NINDAT KEP TUHAN NICUKTI NYA 17:1 - ALLAH NIHYET MEM TUNGWATU NYA

¹ Ma jiba sapi kin domba di kinei bikuk je bak jide tuhan Allah au. Lewo Noni kou sut gima bibor.

NINDAT KEP TUHAN NICUKTI NYA 17:1 ပူးပေါင်းရင်းမြစ်များ

NITRITI 41:19

Jei bi lene sapi di ninggang bai di kinei-kinau ningut muhwindacan bu ikiju kros leu minyei jousi kwei bram gi hi dima. Dingat sapi di kinei bibor nok gima hi bou diyai him ei minu Mesir nisurti-nipekti hagom bigyo.

NEHEI LEUSI 12:5

Lene suar jidimig domba di nide njap ug ei ari bingwam gom tu di bon nibokti kin nikruakti bi.

NIPINGOK NINGONTI 11:1

tuhan ningon mpo tut no di ba kilo nitrowai biris mun bak tungwatu nya. Noro ningon kwes kin no di ba kilo di igbit bitri ndiyok tut yok.

NIPINGOK NINGONTI 15:8

tuhan joi sut yo di ingon kwes kei nya ide nadi noro ningon mpo tut midut di yo di isibut nya ibon ei nimbar hum dokti nya.

NIPINGOK NINGONTI 20:10

tuhan ningon mpo tut nitri-nipek kep mun cig nya di ba ide nai kin kilo di igbit bi nya biris mun bak tungwatu nya.

NIPINGOK NINGONTI 6:16

Mun nyeng muhwindacan dini bindei ba, tuhan ningon sibui gima rino Noni miba niyai ngat gima kan bi.

IMAM NYA IDE MIDYAI 1:3

Gino noni jem nide sapi ningut gom kwei lene ma noni dimig nikre di bok-ba bi. Suar noni jem sapi dima kwei ba, ya tut kui dimbou ei tuhan De Prak Meng nuhui leu binhyepo tuhan joi sut noni.

MALEAKHI 1:8

Gino jibui mindhe di niyai tu kin gi nggwen kin gi lit cem mem Da lene jikan bipia jibon mun tunggwei sut dingon kanti bi e? Gino jibingon niyai mindhe dima bak nibou ndig lene ningon mikei sut je e, he ba ningon di nggriu biyai je e, he notou i?”

MBEN ISRAEL IMBUT-MBUT NYEN 29:8

Suar ibui sapi pmot nikre ningut gom kin domba nikre ningut gom kin domba pmot nikre di ide njap dem ari bingwam gom ningut muhwindacan mem nibon midut nindig mindhe titut kep humti ba, bikwop mindhe-ndhe dima hagom bok-ba bi. Lene tuhan mijoi sut ninghap di ngge kei dima.

NINDAT KEP TUHAN NICUKTI NYA 15:21

Noro gino mindhe-ndhe dima kinei nok nimig lit e, he niyai tu e, he bon nikineisi hi gom bu e, lene ma jiba mindhe-ndhe dima bikuk je bak jide tuhan Allah au.

NINDAT KEP TUHAN NICUKTI NYA 23:18

Nok gima cem ma yo dima ipwoi ninghoi di iba ide nicut tut yamti bipek dima ba, yuug sut ei jide tuhan Allah de ig bibigo mun di yoni ipreu ei mem Noni tug hon neheng au. Lewo jide tuhan Allah ningon mpo tut yo di icut igkei ei mpia di ngkiai nya ikuk yok bak ide kwar nya eisi bitut ninghoi di ibipek mem yonti cem.

NINDAT KEP TUHAN NICUKTI NYA 24:4

Mbro nok gino gom leu mun nyeng can pini pek kep mem noni lene ma nijjep timiei wak noni hanyen au. Suar nijjep timiei ngat noni nok sop di map kui su. Gino noni wak sop dima hanyen lene gini nok mun di mpiei bibor ei tuhan di nok jide Allah nuhwap nsi. Ma jibon sisar di kinei bibor nok gima ei minu jep di tuhan miyai bije au.”

NINDAT KEP TUHAN NICUKTI NYA 25:16

Jide tuhan Allah ningon mpo tut yo di iris mun igkei nya.”

NINDAT KEP TUHAN NICUKTI NYA 7:25

Ma jindig ide kwar di ikuk yok bak nya kep huma. Ma jingon pri kep perak kin mas di jo kin ide kwar nya bijiyai mem jenti au. Gino jiyai mun dima yok mem jenti lene mijitug ndei nimai drek dip lewo tuhan di nok jide Allah ningon mpo tut yo di ikuk yok bak kwar nya.

IBRANI 9:14

Gino mindhe-ndhe inggrom kin atriem ndung sindem mem gima piap yo di map kui yokti lene jo nibreisi bipia Kristus ninggrom sindem bibor dor njiriek gima bu! Lewo Noni ba Allah Ninnei di niyaijo kikau bikes Nonti ei nok mun di kei-kau di ibui bibam ei Allah Noho bei. Kristus ninggrom piap ingon mien leu midut di sindem bi nya leu binhyepo inok awak mem Allah Di Niyaijo.

PETRUS GI NIGOM 1:19

Noro Noni ba Kristus ninggrom di tereu nok midut nibikos ser sisarti bipek je hanyen lewo Kristus ne domba di bon nimuhweisi ba, nirom kuisi rin bi.