NINDAT KEP TUHAN NICUKTI NYA 15:23 - ALLAH NIHYET MEM TUNGWATU NYA

²³ Ma igyem ninggrom di huisi au. Noro suar ikiber ninggrom ug ei dihyeiti noyam kin isiber minyei.”

NINDAT KEP TUHAN NICUKTI NYA 15:23 ပူးပေါင်းရင်းမြစ်များ

NINDAT KEP TUHAN NICUKTI NYA 12:16

Noro ma jiyem mindhe-ndhe dima ninggrom au. Suar jisiber ninggrom hagom ug ei dihyeiti nok minyei.

NINDAT KEP TUHAN NICUKTI NYA 12:23

Noro ma jiyem mikwau di ninggrom huisi au. Lewo niyaisi no jo ninggromti. Gima rino ma jiyem niyaisi kin mikwau dima bibit yam au.

IMAM NYA IDE MIDYAI 7:26

Harin dima mben Israel igyem ha nya inggrom kin mindhe nindigsi nya inggrom ei minu di ibongti a.

YEHEZKIEL 33:25

Da di tuhan Di Dinyeng Jei Bibor disok dihyet ei na dip bak yo dima, “Jiyem mikwau di ninggrom huisi cem jikuk je bak kwar nya cem jihwen mun cem kikau. Nggon rino jikan bipia dihyei dini nok jide dihyei ninda rom i?

SAMUEL GI NIGOM 14:32

Gima rino ibinang yam bikikam mun di ipos leu ide siceu nya ba, ibui domba nya kin sapi nya bibam leu api igyem mikwau di ninggrom joti yo.

KISAH 15:20

Noro ma ipas srat di bisok kep yok ser nhyema imbres yok leu mikwau di tungwatu ipigig ser di ibui bak kwar di ikuk yok bak nya kin mindhe di iba kuk bikri kep nikimam di ninggrom huisi kin niyem ninggromti kin nicut tut yamti cem.

NITRITI 9:4

Noro harin dima jiyem mikwau di ninggrom huisi a. Lewo niyaisi no jo ninggromti.

IMAM NYA IDE MIDYAI 17:10

Gino mben Israel gom e, he ngkiai gom di bong timiei ei mben Israel ikieti e, yem mikwau di ninggrom huisi lene tuhan mikes hukum ei no dima dip. Ma jibibon no dima tereu nok no di nggre kin Allah de limwa bu bi.

IMAM NYA IDE MIDYAI 19:26

Harin dima jiyem kep mikwau di ninggrom hugsi a. Harin dima jikrau kep yo di inda dut nya ingon kanti a.

SAMUEL GI NIGOM 14:33

Lene ibou poi ibakilak yok bak Saul bipai binoni “Angat i! Ade limwa nya ibon sisar tut tuhan tug hon mikwau di igyem tut ninggrom di joti.” Lene Saul mbrua ser yok bipai “Jipigau Allah de hanjop tu! Ma jirim tig nindig bibor kwei bida.”

NINDAT KEP TUHAN NICUKTI NYA 12:15

Noro tut jide mindhe-ndhe nindigsi nya lene ma jibui mikwau dima mem jenti igbit jide biyati. tuhan di nok jide Allah sindui sut gima jiyem mikwau dima dem igbit nimangti di Noni yai bije tu. Noni sindui sut gima yo di ingon kwes nya kin yo di map kui yok yahagom igyem mikwau dima bit leu nok jiyem rusa kin mindhe kijang ninghuigya.

NINDAT KEP TUHAN NICUKTI NYA 12:24

Lene ma jiyem ninggrom dima nok jiyem njita au. Noro ma jisiber hagom ug ei dihyeiti nok minyei.