NINDAT KEP TUHAN NICUKTI NYA 15:9 - ALLAH NIHYET MEM TUNGWATU NYA

⁹ Ma jikou sut jiyai mitiei nok ningwam bak noni drek dip ari bingwam nidip tut ningwamti di dideu su au. Ma jisindui sut jikan-kan nyenti di kinei dima ba, pijuk jingonti au. Gino jikou sut jiyai mitiei nok ningwam bak no dima lene noni mahara bak tuhan drek dip jingkek ndokti dima apino jingon mui.

NINDAT KEP TUHAN NICUKTI NYA 15:9 ပူးပေါင်းရင်းမြစ်များ

AYUB 34:28

Yo dima ibindei ba, yo di yuhui mbum nya yahara Allah leu api Noni miap ide nahara Noti.

MAZMUR 101:3

Midiba diyai ngat mun di kinei bi sren. Dingon mpo tut yo di ingkwei kep inghim dip hanyen ide nibon munti nya. Dikou sut gima ide mun di kinei rap dani cem a.

MAZMUR 12:5

“Niba nidweb di sindem bitug ndei ndiyok bit leu nyeni ningon kanti. Nisimbot dat mun bit leu nyeni nijoi sutti lene hi di bigen ser cem bi!”

MAZMUR 9:12

Jikwei ba, inggei sut tuhan di ninyeng tak kep limwa nya ei Sion! Jipui sut nibon munti nya bak ngkiai nya yahagom!

NEHEI LEUSI 22:22

Ma jiba jingon can bibon kibom nya kin moibihi nya au.

NEHEI LEUSI 22:23

Leu gino jibibon yok nok gima lene Da di tuhan midibuhup ighyet tirigi yahara Da drek dip je.

NEHEI LEUSI 3:7

Lene tuhan pai binoni “Dingat bou diyai him bipia mben Mesir iba isibut co kep Ditde limwa nya. Lene dimiap Ditde limwa nya ighyet tirigi yahara Da leu binhyepo diteu yok bingwes ngun leu yo di ico kep yok dima. Dikan mungkun tut mun di buhun tak yok nya.

NIPINGOK NINGONTI 14:21

Gino ajoi sut angon di nggei-hi-nggei lene ma angondut yo di yuhui mbum nya leu gino angwes om kep yok lene sisar ntun him.

NIPINGOK NINGONTI 21:13

Gino angkek ndok tut nuhui mbum nya ne mpe dino nani ahara tungwatu nya lene hi mingondut nani bi.

NIPINGOK NINGONTI 23:6

Ma ayem njita bit no di drui bou ngwak ba, angon pri kep njita ninyeng hagom di noni ngei au.

NIPINGOK NINGONTI 24:9

No di ningon tindur ningon kanti di tin ei nya bindei ba, sisar ntun him. Tungwatu nya ingon mpo tut no di ba nihyet bicig yok.

NIPINGOK NINGONTI 28:22

No di drui bou ngwak bipbur ba, nibou ngwak sibui sut gi nyeng tut ndigban kin mitiei. Noni kan tut nuhui mbumti di jei bi micut igkep noni kros bi.

NIPINGOK NINGONTI 4:23

Ma anyohou ya ser angonti lewo angonti rino bindo tut puig di ayaijoti mbut kak.

YEREMIA 17:10

Da di tuhan rino diput ser tungwatu ingonti nya. Dibingon mun di jo ingon bei cem. Dibirop bak tungwatu nya bit leu igyaijoti. Dibibon yoni bit leu igyai munti di igyai kep nya.”

YEREMIA 34:14

awak di mben Ibrani di yai midyai nok awak kikau mem nijam ari bingwam nitindur muhwindagom tu lene suar niceu kwek noni leu nuubon no nok awakti ei ari bingwam gi nimuhwindacan ningwigsi. Noro jidigup bat-jidigai bat nya itug hon nipreu ei mem yokti dima bimiap kep mun di dipai biyok dima bi.

MATIUS 15:19

Lewo nihwen mun kin nicut tut hi nitnem kin nicut tut yam kin ninggimang mun kin niris yam kin nikucang yam hagom ntun ningon him.

MATIUS 20:15

Diba mitiei di dinyeng tut bitri je bit leu dijoi sutti bi e? He ma jibou dut drek dip gi dingondut tungwatuti e?’

NINDAT KEP TUHAN NICUKTI NYA 15:1

“Bikwop ari bingwam gi nimuhwindacan ningwigsi lene suar jibon nidip tut ningwam nya.

NINDAT KEP TUHAN NICUKTI NYA 24:15

Ma jiyai nimuhup binoni nipou tirigi mpia kimbas bigyo bikwop njap ngwa hagom. Lewo noni suar nimuhup dima biningon ya mem. Gino jiyai nimuhup binoni bi lene noni mahara tuhan tindei je apino sisar dima mibindei ba, jingon mui.

NINDAT KEP TUHAN NICUKTI NYA 31:10

Lene noni cuk yok bipai “Bikwop ari bingwam nimuhwindacan ningwigsi hammi tirigi nicunti dem mem jiciu ser ningwam nya hagom lene ma jikwop nicukti dini yok brei ei tungwatu nya yahagom yoho bei tirigi jidem yam ei mem Njap Ndig Ig Jibei Mpam Meng.

YAKOBUS 4:17

Gima rino no di kan tut midyai di kei bibor di suar noni yai kep nya lo, yai kep bi lene ningon mui ba, sisar ntun him.

YAKOBUS 4:5

Jikan tut bipia Allah nihyet di nijit pai “Allah Ninnei di Noni hi bikes ei nyeni ingonti ne joi sut biboudut tut.”

YAKOBUS 5:4

Jitak kep awak di igyai miai nya imuhup leu yok bijiyem imuhup bingwig su. Suar jintu kep mun di yoni inso je tut! Jide awak di igyai njita kwei leu beisi nya ighyet tibim kikau ug ei Allah Di Sindem Bibor nitingou nsi tu.

YAKOBUS 5:9

He disut bat jen, ma jinso yam bijinjei kep yam nyen-nyen au leu binhyepo Allah kes hukum ei je dip bi. Lewo Nikei dima ttau ei dimbou heisi kwei su.

PETRUS GI NIGOM 4:9

Ma jicigit yam kui ig lo, jilua sok tut au.