NINDAT KEP TUHAN NICUKTI NYA 13:7 - ALLAH NIHYET MEM TUNGWATU NYA

⁷ kin nung di ikuk yok bak nya di ngkiai di ibong dideu na kin gi hi di ibong minu ting bibor ikuk yok bak lo,

NINDAT KEP TUHAN NICUKTI NYA 13:7 ပူးပေါင်းရင်းမြစ်များ

YEREMIA 44:15

Mpe dima lene imang bibor ikwei ngat da. Yo dima ne pinai ngot di ikan lo, itnem bat nya ibon midut nindig mindhe-ndhe ei humti ba, ibikuk yok bak kwar nya kin sop di igya nyen ei sirima bitut limwa mben Israel di ibong ei Patros ndam minu Mesir nibiho ri. Yahagom ipai bida,

MBEN ISRAEL IMBUT-MBUT NYEN 25:4

“Akat nibou mben Israel yahagom ba, akes hukum nimai ei yok dip ei ide limwa nya yahagom yoho bei dem igbit dicuk nati. Tug hon nisinati dima lene midikes hon ba, digga yok bu bi.”

NINDAT KEP TUHAN NICUKTI NYA 13:6

Mbro nok gino akindig bat-akinjoi bat nya kin apmot bat apmisop bat nya kin atnem di angon ngakei noni kin angon kieti yahagom iba niku ris na nyahan leu binhyepo akuk na bak nung nya di nani kin adigup bat-adigai bat nya jikan tut bigyo,

NINDAT KEP TUHAN NICUKTI NYA 13:8

ma angig atingou mem nihyet ba, asindui sut noni bibrim ningkek kep nani au. Ma angon nggriu sut noni ba, angondut noni cem anyohou noni cem au.

NINDAT KEP TUHAN NICUKTI NYA 6:14

Ma jikuk je bak nung di ngkiai nya di ibong ttai je ikuk yok bak nya au.

YOSUA 24:15

Gino jikou sut gi jikuk je bak Noni lene ma njap di ammani jikos tut no di jikuk je bak. Mijikuk je bak nung nya di jidigup bat-jidigai bat nya ikuk yok bak ei Mesopotamia pima e, he jikuk je bak nung di timiei mben Amori ei minu di jibong eisi dini ikuk yok bak nya e? Noro tut dani kin dide bat nya nahagom minikuk nye bak tuhan Nongkom.”