ikuk yok bak lene tuhan migga jeni bikes hukum ei jeni dip leu api jigom ngat migwam ei minu di kei di Noni yai bije dini bu bi.”

YOSUA 7:11

Mben Israel ibon sisar tu! Dicuk yok leu binhyepo ibit gi preu di yoni kin Dani nipreu ei biyam tu noro igyai mun tunggwei sut! Lewo ipos ndigban di suar ibindei sar pima hi nyahan ba, inggimang lene iku nyahan ei ndigban nggreti di ide nya leu binhyepo hi kan tut bi.

YOSUA 7:15

Leu api mijo nibreisi bipia no di dindo rino nggimang mun po suar jibindei sar pima hi tu a. Suar jindig no dima kin nide ig bei nsi nya kin nide ndigban di nyeng tut nya hagom kep hum bingwig hak. Lewo noni rino yai mun tunggwei sut gi preu pima tug hon sisar di kinei bibor di noni bon ei mben Israel ikieti.”

NIJAM NIKEI NYA 2:20

Mpe dima lene tuhan ningon sibui sut yok ba, simbot dat bipai “Dicuk yo dini idigup bat-idigai bat nya nipou su leu binhyepo igyok ngon kep mun di dipreu ei mem yok. Noro yo dini ingkwei leu nipreu eisi pima leu api ibit dihyet bu bi.

NIJAM NIKEI NYA 6:31

Noro Yoas buhup yo di icug titip noni dima ighyet “Je jitti kin Baal bijahati tut noni e? Tungwa tou rino tti kin Baal mitug midut nipou tirigi mpia com mem njap di hyep bigyo. Gino Baal ne Allah nijit rin lene ma noni yai nibou tut bikes hukum ei nyeni dip lewo nimbar hum dok di kinei su dima ne nide ri.”