NINDAT KEP TUHAN NICUKTI NYA 16:13 - ALLAH NIHYET MEM TUNGWATU NYA

¹³ “Tirigi jipuk gandum ngat jide nya hagom ba, jikimut ba anggur ngat jide nya hagom cem biput leu su lene suar jibon midut Njap Ndig Ig Jibei Mpam Meng kikau mem njap nitindur muhwindacan.

NINDAT KEP TUHAN NICUKTI NYA 16:13 ပူးပေါင်းရင်းမြစ်များ

NIBOHON MBEN ISRAEL GI NICAN 5:3

Gima rino yahagom idem yam ei mem Njap Nindig Ig Jibei Mpam Meng.

NIBOHON MBEN ISRAEL GI NICAN 8:13

Mindhe di noni kwas bindig kep hum ei nimbar hum dokti mem gima mben Israel ibikuk yok bak tuhan dima bibit leu Nikos Tutti di tug hon Musa mem bikwop njap nindig nya. Nok Njap Nigwam Kep Ninghuisi kin Njap Ndig Nibon Midut Bed Jep kin midut ningat ningai di ibon bibikwop ari bingwam. Njap dima ne Njap Ndig Nibon Midut Roti Dwoi Bi kin Njap Ndig Nibon Midut Nike Gandum Kui Ig kin Njap Ndig Nibon Midut Ig Jibei Mpam Meng ri.

EZRA 3:4

Lene ibon midut Njap Ndig Ig Jibei Mpam Meng kin nibon midut bikwop njap ngwa hagom cem bit leu nok nicukti nya di jo tu nicuk yoti,

NEHEI LEUSI 23:16

Tirigi jide njita len tu lene jibon midut Njap Nindig Nike Gandum. Tirigi jipuk ningat kwei leu jide biei anggur nghousi kin biei ngat nghousi dideu ari bingwam ningwigsi lene jibon midut Njap Nindig Ig Jibei Mpam Meng.

NEHEI LEUSI 34:22

Tirigi jikinyon ei midyai dino jike jide gandum nintam kin yam lene jibon midut di ninyeng Njap Ndig Ike Gandum. Tirigi jipuk jide biei ngat kwei mem ari bingwam ningwigsi lene jibon midut di ninyeng Njap Ndig Ig Jibei Mpam Meng.

YEREMIA 40:10

Jibong hak ei jitimieisi nya bit leu jingon kanti. Lene ma jipian ba anggur ningat ba, jinju keyam kin biei ngat nya kin mini zaitun ba, jinju keyam. Dibong ei Mizpa ba, diya hacan mem limwa nya mpe di tentara Babel nya ikwei ei minu dini.”

MBEN ISRAEL IMBUT-MBUT NYEN 15:20

Gino jiba gandum di jike ei nimbie him binon roti lene suar jikwas roti di jinon nimbie him nok munkwas di jipigig sut pijum ei tut tuhan. Lene ma jikwas roti dima bit leu nok gi jikwas gandum ngan nimbie him di jiba tig gilingan bidram.

YOHANES 7:2

Mpe dima ne tto bou dem mem mben Yahudi ibon pesta kep Njap Ndig Ig Jibei Mpam Meng ri.

NINDAT KEP TUHAN NICUKTI NYA 31:10

Lene noni cuk yok bipai “Bikwop ari bingwam nimuhwindacan ningwigsi hammi tirigi nicunti dem mem jiciu ser ningwam nya hagom lene ma jikwop nicukti dini yok brei ei tungwatu nya yahagom yoho bei tirigi jidem yam ei mem Njap Ndig Ig Jibei Mpam Meng.