NINDAT KEP TUHAN NICUKTI NYA 15:13 - ALLAH NIHYET MEM TUNGWATU NYA

¹³ Noro ma asindui sut ba, awak di akes dima biba ninda ngwak bimbut hak au.

NINDAT KEP TUHAN NICUKTI NYA 15:13 ပူးပေါင်းရင်းမြစ်များ

MALEAKHI 3:5

tuhan Di Sindem Bibor pai “Jei bi ne midittau hak ei jikieti nok nikei di tri tut jide hukum. Leu api haninyai midibakilak yo di nung kui yok kin yo di icut tut hi ter nitnem kin yo di iris mun ei nikei noho bei kin niceu nya di igyem ide awak nya imuhup kin yo di ihwen bit kibom nya kin moibihi nya kin ngkiai nya ba, dibakilak yo di ikon dinyeng bi nya yahagom.”

YEREMIA 22:13

Buhun bibor mem no di ba ningon di gom bi bingot nide ig lene ba ningon di sren bi bibindei ig dima bres. Buhun bibor mem no di cuk yo di ninttig-tta nya bigyai midyai lo, kwas imuhup tut yok bi a.

KOLOSE 4:1

Niceu bat jen! Ma jiba jingon sren bibon jide awak nya lene ma jibimangkrei yok au. Ma jiyok ngon kep bipia jijem jiceu bit Tuhan ei gwamti.

NEHEI LEUSI 3:21

Midibindei ba, mben Mesir mingondut je leu binhyepo tirigi Ditde limwa nya imbut bingwes ngun lene miyehei he bi.

NITRITI 31:42

Gino dignyon Abraham kin dicig Ishak ide Allah nyohou da bi lene dikan bipia ma ajji da bidiba dinda ngwak bingkwei hanyen ug ei ditimieisi. Noro Allah ngat igbit mun di buhun tak da bou niyai him ba, Noni kan tut ditde midyai nya. Apino Noni pai igbit nikos tutti mem himmun di ammani.”

NINDAT KEP TUHAN NICUKTI NYA 15:12

“Tirigino tungwagom tri nisut mben Israel pinai-sop gom nok awak bak nani lene suar awak dima yai midyai bit na ei nijam ari bingwam muhwindagom. Ba, ug ei ari bingwam nimuhwindacan nitausi lene suar akes noni hanyen leu midyai nok awak bimbut hak ug.

NINDAT KEP TUHAN NICUKTI NYA 15:14

Ma aba angon di mba bikwas mun di ade tuhan Allah yai bina nok kambir kin domba kin gandum kin ba anggur ngei tut noni.