NINDAT KEP TUHAN NICUKTI NYA 16:19 - ALLAH NIHYET MEM TUNGWATU NYA

¹⁹ Tirigi ikos tut mun nyeng hi lene ma iba ide ningon canti bikos tut ba, imbus nggok yo di inyeng jei nya cem au. Ma itindei hiter nindati tut mun nibingot kep yok au. Lewo mun nibingot kep dima tak kep tungwatu igyai bitut yo di ingon ki kin yo di ingon sren nya igyai ser apino gimbun ingon hukti tut mun di igbit kan bi.

NINDAT KEP TUHAN NICUKTI NYA 16:19 ပူးပေါင်းရင်းမြစ်များ

MAZMUR 15:5

di tri mitiei ngwam noro kum ei gi bitugti bi di kou sut gima hi ngot kep noni tirigi noni mbrap gau no di ningon ngun ei nikei noho bei ri. No di niyai munti nya nok gima mibong kei migwam kei bijo ninno bijo kikau.

NEHEI LEUSI 18:21

Noro ma ayai bit leu dingon kanti dini. Ma adimig pinai di ingon ki nya ibou poi leu api ata yok nok nibou mem ade limwa di imangti ibou sribu gom kin ibou sratus gom kin ibou ningot muhwi kin ibou ningot gom lene nok. Ma ata yo di ittin tut Allah bibit nihyet kin yo dino aba angon com yok kin yo di ingon ya mem gima tungwatu ingot kep yok bi cem.

NEHEI LEUSI 23:2

Mbro nok gino tungwatu nindigsi yahagom ibon mun di tunggwei tirigi iba ide nimbrap gausi di nijit bi ba, ibiyoom ser ei nikei noho bei lo, ma jitti kin yok au.

NEHEI LEUSI 23:3

Mbro nok gino no di ya ei nikei noho bei nuhui mbum lo, ma je di nindigsi jibibon noni ter leu tungwatu nindigsi nya au.

NIPINGOK NINGONTI 15:27

Gino aris mun ei tungwatu nyati leu binhyepo abipek mitiei ne gima mibindei ba, mun di buhun micut igkep ade ig bei nsi nya yahagom. Ma asindui sut ba, hi ngot kep na au. Leu api ade njap jei ei dihyeisi dini.

NIPINGOK NINGONTI 17:23

Nikei di ingon dwei nya isindui sut ba, tungwatu nya ingot kep yok leu api ide nikos tutti mbut ei nisren-srausi bi.

NIPINGOK NINGONTI 18:5

Dem tut gima atti kin no di ningon mui ba, akes hukum ei no di ningon ngun dip bi.

NIPINGOK NINGONTI 24:23

Yo di ingon ki ipai, “Ma nikei mbus nite hi bihigom tirigi kes hukum ei tungwagom dip au.

NIPINGOK NINGONTI 24:28

Ma ambrap gau hiter tug hon nide munhyet di angon kiowi eisi ba, aris mun ei noti cem au.

NIPINGOK NINGONTI 31:5

Leu gino nibou ndig nya idut pes ngei di pu yok ne ibbwe ser nikos tutti nya apino igiyok igyai kep yo di isindem bi bitut ide mun di isuar nya bi.

NIBA NINGON SRIP HUKTI 7:7

Gino no di ningon ki ris mun lene niyai munti dima biyai ningon di mbum bak. Nibingot kepti kipon nikos tutti di sren kei.

YESAYA 1:17

Ma jita jibou ei gi jibon mun di igbitti. Ma jibrim jingkek mem ningon sren-srausi leu api jiciu ser gi tungwatu nya imbuk tut yam. Ma jibindei ba, tungwatu nya ibibon moibihi nya nok igbit. Ma jimbrap gau kibom nya ei nikei noho bei.”

YESAYA 1:23

Ade nibou nya yaham imbuk kep Da. Ihig isut bit ninggimang kep mun cig nya ba, ingon ya mem gima hi ngot kep yok. Ikou sut nimbrap gau moibihi nyati ei nikei noho bei ba, itingou nam ser kibom nya di yahara yok tut ide mun di buhun tak yok ighyet.

YESAYA 33:15

Noro bon jingwes ngun gino jitri tut mun di nijit ba, jiyai munti nya hagom igbit. Ma jiris mitiei leu yo di yuhui mbum nya au. Ma jice tut hiter ngot kep je au. Ma jiyok jingon gom bit nihwen kep mun cig nya kin yo di ibon mun di sibut nya au.

YEREMIA 5:28

immau jo yokti cem ba, mun di isuar nya hagom dem mem yok. Ibon munti di kinei bibor dima ug hon nohonti bi. Igiba ingon di gom bimbus munhyet di munggwom awak nya ide bi ba, igimbrap gau yo dino hiter ico kep yok nya tut ide munhyet cem bi.

YEHEZKIEL 18:8

Noni com mitiei bak tungwatu nya nok ningwam kin gi brim nibittemti leu yok bi. Noni mbres nonti leu sisar nyeng hagom. Gino tungwatu nya ighyet sror kui yam lene noni gwam nok nikei di ningon sren bikos tut mun di srou yok.

