NINDAT KEP TUHAN NICUKTI NYA 16:10 - ALLAH NIHYET MEM TUNGWATU NYA

¹⁰ leu api jibon midut Njap Ndig Nike Gandumti mem gima jibikon jide tuhan Allah ninyenga. Njap dima lene ma jittei mun di jibikuk je bak tuhan bit leu jijoi sutti bak Noni dem kep mun di kei di tuhan yai di binyohou jiyaisi nimangti.

NINDAT KEP TUHAN NICUKTI NYA 16:10 ပူးပေါင်းရင်းမြစ်များ

NIBOHON MBEN ISRAEL GI NIGOM 29:14

Ningat ne diya tut ditde limwa dini yok noro bit bon nikwas mun nyeng hi tut Nani kan bi. Lewo Nani rino akwas mun nyeng hagom tut nye. Mun dima nikwas tut Nani ne hagom Ade cem.

NIBOHON MBEN ISRAEL GI NICAN 31:14

Ikon Kore di Yimna nipmot bindo midyai bak leu binhyepo su ninda mem munkwas di ibikuk yok bak tuhan biyok hagom keyam. Leu api mikwas tut tungwatu nya bu. Kore ntun keret Lewi him ba, noni rinok nibou mem yo di igya ser Dimbou Pmem Nite Bei Mpia Nipriti.

NEHEI LEUSI 35:29

Bikwop yo di ingon huk niti yahagom ipwoi mun di ikwas tut tuhan kwei leu binhyepo tukan nya iba mun di ikwas dima biyai midyai bit leu nok tuhan nicuk Musati tu.

NIPINGOK NINGONTI 10:22

Tungwatu nya inyeng tut ndigban tug hon ningat di kei di tuhan njei bak yoni. Bit bon nicom nahanggwap tut midyaisi bindei ningat di kei kum eisi bi.

YOEL 2:14

Mpaba tuhan di nok jide Allah miluei ningonti lene bindei ba, jide beisi nya hagom minnum kei hanyen e? Gi nok ne mijikwas jide ba anggur ngei kin jide gandum ngat ndrim hi tut Noni.

IMAM NYA IDE MIDYAI 12:8

Lene gino sop dima nyeng tut domba pmot hi bi lene ma noni krau ha tekukur e, he hakimoi mbrei ningut can e, kwei. Bihi mem nibon midut nindig mindhe titut kep hum lene bihi mem nibon midut nibiyai nikos ser sisarti. Lene suar imam dima bon midut di bindei ciu ser map di kui sop dimati leu binhyepo noni kei hanyen.”

IMAM NYA IDE MIDYAI 23:15

Lene las gom po jikon gandum nintam ningot gom kwei bijo nai ei Doho bei pima ngwig leu su lene ma jikwop ug ei ari nitindur muhwindacan bu.

IMAM NYA IDE MIDYAI 25:26

Gino no dima bon nide bat di gwam dip di ningat-ngat hi mem gima pek dihyei dima hanyen bi noro ei nidipti bu lene noni nyeng ba, nide mitiei dem mem bipek dihyei dima hanyen,

IMAM NYA IDE MIDYAI 5:7

Gino no di bon sisar dima ma domba e, he kambir e, mem gima biluei nide sisar hi bi lene ma noni krau ha tekukur can e, he hakimoi mbrei can e, kwei. Haba gom mem nibon midut nibiyai nikos ser nide sisarti lene haba gom bu mem nibon midut nindig mindhe titut kep hum.

MBEN ISRAEL IMBUT-MBUT NYEN 28:26

Tirigi ikinyon ei Njap Ndig Nike Gandumti ba, ittei ide gandum nimbie him mem nibon midut njita nibipai sigyo bak Allahti kwei lene suar idem yam ei mem njap gi nigom. Harin dima igyai midyai di buhun mem njap dima a.

MBEN ISRAEL IMBUT-MBUT NYEN 31:28

Tut mun di tentara nya ima bou yok pima lene suar ikwas ningat gom leu nimangti sratus muhwi pijum ei tut Da di tuhan bitut tungwatu di ikat yok kwei kin sapi nya kin keledai nya kin domba nya kin kambir nya di ipos kwei cem.

MBEN ISRAEL IMBUT-MBUT NYEN 31:37

lene ikwas ningut sratus muhwindagom muhwindacan ba, muhwi leu nimangti dima pijum ei bak tuhan,

KORINTUS GI NIGOM 16:2

Bikwop njap nigwam kep ninghuisi lene ma tungwagom-gom ba ninda boom mitiei ndrim hi leu mitiei nimangti di noni tug ndei bijo keyam bikum yam ei bipek njap di dihwousi. Leu binhyepo jimbus mitiei hi kin bu tirigi dihwousi bi.

KORINTUS GI NICAN 8:10

Bit leu dingon kanti ne handei kon ba, jiyai mun di jikinyon eisi ari bingwam gi pini jug biput kep ug e. Lewo jikos tut midyai dima bijikinyon eisi cem bibie leu nindigsi nya.

KORINTUS GI NICAN 8:12

Gino jitin ei bijikwas munkwas tut yo di hiter kin jingon di gom lene Allah mijoi sut jide munkwas di jiyai bit leu jimati. Gino jima mun hi bi lene Noni yok ningon mem munkwas leu je bi.

NINDAT KEP TUHAN NICUKTI NYA 16:11

Suar jiyai nillei bit jimunggwom bat nya kin awak jide nya kin keret Lewi nya kin ngkiai nya kin moibihi nya kin kibom nya di ibong ei jide minu ndig nya. Ma jibon midut dima ei jide tuhan Allah Noho bei ei mpia ttou nsi di Noni ndo ei mem je tu.

NINDAT KEP TUHAN NICUKTI NYA 16:9

“Ma jikinyon eisi ba, jikwop ninsi ari nitindur muhwindacan leu njap nimbie him di jike gandum,