NINDAT KEP TUHAN NICUKTI NYA 15:6 - ALLAH NIHYET MEM TUNGWATU NYA

⁶ Jide tuhan Allah minjei mun di kei bak jeni dem igbit nipreu ei mem jeti. Mijiyai mitiei nok ningwam bak ngkiai nya imang bibor noro mijisuar nidahat mitiei nok ningwam leu yok bi. Mijinyeng tak kep ngkiai nya imang bibor noro ngkiai nya hi mininyeng tak kep jeni bi sren.

NINDAT KEP TUHAN NICUKTI NYA 15:6 ပူးပေါင်းရင်းမြစ်များ

NIBOU NDIG NYA GI NIGOM 4:21

Bikwop ig bei gom-gom ima ide miai ba anggur kin miai biei ara nghousi. Salomo de limwa nya bidem hanjop Yehuda kin minu Israel nisurti-nipekti di ibong ei hanjop Dan kikau ug bipek kin minu ndig Bersyeba yahagom ibong kei igwam kei mem nijam di Salomo niyaijo yo. Lewo nibou ndig di ibong ei Minyei Efrat nite dini kwei bei mpia nicutti yahagom ibou cut bak noni. Nok gima cem mben di ibong ei minu di jo ttai Salomo de ninyeng tak kepti nya yahagom ihig isut bit noni. Salomo ninyeng tak kep dihyei ei Minyei Efrat nite dini kwei ei bei mpia nicutti ei Tifsah di jo Minyei Efrat nyai kikau ug ei nite mpia nicutti bipek kin minu ndig Gaza ei hanjop minu Filistin kikau ug bipek kin minu niya kwas yamti ei minu Mesir. Mben nya di ibong ei minu dima yahagom ibou cut bak Salomo ba, igo kep belasten bak noni. Njita di Salomo nya isuar bikwop njap-njap rino tepun di ndung-diem liter sribu muhwi kin tepun nitu liter sribu simnai kin sapi nihyen ei ig kandanti ningut simnai lene sapi nihyen bas ei ngoi dumti ningut nyatungwagom kin domba ningut sribu gom bitut rusa nitu kin rusa kijang kin rusa menjangan kin ha ninyengti hagom.

NIBOHON MBEN ISRAEL GI NIGOM 17:27

Gima rino dahara Nani leu binhyepo ditde limwa nya ijo ei Ade ningon ngakei yokti bijo ninno bijo kikau. Lewo tuhan e, apai ahyet di biyai gi kei bak Ade limwa nya. Gima rino handei kon ba, anjei mun di kei bak yoni bijo ninno bijo kikau.”

NIBOHON MBEN ISRAEL GI NICAN 9:26

Ninyeng tak kep nibou ndig nya ei minu di ninyeng tak kepti nisurti-nipekti leu Minyei Efrat kikau ug bipek kin minu Filistin ide kikau ug ei minu Mesir niya kwas yamti cem.

EZRA 4:20

Nipou yo ne nibou ndig di isindem bibor nya inyeng tak kep minu ndig dima cem hanjop nsi Efrat-Bei-Mpia-Nikimbasti titut yam cem. Lene ibindei mbut belasten kin ndigban nibigo gau minu cem.

NEHEMIA 9:27

Gima rino asindui sut ide siceu nya bihwen yok leu api inyeng tak kep yok. Tirigi mun di buhun cut igkep Ade limwa nya lene yahara Na di Allah leu binhyepo ampu yok. Leu api abirop ighyet hanyen kwei leu gwamti. Angondut yok ba, ata nibou kin nikon pran cig nya mem gima iteu yok bingwes ngun leu ide siceu nya inda nsi.

MAZMUR 112:5

No di singat kin no di bippiet nide mun di ma nya bak hiter kin no di ba ningon sren biyai midyai nya ne ningon nggei-hi-nggei.

MAZMUR 37:21

No di sibut dahat ndiyok leu tungwatu nya lene rop ningwam hanyen bi. Noro no di ningon sren ba ningondut yokti bikwas mun tut tungwatu nya.

MAZMUR 37:26

Noni kwas mun tut yo di hi ter lene bisindui sut hiter ibon ningwam binoni cem ba, nimunggwom bat nya mibiyai ningon nggei-hi-nggei.

NIPINGOK NINGONTI 22:7

No di nyeng tut ndigban ninyeng tak kep no di nuhui mbum. Gino hiter dahat ningwam leu nani ne anyeng tak kep noni.

LUKAS 6:35

Harin dima jiyai nok gima a! Noro suar jingon ngakei jide siceu nya cem jibibon yok nok gi kei cem jikwas mitiei ngwam tut yok cem lene ma jingon tindei ser gima itug hanyen bije au. Tug hon nisinati dima lene mijitug ndei jibuhupti nindig bibor ba, jinok Allah Di Ninyeng Jei Bibor nipmot bat nya. Lewo Allah singat tut yo di ijem sigyo bi sren kin yo di isibut nya cem.

NINDAT KEP TUHAN NICUKTI NYA 15:5

gino jipwoi tuhan ningon ba, jiba jingon di gom bibit mun nyeng hagom di ditri tut bije njap di ammani gom-gom sindam.

NINDAT KEP TUHAN NICUKTI NYA 28:44

Yoni mima mitiei nok gi dem mem gima igyai nok ningwam bak jeni. Noro jide mitiei minok gi dem mem gima jiyai nok ningwam bak yoni bi. Apino inyeng mitak kep je.