NINDAT KEP TUHAN NICUKTI NYA 16:3 - ALLAH NIHYET MEM TUNGWATU NYA

³ Tirigi jiba mikwau bikuk je bak tuhan ei Njap Ndig Paskahti dima lene ma jiyem kin roti dwoi au. Noro suar jiyem roti di roti ninjep srigsi bi ei ninsi njap muhwindacan nok mun di jibiyok ngon kep mpe di po jibipbur ba, jinang leu minu Mesir pima. Ma jiyem roti dima di indat kep ninyeng roti ninghuisi wei. Leu binhyepo tirigi jiyaijo ei dihyeisi dini mijiyok ngon kep njap po jibipbur ba, jinang leu minu Mesir di nok mpia di ninghuisi wei cut igkep je eisi pima.

NINDAT KEP TUHAN NICUKTI NYA 16:3 ပူးပေါင်းရင်းမြစ်များ

NIBOU NDIG NYA GI NIGOM 22:27

Disok dihyet bak yoni leu binhyepo icom noni ug ei ig bui nsi lene ma ikwas njita poi mien he kin minyei poi mien he tut noni bibou dikwei hanyen leu Ramot bidingwes ngun ug e.”

MAZMUR 102:9

Siceu nya iba ighyet bicig da ei njap jei ba, yo di igga da iba dinyeng bisigion yam.

MAZMUR 111:4

tuhan ngondut nye ba, ningon ngakei nye cem. Niyai munti nya bibon ninggap leusi leu binhyepo igyok ngon kep kikau.

MAZMUR 127:2

Yo di ikiju mem ha yausi bigyai kep ide midyai nya nok ayoi hum ngum kikau ug bipek mmun mau yahagom igyai gima mikui-kausi. Lewo tuhan tin ei mun di Nide limwa di ningon ngakei yok isuar nya mem yok tirigi yoni ibong mai yo.

NEHEI LEUSI 12:11

Tirigi jiyem mikwau dima lene jijuk sinsun bijo jingkek kin jijuk srop ei jimig kin jikrau jide tom ei jindati ba, jiyem mikwau dima haninyai. Lewo nibon midut dini ne Njap Ndig Paskah nitriti rin ba, jiba gima binggei sut Da di tuhan.

NEHEI LEUSI 12:17

Midibuwak je di mben Israel leu minu Mesir mem njap ndig dima. Gima rino ma jiyok ngon kep njap ndig dima lene jibon kep midut dini ba, jiyok ngon kep kikau bikwop ari bingwam.

NEHEI LEUSI 12:39

Yuug krau Sukot tu lene inon ide roti di dwoi bi di ikon kwei leu minu Mesir. Lewo Firaun jji yok kros leu minu Mesir apino bon nituti mem ingei njita kin roti mem yonti bi.

NEHEI LEUSI 12:8

Suar yahagom ibam mikwau dima mem mmun dima bigyem kin simeng di mpo kin roti di dwoi bi.

NEHEI LEUSI 34:18

Ma jibon midut di ninyeng Njap Ndig Roti Di Dwoi Bi. Ma jiyem kep roti di dwoi bi ei njap nitindur muhwindacan mem bed Abib bit leu nok dicuk jeti tu. Lewo jehei leu minu Mesir mem bed dima nipou su.

YESAYA 52:12

Tirigi sindi jikwei lene ma jiba jibinang ug au. Lewo tuhan mibie tut je ba, Noni minyohou je. Noni miya srak ko hagau je bicuon jiyaisi kikau kak jimbutti.

IMAM NYA IDE MIDYAI 23:6

Lene ug ei njap gi nisimnaimuhwidip lene ma jikinyon ei nibon midut Njap Ndig Roti Di Dwoi Biti. Mpe dima lene ma jiyem kep roti di dwoi kikau mem mmun-njap muhwindacan au.

ZAKHARIA 12:10

Leu api midibindei ba, yo di intun Daud him kin timiei minu ndig Yerusalem ingon ya tut ningon ngakei yamti kin ningon ya tut naditi. Igyai mibong kep no di idat leu api ipim nggruet drek dip noyam kin no di pim nggruet drek dip nipmot di nimig gom nimaisi pimo. Yoni iba ingon di ngguk bibor bipim nggruet noyam kin no di nide munggwom mighumbou sar leu no pimo.

MBEN ISRAEL IMBUT-MBUT NYEN 28:17

Njap gi bram bu nok njap ngon bou gi nisimnaimuhwidip lene suar ikinyon ei Njap Ndig Roti Dwoi Biti. Ba, ei ninsi njap muhwindacan dima lene ma igyem roti di iba roti ninjep bibon au.

MBEN ISRAEL IMBUT-MBUT NYEN 9:11

Noro suar jibon midut dima ei bed gom gi nidipti bu. Ba, jibon gima mem mmun ei njap ngon bou gi nisimnaibrimigtai ei bed gi nican. Ma jibon midut ei njap ngon bou dima ba, jiyem domba Paskah kin roti di dwoi bi kin simeng di mpo.

LUKAS 22:19

Gima ne Yesus yai roti nindak gom bipai sigyo bak Allah kep lene ki bitri yok bipai “Jiyai roti dini bijiyem ug lewo gini ne dinghui di dikes ei mem je ri. Ma jiba midut dini biyok ngon kep Da.”

KORINTUS GI NIGOM 5:8

Gima rino ma jikwei ba, iba roti di ninjep srigsi bi bibon pesta kep ide Njap Ndig Paskah. Lewo roti di ninjep srigsi bi tereu nok ingon di gom kin nipwoi Allah ningon. Ma iba roti timiei di ninjep srigsi bibon pesta kep ide Njap Ndig Paskah au. Lewo roti timiei di ninjep srigsi tereu nok sisar kin mun di mbuk nya.

NINDAT KEP TUHAN NICUKTI NYA 16:2

Ma juug ei mpia di tuhan ndo ei mem gima jikos jide kambir kin domba kin sapi ningut gom eisi nok mun di jibikuk je bak tuhan ei Njap Ndig Paskahti dima leu binhyepo jibikon jide tuhan Allah ninyenga.

NINDAT KEP TUHAN NICUKTI NYA 4:9

Ma jiyok ngon kep mun di jingat bou jiyai him kikau ug bipek jiyaijo ningwig honti lene ma jingon prion ser au. Ma jitri tut mun dima yok hagom bak jimunggwom bat nya kin jignyon bat-jidrot bat nya.

TESALONIKA GI NIGOM 1:6

Jiyai bram nyeni niyaisi kin Tuhan cem niyaisi. Mbro nok gino tungwatu nya ihwen bit je lo, jiba jingon di llei biya um Nihyet Di Kei di nitri tut bije. Ningon di llei dima nibousi rino Allah Ninnei di pingok ei jingonti.

YOSUA 4:7

ma jipingok ingonti bijipai Minyei Yordan tun leu yam ei mpe di po imam nya ikon tuhan de Brua Gi Preu ba, ibisigon pima. Tig dini ne tig nibiyok ngon kep mem mben Israel rin leu binhyepo igyok ngon kep mun di pek kep mem yok ei mpia dini.”