NINDAT KEP TUHAN NICUKTI NYA 17:16 - ALLAH NIHYET MEM TUNGWATU NYA

¹⁶ Lene ma nibou ndig dima ma kuda ningot ndig mem nide tentara nya ibri bigwam dip au. Lene ma noni cuk nide limwa nya ug ei minu Mesir mem gima pek kuda ei sirima au. Lewo tuhan pai sut Nide limwa nya bipia ma ingkwei hanyen ug ei minu dima au.

NINDAT KEP TUHAN NICUKTI NYA 17:16 ပူးပေါင်းရင်းမြစ်များ

SAMUEL GI NICAN 8:4

Mpe dima lene Daud kat tentara di iba kuda di ibikon pran kan nya ibou sribu gom sratus muhwindacan kin tentara di imbut imig ibou sribu nyatungwagom cem. Leu api Daud cuk nide tentara nya ba, ikos kuda dima yok imig kien ninggiluk noro sindui sut kuda poi di nimangti dem mem gima ikri kroba pran ningat sratus gom bigya.

NIBOU NDIG NYA GI NIGOM 1:5

Lene Adonia di nipmem ninyeng Hagit bungwam mem gima ndo nonti nok nibou ndig biya luei nicig Daud nohoti. Gima rino noni tin ei nide kroba pran kin kuda nya kin tentara di igya kui noni ibou ningot muhwi.

NIBOU NDIG NYA GI NIGOM 4:26

Salomo de tentara di iba kuda di ibri bibikon pran kan nya ibou sribu simnaibrigmigcan lene nide kuda di ibrim kroba pran nya ibong ei ig kandanti ningat sribu ningot bitai.

NIBOU NDIG NYA GI NIGOM 5:6

Na di Andigpoi akan tut bipia dibon ditde limwa nya di iwim biei kan noyam kin na di Andigpoi ade limwa nya hi bi. Gima rino ma apinak ade limwa nya ug ei Libanon leu binhyepo iwim buom nya ei sirima. Ditde limwa nya mimpu yok. Lene ma apai igbit ade limwa nya imuhup bida leu binhyepo dibirop hanyen biyok nok gi igbit.”

NIBOHON MBEN ISRAEL GI NICAN 1:16

Salomo ba nitri-nibipek mun cig nya bipek kuda kwei leu minu Mesir kin minu Kewe cem kwei ei nide minu.

NIBOHON MBEN ISRAEL GI NICAN 9:25

Nibou Ndig Salomo de ig kandan nsi di mem nide kuda kin kroba pran nimangti ug ei sribu bitai ba, noni nyeng tut kuda pran ningut sribu simnaibrimigcan. Noni kes kuda dima nite hi ei minu ndig Yerusalem lene pinak nindigsi nya bidem minu ndig di bon nibousi mem nide kroba pran nindigsi nya.

MAZMUR 20:7

Nogindini dikan tut bipia tuhan yai nisindemti bak Nide nibou ndig di Nonti dimig ei su leu binhyepo bindei timek nide siceu nya. tuhan gwam ei Nide mpia di kwes-kwau ei gwamti bibuhup nibou ndig nihyet. Nibou ndig ba tuhan de nisindemti bibindei timek nide siceu nya.

NEHEI LEUSI 13:17

Niabiati Firaun kes mben Israel bimbut tu lene Allah buwak yok ba, ikak puig di bikwam ndam mben Filistin ide minu bi. Mbro nok gino puig dima jei bi lo, Allah kan “Gino mben Israel inso yonti tut gima suar ikon pran bit timiei minu Kanaan nya lene mpaba iluei ingonti bingkwei hanyen ug ei minu Mesir e? Lene gima dem tut bi.”

NEHEI LEUSI 13:18

Gima rino Noni buwak yok bimbut kak puig di dwei-dwei nyen ei iggum ndigsi di bie ug ei Muk Lipig. Tirigi po mben Israel ijo leu minu Mesir pima lene ittei ide minggwen dem kep nok igya pranti.

NEHEI LEUSI 14:13

Lene Musa buhup “Jidigit tut au! Ma jingon nddong hak ug! Mbigom mijingat notou tuhan miteu je bijingwes ngun bou jiyai him ug ri. Nogindini jingat mben Mesir dima noro jei bi ne mijingat yok bu bi sren.

YESAYA 2:7

Ide minu mpung tut perak kin mas ba, ndigban di ide nya ngwig kan bi. Kuda kin kroba pran di ide nya cem mang bibor ba, gi mbun ikwop nimangti kan bi.

YEREMIA 42:19

Leu api dibinut bu “tuhan cuk je di niken-ken di jibong ei Yehuda leu binhyepo juug ei minu Mesir au. Gima rino disok kep je nogindini leu binhyepo jiyok ngon kep,

YEHEZKIEL 17:15

Noro nibou ndig minu Yehuda kiek nimig jou tut nibou ndig minu Babel bisok nihyet bak mben Mesir mem gima bitug ndei kuda kin tentara Mesir nya imang bibor. Ningon kanti dima mipek kep e? Nibou ndig minu Babel misindui sut ba, nibou ndig minu Yehuda ningwes ngun e? Dem tut gima noni ngkwei leu nipreu ei mem nibou ndig minu Babelti pima bi ba, ningwes ngun leu gitug ndei hukum cem bi!

HOSEA 11:5

Noro mben Israel ikou sut gima ingkwei hanyen ndam Da. Gima rino suar ingkwei hanyen ug ei minu Mesir ba, mben Asyur inyeng tak kep yok.

HOSEA 14:3

Ma jingkwei hanyen ndam tuhan lene ma jingat nadi “tuhan e, ma akos ser nyende sisar hagom ba, angig atingou mem nyende nadi leu api mininggei sut Na bit leu nok gi nipreu ei mem Na tu.

MIKHA 5:10

Midibindei ba, jide minu ndig nya kin minu mien nya kin tentara nibousi di igya coi nya cem hagom timek bingwig.

NINDAT KEP TUHAN NICUKTI NYA 28:68

Mbro nok gino tuhan pai bipia ma jingkwei hanyen ug ei minu Mesir au lo, Noni miba kibar minyei bipinak je hanyen ug ei minu dima. Mijitri jenti nok awak mem jide siceu nya ei sirima noro hi di pek jeni bi.”

SAMUEL GI NIGOM 8:11

Noni pingok ingonti bipai “Jide nibou ndig mibibon je nok gini. Noni mibidip huk jipmot bat nya leu binhyepo bihi inok tentara di ibri kroba pran lene bihi inok tentara di ibri kuda pran lene bihi inok tentara di imbut imig bibie mem nindigsi nya.