NINDAT KEP TUHAN NICUKTI NYA 15:10 - ALLAH NIHYET MEM TUNGWATU NYA

¹⁰ Ma jiba ningon di mba kin ningondutti cem biyai mun di suar nya bak no dima leu api jide tuhan Allah minjei mun di kei bak jeni tug hon jide midyai hagom di jiyai nya.

NINDAT KEP TUHAN NICUKTI NYA 15:10 ပူးပေါင်းရင်းမြစ်များ

NIPINGOK NINGONTI 22:9

tuhan njei ningat di kei bak no di ngondut hiter drek dip gi po kwas nide ningat di kei tut no di nimati dem bi pima.

NIBA NINGON SRIP HUKTI 11:1

Gino jikwas jide mun di jimati tut yam lene mijitug ndei mun dima yok hanyen dem igbit nituti.

YESAYA 32:8

Noro no di singat kei ningon gom lene ba ningon bisrip huk mun di singat kei ba, niyai munti nya cem singat kei.

YESAYA 58:10

jikwas njita tut yo di inggum nya bijimpu yo di yuhui mbum nya leu api midibindei ba, nidinditi di nggai kep je minok mpia huk pijumti di nipigati com kei.

MATIUS 25:40

Nibou Ndig mibuhup ‘Ma jiyok ngon kep bipia tirigi jingondut dikinjoi bat di ibon inyeng bi sren dini yok lene gima dem kep nok jingondut Dani!’

KISAH 20:35

Lewo dindo bindo bije tug hon nisinati hagom tu leu binhyepo jijoi bibor ba, jita jibou ei midyaiti leu binhyepo jibingondut yo di isindem bi nya. Lewo suar jiyok ngon kep Tuhan Yesus Nonti nihyet di pai ‘Tungwatu nya igyai nillei tug hon ide ningondut tungwatu nyati leu gima igyai mun di yo di hiter ibingondut yok a.’ ”

ROMA 12:8

Suar no di yai nisindemti mem gima biwin kep yo di hiter ingonti biwin kep ingonti hak ug. Suar no di yai nisindemti mem gima kwas mun di ma nya tut hiter ngondut yok bikwas mun di ma nya tut yok. Suar no di yai nisindemti mem gima bie tut tungwatu nya ta nibou ei nibie tut yokti. Suar no di yai nisindemti mem gima ngondut hiter ba ningon di llei bingondut yok.

NINDAT KEP TUHAN NICUKTI NYA 14:19

Map kui mindhe nimien di bon ninyehei hagomti ba, mindhe dima ne mindhe nipigig ser ri. Gima rino ma jiyem au.

NINDAT KEP TUHAN NICUKTI NYA 14:29

Njita dima mem keret Lewi lewo yoni ima dihyei hanjop nsi hi bou yok nok ide bi. Lene hi mem yo di yuhui mbum di ibong ei jide minu ndig nya kin munggwom moibihi nya kin kibom nya kin ngkiai di ibong timiei bit je cem yahagom. Ma jisindui sut yoni ba, ikwei yai mun nyeng hagom di isuar nya. Suar jibit nicuk jeti dima leu api jide tuhan Allah minjei mun di kei bak jeni tut jide midyai di jiyai nya hagom.”

NINDAT KEP TUHAN NICUKTI NYA 15:18

Ma aba angon di kinei bikes ade awak gom bimbut leu na bihigom au. Lewo noni yai midyai bit na ei nijam ari bingwam muhwindagom tu. Gino abinai nide midyai di yai nya kin awak di yai midyai bibipek nimuhup lene ningat ne ade awak dima tug ndei nimuhup pwoi mien he.”

NINDAT KEP TUHAN NICUKTI NYA 15:4

Jide tuhan Allah miyai mun di kei bak jeni ei minu di Noni miyai bak jeni. Apino jisut mben Israel leu jikieti hi nuhui mbum bi sren,

NINDAT KEP TUHAN NICUKTI NYA 24:19

Tirigi jikos jide gandum ei beisi lene ma jiba jiyai ngat hi lo, ma jingkwei hanyen bijimbus gi hi dima au. Ma jisindui sut bijo ei mem ngkiai nya kin moibihi nya kin kibom nya leu binhyepo tuhan di nok jide Allah miyai gi kei bije bimpu je tut jide midyai nya hagom.

NINDAT KEP TUHAN NICUKTI NYA 28:8

Jide tuhan Allah minjei mun di kei bak jeni tug hon jide midyai di jibrim jingkek tut nya lene mibindei ba, jide gudan mpung tut gandum cem. Noni miyai gi kei bije ei minu di Noni yai bije.

IBRANI 13:16

Ma jingon prion ser nituti mem jahati tut yam kin jingon dut yam au. Lewo jiyai munti dima tereu nok midut nibui mindheti di bindei ba, Allah joi sut je.

PETRUS GI NIGOM 4:11

Ma no di tri tut nihyet tri tut Allah nihyet. Ma no di mpu hiter ba nisindemti leu Allah bimpu yok leu binhyepo jiyai munti nya hagom bindei ba, tungwatu nya ikon Allah ninyeng tug hon Yesus Kristus. Allah rino nyeng tut nikei-kau-keisi kin nisindemti kikau buug hon nohonti bi. Igbit ri.