NINDAT KEP TUHAN NICUKTI NYA 17:18 - ALLAH NIHYET MEM TUNGWATU NYA

¹⁸ Gino jikon tungwagom binok nibou ndig lene suar jipas kep srat ningat gom di tibim tut Allah niggai serti nya ba, srat dima ningat noyam kin srat ningat-ngat di imam Lewi nya igyok ei a.

NINDAT KEP TUHAN NICUKTI NYA 17:18 ပူးပေါင်းရင်းမြစ်များ

NIBOU NDIG NYA GI NIGOM 2:3

leu binhyepo ayai igbit ade tuhan Allah nicuk nati nya hagom. Abit Nide niggai serti kin nicukti di Musa pas kep tu nya hagom leu binhyepo ningat nindig bibor mintun ayai munti nya hagom him bidem minu di aya bidem eisi nya.

NIBOU NDIG NYA GI NICAN 11:12

Gima leu lene Yoyada buwak Yoas behei sut leu api kes topi nibou ndig ei nibou nggram him ba, kes srat Allah Nicukti Nya cem bak. Lene yahagom ikon Yoas kui bigwam nok nibou ndig bitri tut noni bidem limwa nya yahagom. Lene yahagom ittem inda ba, ibimbos-hi-mbos bipai “Na di nibou ndig e, ma ayaijo ninno!”

NIBOU NDIG NYA GI NICAN 22:8

Gima rino Safan ndat kep nibou ndig nicukti bak Hilkia leu api Hilkia pai bak bipia noni ngat tuhan de srat niggai serti ei tuhan De Ig. Noni yai srat dima bak Safan leu api Safan kwop nibokti.

NIBOHON MBEN ISRAEL GI NICAN 34:15

Lene Hilkia pai bak Safan “Dingat Srat tuhan Nicukti Nya bou diyai him ei tuhan De Ig tu.” Pai nok leu api yai srat dima bak Safan.

NINDAT KEP TUHAN NICUKTI NYA 31:9

Lene Musa pas kep tuhan Allah de nicukti nya hagom ba, kes srat dima ei imam di intun Lewi him di inyeng tak kep Allah de Brua Gi Preu nya indati kin nibou mben Israel indati cem.

YOSUA 1:8

Ma akwop Ditde nicuk jeti nya ei ahui him brei ei mben Israel yoho bei tirigi idem yam ei ba, ikuk yok biDa. Ma angig ayai kep hagom bikwop mmun-njap. Lene ma ata abou eisi ba, abit hagom nok gi kei. Gino ayai nok gima lene ade midyai nya mingat ningat mang bibor.