NINDAT KEP TUHAN NICUKTI NYA 15:19 - ALLAH NIHYET MEM TUNGWATU NYA

¹⁹ “Ma jikwas sapi kin kambir kin domba nipmot bou nya hagom tut jide tuhan Allah. Ma jiba sapi nipmot bou nya dima bikkin dihyei ba, jikos domba nipmot bou dima ninta leu cem au.

NINDAT KEP TUHAN NICUKTI NYA 15:19 ပူးပေါင်းရင်းမြစ်များ

NEHEI LEUSI 13:12

suar jidimig jipmot mighumbou nya yahagom ei mem Allah. Nok gima tut jide mindhe-ndhe nipmot bou nya cem bak. tuhan ninyeng tak kep hagom.

NEHEI LEUSI 13:2

“Ma adimig munggwom pinai mighumbou nya yahagom ei mem Da lewo dinyeng tak kep mben Israel ide munggwom pinai mighumbou nya kin ide mindhe-ndhe nipmot bou nya yahagom.”

NEHEI LEUSI 22:29

Ma jikwas jide gandum ngan kin ba anggur ngat kin mini zaitun ngei ndrim hi tut Da dem igbit ttou boua. Ma jidimig jipmot mighumbou nya ei mem Dani.

NEHEI LEUSI 22:30

Lene jidimig jide sapi nipmot bou nya kin jide domba nipmot bou nya ei mem Dani. Noro ma jisindui sut ipmot bou nya bibong bit ipmem bat nya mem ari nitindur gom leu api ma jidimig yok ei mem Dani mem njap gi nimuhwindaningai.

NEHEI LEUSI 34:19

Dinyeng tak kep jide munggwom pinai mighumbou nya kin jide mindhe-ndhe nipmot bou nya hagom.

IMAM NYA IDE MIDYAI 27:26

Mindhe nipmot bou ne tuhan de ri. Gima rino harin dima jikwas gi hi dima nok mun di jikwas pijum ei mem nibon midut bit leu jijoi sutti a. Sapi nipmot bou kin domba nipmot bou kin kambir nipmot bou ne tuhan de hagom.

MBEN ISRAEL IMBUT-MBUT NYEN 18:15

Bitut mben Israel ipmot mighumbou nya kin ide mindhe-ndhe nihyen kep nipmot bou nya hagom di ikwas pijum tut Dani ne ade ri. Noro suar asindui sut ba, mben Israel iba mitiei bipek ipmot mighumbou nya kin ide mindhe-ndhe di map kuisi nya hanyen.

MBEN ISRAEL IMBUT-MBUT NYEN 18:17

Noro disindui sut ba, iba mitiei bipek sapi kin domba kin kambir nihyen kep nipmot bou hanyen bi. Suar ibui mindhe-ndhe nihyen kep dima mem Dani lewo Ditde nya ri. Lene ma iba ninggrom dima biprok nimbar hum dok nitta leu api indig nimmau kep hum mem nibon midut njita nibipai sigyo bak Allahti. Lene midijoi sut ninghap di ngge kei dima.

MBEN ISRAEL IMBUT-MBUT NYEN 3:13

Mpe di diyai nimai bak mben Mesir imunggwom bat mighumbou nya yahagom lene didimig mben Israel ipmot bat mighumbou nya kin ide mindhe-ndhe nihyen kep nipmot bou nya hagom pijum ei mem Danti. Ditde gima yok hagom. Dani ne tuhan ri.”

ROMA 8:29

Habiei ei nimbie him ne Allah kan tut yo di Noni hig su nya bidimig yok leu binhyepo inoyam kin Nipmot Yesus Kristus. Tug hon nisinati dima Noni bindei Nipmot nok mighumbou mem Nide bat nya imang bibor.

NINDAT KEP TUHAN NICUKTI NYA 12:11

tuhan di nok jide Allah mindo minu ttou nsi gom ngat lene ma jikuk je biNoni ei sirima. Lene ma jittei mun di dicuk je tut hagom ei sirima. Nok mindhe-ndhe di jindig kep hum ei nimbar hum dokti kin mindhe-ndhe mem nibon midut nindigsi nya kin mun di jikwas gom leu ningot gom lene nok kin mun nindigsi di jikwas tut Noni kin mun di jipreu ei mem Noni nipou su nya hagom.

NINDAT KEP TUHAN NICUKTI NYA 12:17

Ma jiyem mun di jipigig sut ei mem tuhan ei jide biyati kin jide minu au. Nok jide gandum kin ba anggur ningei kin mini zaitun di jikwas gom leu ningot gom lene nok kin mun di jihyen kep nipmot bou nya cem mun di jipreu ei mem tuhan nipou su kin mindhe-ndhe di jikwas tut Noni mikuisi kin mun nyeng hiter di jikwas.

NINDAT KEP TUHAN NICUKTI NYA 14:23

Lene ma jiyem njita ningat gom leu ningot gom bibikwop nok di jibikuk je bak tuhan ei jide tuhan Allah Noho bei ei mpia di Noni ndo ei nok mpia ttou nsi mem gima jikuk je bak Noni eisi. Ningat gom leu ningot gom bitut gandum kin ba anggur ngei kin mini zaitun kin jide sapi kin kambir kin domba nipmot bo nya hagom. Ma jiyai kep midut dima leu binhyepo jibiyok ngon kep nisinati tut nibikuk je bak jide tuhan Allahti bijo kikau.

NINDAT KEP TUHAN NICUKTI NYA 15:18

Ma aba angon di kinei bikes ade awak gom bimbut leu na bihigom au. Lewo noni yai midyai bit na ei nijam ari bingwam muhwindagom tu. Gino abinai nide midyai di yai nya kin awak di yai midyai bibipek nimuhup lene ningat ne ade awak dima tug ndei nimuhup pwoi mien he.”

NINDAT KEP TUHAN NICUKTI NYA 16:11

Suar jiyai nillei bit jimunggwom bat nya kin awak jide nya kin keret Lewi nya kin ngkiai nya kin moibihi nya kin kibom nya di ibong ei jide minu ndig nya. Ma jibon midut dima ei jide tuhan Allah Noho bei ei mpia ttou nsi di Noni ndo ei mem je tu.

NINDAT KEP TUHAN NICUKTI NYA 16:14

Ma jingon nggei-hi-nggei bit jimunggwom bat nya kin awak jide nya kin keret Lewi nya kin ngkiai nya kin moibihi nya kin kibom nya di ibong ei jide minu ndig nya.

IBRANI 12:23

Jikwei ya hon Allah nimunggwom mighumbou nya di iba ingon di llei bibor binduk yam kwei ba, inyeng tibim kin Allah de daptar ei gwamti. Jikwei ya hon Allah ba, Noni ne nikei di mbus tungwatu nya yahagom ingonti ri. Ba, jikwei ya hon tungwatu di ingon sren di imai su di Allah bindei bikei-kau.