NINDAT KEP TUHAN NICUKTI NYA 14:21 - ALLAH NIHYET MEM TUNGWATU NYA

²¹ Tut mindhe di nonti mai lene ma jiyem ninghui au. Noro ma jisindui sut ba, ngkiai nya di ibong timiei ei jikieti igyem mindhe dima ninghui a. Jitri nok mikwau bak ngkiai nya di ikwei cem kep je. Noro jeni ne limwa di jide tuhan Allah dimig pijum ei mem Nonti ri. Gino jikwen domba pmot ninghui e, he kambir pmot ninghui e, lene ma jiba nipmem nido ngei bikwen ei yeng gomti au.”

NINDAT KEP TUHAN NICUKTI NYA 14:21 ပူးပေါင်းရင်းမြစ်များ

NEHEI LEUSI 23:19

Ma jikon gandum ningat ndrim hi ei Ditde ig mbusyameisi bikwop ari bingwam hagom. Lewo Dani ne tuhan ba, dinok jide Allah ri. Gino jikwen domba pmot ninghui e, he kambir pmot ninghui e, lene jiba nipmem nido ngei bikwen ei yeng gomti au.”

NEHEI LEUSI 34:26

Suar jikon gandum ngan ndrim hi ei Ditde Ig nsi bikwop ari bingwam hagom. Lewo Dani ne tuhan bidinok jide Allah ri. Gino jikwen domba kin kambir pmot ninghui lene jiba nipmem nido ngei bikwen ei yeng gomti au.”

NINDAT KEP TUHAN NICUKTI NYA 14:2

Jide tuhan Allah ninyeng tak kep je. Noni mbus jengkom bijinok Nide limwa nya leu mben nindigsi di ingat rin ei dihyei njek dip dini hagom.”

IMAM NYA IDE MIDYAI 22:8

Harin dima jigom yem mindhe-ndhe di mai ei ninghui kin gi hi di mai tug hon mindhe di niten-pos di ttem ninghui a. Gino yem lene map kui noti. Dani ne tuhan ri.

IMAM NYA IDE MIDYAI 17:15

Bikwop mben Israel gom e, he ngkiai gom e, di yem mindhe di nonti mai ei ninghui kin mindhe di mai drek dip mindhe di niten-pos di ttem ninghui lene suar no dima tot nide sinsun bikek minyeti tut. Suar noni gwam kikau ug bipek mpia nicutti kep leu api map kui noti bu bi.

YEHEZKIEL 4:14

Noro dibuhup “Ayo, tuhan Di Ninyeng Jei e! Leu dimien yo kikau bipek ammani kep dibindei ba, map kui da drek dip gi diyem mindhe di mai hak ninghui kin ninghui di mindhe di niten-pos yem di niken jo ei bigyo ba, dibiyem njita di ipigig ser cem hi bigyo sren.”

PETRUS GI NIGOM 1:16

Bit leu nok gi ipas ei Allah nihyetti “Ma jingon kwes-kwau bit leu nok Da di Allah dingon kwes-kwau.”

ROMA 12:2

Ma jiyai bram mun di bon ninyeng mem tungwatu dihyeisi dini kin igyai kepti nya au. Noro ma jisindui sut ba, Allah bibon jenti njem nok nijep bu. Tug hon nisinati dima mijikan tut Allah ningon kanti di kei bibor di biyai Allah ningon llei bibor bikwes-kwau mem jenti.

KISAH 15:20

Noro ma ipas srat di bisok kep yok ser nhyema imbres yok leu mikwau di tungwatu ipigig ser di ibui bak kwar di ikuk yok bak nya kin mindhe di iba kuk bikri kep nikimam di ninggrom huisi kin niyem ninggromti kin nicut tut yamti cem.

DANIEL 12:7

Lene no dima su ninda hacem kui mpia-bbed him. Dimiap gi noni heng bitug hon Allah di niyaijo kikau ninyeng bipai “Mun di pek kep dima yok mbut biyem ari bingwam nitindur ningai ba, bed nitindur muhwindagom. Hammi tirigi nihwen bit Allah de limwati nya kes hon rino mun di pek kep di wer mindur dima yok cem kes hon.”

DANIEL 8:24

Ba, nide nisindemti mikum eisi bibor noro nisindemti dima tug hon nonti bi. Noni mibindei ba, nibindei timek buhun biborti cut igkep tungwatu nya. Noni yai mun bipek kep ningon kanti lene bindei sar yo di inyeng jei nya kin Allah de limwa nya cem.

NEHEI LEUSI 19:6

Midipigig sut je mem Danti leu api jahagom mijiyai kep midyai noyam kin midyai di imam nya igyai kep.”

IMAM NYA IDE MIDYAI 11:40

Suar no di yem mindhe dima ninghui ndrim hi ba minyei bitot nide sinsun leu lo, map mikui noti kikau bibou mpia kimbas ug e.

NINDAT KEP TUHAN NICUKTI NYA 7:6

Ma jiyai gini hagom igbit lewo tuhan di nok jide Allah ninyeng tak kep je. Noni dimig je leu mben dihyeisi dini hagom leu binhyepo jinok Nide mben di ningon kieti.

NINDAT KEP TUHAN NICUKTI NYA 14:20

Noro mindhe di bon ninyehei di nipui kwes di ipigig ser bi ne ma jiyem hak ug.

YEHEZKIEL 44:31

Ma imam nya igyem ha kin mindhe-ndhe nindigsi nya di nonti mai kin gi mindhe di ten hiter ttem di mai ei cem au.”

NEHEI LEUSI 22:30

Lene jidimig jide sapi nipmot bou nya kin jide domba nipmot bou nya ei mem Dani. Noro ma jisindui sut ipmot bou nya bibong bit ipmem bat nya mem ari nitindur gom leu api ma jidimig yok ei mem Dani mem njap gi nimuhwindaningai.