YEHEZKIEL 22:12

Ade limwa nya bihi isindui sut ba, hi ngot kep yok leu binhyepo ihwen nimbiam lene bihi inok adrom lene bihi ibrim mun di kei mem yonti leu yonti di mben gom cem. Yo dima yahagom ibbwe ser Da tu. Da di tuhan Di Dinyeng Jei Bibor disimbot dat tu.

IMAM NYA IDE MIDYAI 19:15

Tirigi jigwam nok nikei mem yo di ipigau hanjop nya lene ma jingon sren. Harin dima jibibon no di nuhui mbum ba, bon ninyeng njiriek nindigsi nya a. Nok gima cem harin dima jingon digit tut no di nyeng bibor a.

MIKHA 7:3

Nibon kep mun di mbuk cig nya riyoni. Yo di inyeng jei kin nikei nya yahara mem mitiei dima ibingot kep yok. No di ninyeng jei brim ningkek kep yok bitig dino yuhum yam nsi.

HABAKUK 1:4

Niggai serti nya mbut sindem bibon ninyeng bi ba, nikei nya iba ingon dwei bikos tut mun di srou tungwatu nya. Yo di imbuk nya igyai munti nya dor sindem njiriek yo di ingon sren nya igyai munti nya ba, yo di imbuk nya ikiek nikei nikos tutti nya bibit leu yonti ingon kanti.

KISAH 10:34

Lene Petrus pai biyok “Nogindini dikan tut mungkun bipia Allah mbus nggok tungwatu nya bi.

KISAH 16:37

Noro Paulus pai bak yo di igya ser pima yok “Nyeni ne nibou ndig Roma de limwa nya ri. Mbro nok gino nikei nya imbus nyeni ningonti bigyo lo, tungwatu imbas nye brei ei timiei minu ndig dini igyai him leu api injei nye ug ei ig bui nsi mikuisi. Nogindini nibou nya isindui sut nye binimbris nyahan ba, nimbut hak leu yok e? Nok bi! Suar nibou nya yonti ikwei buwak nye leu ig bui dini.”

KISAH 23:3

Gima rino Paulus pai binoni “Ningat ne Allah mittem nani cem lewo angon can lo, aluei atta binok no di ningon sren. Gino abon nanti nok nikei lene suar ambus dingonti bit leu nok Puig Yahudi nicuk nati. Noro tirigi abindei ba, yo dini ittem ser duhui njiriek nicukti dima lene apigau hanjop!”

NINDAT KEP TUHAN NICUKTI NYA 10:17

tuhan di nok jide Allah ninyeng jei dor njiriek kwar di tungwatu nya ikuk yok bak nya kin nisindemti nya hagom. Ma tungwatu nya ibit nihyet lewo ninyeng jei ba, Noni sindem bibor cem. Noni mbus nggok tungwatu nya ba, ce tut hi ba mitiei bingot kep Noni bi.

NINDAT KEP TUHAN NICUKTI NYA 16:18

“Suar jita nikei nya kin nibou di igyai midyai hiter nya bikwop minu ndig di jide tuhan Allah yai bije nya leu binhyepo iba ingon di gom bitri tut nikos tutti ei limwa ikieti.

NINDAT KEP TUHAN NICUKTI NYA 24:17

Ma jibon mun di kinei tut ngkiai nya kin moibihi nya bijico kep yok au. Lene ma jipos kibom nya ide sinsun dut nok mun di bindo bipia mirop jide ningwam hanyen au.

NINDAT KEP TUHAN NICUKTI NYA 27:19

‘Ma tuhan sigion no di pos ngkiai kin moibihi kin kibom ide mun di inyeng tak kep nya.’ Lene ma limwa nya yahagom ibuhup ‘Igbit ri!’

NINDAT KEP TUHAN NICUKTI NYA 27:25

‘Ma tuhan sigion no di su ninda mem mitiei nibingot kep noti leu binhyepo bisinggre biyai nimai bak no di ningon ngun.’ Lene ma limwa nya yahagom ibuhup ‘Igbit ri!’

SAMUEL GI NIGOM 12:3

Nogindini diya hak ei joho bei. Gino dipigau hanjop hi tu lene ma jipai kep da bou tuhan kin nibou ndig di Noni ndo ei su igyai him. Gino dimbrai hiter de sapi kin keledai lene ma jipai igbit. Gino diris hi bidimbuk tut hi ba, hi ba mitiei bingot kep da cem lene ma jipai igbit leu binhyepo dingkwei mun dima yok hanyen bak niceu.”

SAMUEL GI NIGOM 8:1

Tirigi Samuel wer andig-ndau leu su lene noni ta nipmot bat cin ba, inok nikei nya mem mben Israel.

SAMUEL GI NIGOM 8:3

Noro igyai bram icig niyai kepti nya bi lewo ita ibou ei gi inggok tut mitiei nindig biborti. Gima rino tungwatu iba mitiei bingot kep yok leu apino yoni iba ingon di sren bi bimbus tungwatu nya ingonti cem.